Connect with us

សេដ្ឋកិច្ច

កម្ពុជា នឹងមានកំពង់ផែទឹកជ្រៅជិតប៉ុនសិង្ហបុរី​អាចទទួលកប៉ាល់ធំៗជុំវិញពិភពលោក

បានផុស

នៅ

តាមផែនការជំហានទី១ កម្ពុជា មានគម្រោងសាងសង់កំពង់ផែទឹកជម្រៅ ដោយមានជម្រៅដក១៤ម៉ែត្រកន្លះ ជំហានទី២ មានជម្រៅទឹកដក ១៦ម៉ែត្រកន្លះ និងជំហានទី៣ មានជម្រៅរហូតដល់ដក ១៧ម៉ែត្រកន្លះ គឺជិតស្មើកំពង់ផែរបស់ទី​ក្រុងសាំងហ្កាពួ ដែលមានជម្រៅ ១៨ម៉ែត្រ ខណៈបច្ចុប្បន្នកម្ពុជា មានកំពង់ផែទឹកជ្រៅនៅក្រុងព្រះសីហនុ ត្រឹមជម្រៅ ៩ម៉ែត្រកន្លះប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទី សាគុណ អគ្គនាយករងបច្ចេកទេសកំពង់ផែស្វយ័តក្រុងព្រះសីហនុ បានឱ្យដឹងថា គម្រោងទាំងបីនេះ រាជរដ្ឋាភិបាល​គាំទ្រ និងបានចុះហត្ថលេខាលើកម្ចីសម្បទានពីរដ្ឋាភិបាលជប៉ុនរួចហើយ។ លោកថា« ថវិកាយើង​មានក្នុងដៃហើយ យើងនៅបំពេញនីតិវិធី និងសាងសង់ យើងនឹងបានកំពង់ផែថ្មីដែលមានជម្រៅទឹកជ្រៅ ដែលអាច​ទទួលបានកប៉ាល់ធំៗមកពីជុំវិញសកលលោកបាន»។

អគ្គនាយករងបច្ចេកទេសកំពង់ផែស្វយ័តក្រុងព្រះសីហនុ បានឱ្យដឹងថា តាមគម្រោងដំណាក់ទី១ នឹងត្រូវសាងសង់រួច​រាល់ នៅឆ្នាំ ២០២៦។ ចំណែកឆ្នាំ ២០២៨-២០២៩ នឹងរួចរាល់ជំហានទី២ ដោយឡែកជំហានទី៣ គ្រោងនឹង​បញ្ចប់​ត្រឹមឆ្នាំ ២០៣០។ ​

លោក ទី សាគុណ បានគូសបញ្ជាក់ថា គម្រោងពង្រីកការសាងសង់កំពង់ផែ ដោយសាររាជរដ្ឋាភិបាល មើលឃើញថា អនាគតបរិមាណទំនិញចេញ-ចូលតាមកំពង់ផែនេះ កាន់តែមានការកើនឡើង ហើយកំពង់ផែស្វយ័តខេត្តព្រះសីហនុ មានសារៈសំខាន់ខ្លាំងសម្រាប់សេដ្ឋកិច្ចជាតិ។

បច្ចុប្បន្ននេះ ទំនិញឆ្លងកាត់កំពង់ផែក្រុងព្រះសីហនុ មានបរិមាណច្រើនជាងសមត្ថភាពនៃកំពង់ផែ ដែលអាចទទួល​បាន។ លោក ទី សាគុណ បញ្ជាក់ថា សព្វថ្ងៃនេះ កំពង់ផែខេត្តព្រះសីហនុ អាចទទួលបានកប៉ាល់ដែលមានជម្រៅទឹក ៩ម៉ែត្រកន្លះ មានសមត្ថភាពដឹកជញ្ជូនស្មើនឹង ២០០០ TEU។​​ «ខ្ញុំជម្រាបជូនថា បច្ចុប្ប​ន្ននេះ បើយើងនិយាយ​ពីកប៉ាល់ដែលដឹកញ្ជូនទំនិញនៅក្នុងតំបន់អាស៊ីប៉ាស៊ីហ្វិច អាចចូលមកកំពង់ផែយើងបានប្រហាក់ប្រហែលតែ ១៨-១៩ភាគរយទេ»។

កំពង់ផែស្វយ័ត​ បានចុះកិច្ចព្រមព្រៀងជាមួយក្រុមហ៊ុនកប៉ាល់ចំនួន ១៣​ ដែលមានកប៉ាល់ចេញចូលកំពង់ផែ ប្រមាណ​១៥ជើង ក្នុងមួយសប្តាហ៍។ នេះជាការបន្ថែមរបស់អគ្គនាយករងបច្ចេកទេសកំពង់ផែស្វយ័តក្រុងព្រះសីហនុ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៨ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៨ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៩ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៩ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១០ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម