អតិផរណានៅ អាមេរិក ឡើងដល់ ៨.២ ភាគរយ ក្នុងខែកញ្ញា

ក្រសួងការងារអាមេរិកបញ្ជាក់ថា អតិផរណារបស់អាមេរិកនៅក្នុងខែកញ្ញាបានឡើងដល់ ៨.២ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន ។

នាពេលកន្លងទៅ អាមេរិកបានដំឡើងការប្រាក់ជាច្រើនដងដើម្បីទាញទម្លាក់អតិផរណាមកកម្រិតទាបវិញ ប៉ុន្តែការធ្លាក់ចុះនៃអតិផរណានេះ គឺមានចំនួនតិចតួចបំផុត ។

ជាមួយនឹងការដំឡើងការប្រាក់ខ្ពស់នេះ  ធ្វើឲ្យវិនិយោគិនជាច្រើនមើលឃើញឪកាសល្អ ផ្លាស់ប្តូរការវិនិយោគពីប្រទេសដទៃ  បង្វែរចូលទៅវិនិយោគក្នុងទ្រព្យសម្បត្តិរបស់សហរដ្ឋអាមេរិកវិញ ដែលជាការផ្តល់ផលចំណេញខ្ពស់ ។

ទន្ទឹមនោះ លំហូរចូលវិនិយោគគិនក្នុងទឹកដីអាមេរិក បានធ្វើឲ្យប្រាក់ដុល្លារកាន់តែកើនឡើង ប៉ុន្តែក៏ទាញទម្លាក់រូបិយបណ្ណប្រទេសផ្សេងៗ ឲ្យចុះទាបអស់ជាច្រើនប្រទេសផងដែរ ជាពិសេស រូបិយបណ្ណប្រទេសជប៉ុន នាពេលថ្មីៗនេះ នៅសល់ត្រឹមតែ ១៤៧ យ៉េនប៉ុណ្ណោះក្នុង ១ ដុល្លារ ៕

ប្រែសម្រួលដោយ ៖ នាង រតនៈ

ប្រភព ៖ NHK

ចុចអាន ៖ ណាតូ គូសបន្ទាត់នុយក្លេអ៊ែរលើ រុស្ស៊ី