សេដ្ឋកិច្ច
វិបត្តិទីផ្សារនាំឲ្យក្រុមហ៊ុនអចលនទ្រព្យ វៀតណាម ចំនួន ៥៥៤ ត្រូវធ្លាក់ទឹក
ទីផ្សារអចលនទ្រព្យវៀតណាមរយៈពេល ៥ ខែដំបូងនៃឆ្នាំ ២០២៣ នេះ គឺមិនល្អប្រសើរនោះឡើយ ដែលជំរុញឲ្យក្រុមហ៊ុនអចលនទ្រព្យចំនួន ៥៥៤ ត្រូវបិទទ្វា ខណៈសកម្មភាពឈ្មួញកណ្តាលបានធ្លាក់ចុះមកត្រឹម ៣០ ទៅ ៤០ ភាគរយ ចាប់តាំងពីចុងឆ្នាំ ២០២២ មក ។
បើយោងតាមរបាយការណ៍របស់សមាគមអចលនទ្រព្យវៀតណាមបានឲ្យដឹងថា បច្ចុប្បន្នទីផ្សារអចលនទ្រព្យ កំពុងស្រេកឃ្លានការផ្គត់ផ្គង់ ជាពិសេសលំនៅដ្ឋានដែលមានតម្លៃសមរម្យ ដោយសារតែមិនសូវមានអតិថិជនទិញឡើយ ។
ពាក់ព័ន្ធនឹងបញ្ហានេះដែរ សមាគមបានពន្យល់ថា គឺបណ្ដាលមកពីអចលនទ្រព្យបច្ចុប្បន្នរបស់វៀតណាម សុទ្ធតែជាគម្រោងចាស់ មានគុណភាពទាប ទើបធ្វើឲ្យអតិថិជនគ្មានចំណាប់អារម្មណ៍ ។ ជំនួសមកវិញ អតិថិជនបែរជាងាកមកដាក់ប្រាក់ក្នុងធនាគារ ដើម្បីទទួលបានអត្រាការប្រាក់បញ្ញើខ្ពស់ ។ ម្យ៉ាងទៀត ការផ្គត់ផ្គង់មិនសមស្រប រួមជាមួយលំហូរសាច់ប្រាក់ទន់ខ្សោយ និងការថយចុះទំនុកចិត្ត ក៏ជាមូលហេតុចម្បងមួយទៀតបណ្តាលឲ្យការលក់ក្នុងឆ្នាំ ២០២២ និងត្រីមាសទី១ ឆ្នាំ ២០២៣ ធ្លាក់ចុះខ្លាំងបែបនេះ ។
នៅក្នុងត្រីមាសទី១ អាជីវកម្មអចលនទ្រព្យបានរាយការណ៍ថា ប្រាក់ចំណូលរួមសរុបចូលគ្នាបានធ្លាក់ចុះ ៦.៤៦ ភាគរយ ហើយប្រាក់ចំណេញក្រោយពន្ធរួមបញ្ចូលគ្នា ក៏ធ្លាក់ចុះផងដែរដល់ ៣៨.៦ ភាគរយ ។
ដោយឡែក ចំពោះឈ្មួញកណ្តាលផ្នែកអចលនទ្រព្យនេះទៀតសោតត្រូវបានលាឈប់ពីការងារ ក៏ដូចជាត្រូវជម្រុះចេញពីក្រុមហ៊ុន ខណៈអាជីវកម្មមួយចំនួនផ្សេងទៀតប្រកាសក្ស័យធន ដោយសារតែរកប្រាក់ចំណូលមិនបាន ។ ទន្ទឹមនឹងនេះ មានប្រហែល ៩៥ ភាគរយនៃឈ្មួញកណ្តាល ត្រូវបានកាត់ប្រាក់ខែរហូតដល់ ៧០ ភាគរយផងដែរ ។
គួរបញ្ជាក់ថា ប្រសិនបើស្ថានភាពនៅតែដុនដាបបែបនេះទៀត សមាគមអចលនទ្រព្យវៀតណាមអាចនឹងមានអាជីវកម្មតែ ២៣ ភាគរយប៉ុណ្ណោះ ដែលអាចឈរជើងនឹង រហូតដល់ចុងត្រីមាសទី៣ នៃឆ្នាំនេះ ហើយមានតែក្រុមហ៊ុនប្រហែល ៤៣ ភាគរយ ដែលនឹងអាចបើកដំណើរការរហូតដល់ដំណាច់ឆ្នាំ ២០២៣ ៕
ប្រែសម្រួល៖ នាង រតនៈ
ប្រភព៖ The Investor
ចុចអាន ៖ វៀតណាម បិទរោងចក្រ វារី អគ្គិសនី ចំនួន ១១ ដោយសារ ខ្វះទឹក
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore