ក្រសួងក្រសួងឧស្សាហកម្មវៀតណាម​ស្នើ​ឲ្យ​បង្កើន​ការ​ផ្គត់ផ្គង់​អគ្គិសនី​ចំនួន ៤,៤ ពាន់​លាន​គីឡូវ៉ាត់ម៉ោង​នៅ​ឆ្នាំ​នេះ

ការផ្គត់ផ្គង់អគ្គិសនីនៅប្រទេសវៀតណាមនឹងកើនឡើងពី ៤,៤ ពាន់លានគីឡូវ៉ាត់ម៉ោងដល់ ៣១០,៦ ពាន់លានគីឡូវ៉ាត់ម៉ោង ដោយបង្កើនការផលិតក្នុងស្រុក និងការនាំចូលក្នុងកិច្ចខិតខំប្រឹងប្រែងដើម្បីធានាថាមពលគ្រប់គ្រាន់សម្រាប់សេដ្ឋកិច្ច។  នេះបើយោងតាមផែនការផ្គត់ផ្គង់អគ្គិសនីថ្មីសម្រាប់ឆ្នាំ ២០២៤ ដែលក្រសួងឧស្សាហកម្ម និង ពាណិជ្ជកម្មបានប្រកាសនាពេលថ្មីៗនេះ។

ក្រសួងបាននិយាយថា សេដ្ឋកិច្ចវៀតណាមកំពុងងើបឡើងវិញយ៉ាងឆាប់រហ័សនៅក្នុងត្រីមាសទីមួយនៃឆ្នាំនេះ ដែលបណ្តាលឱ្យតម្រូវការអគ្គិសនីកើនឡើង។ ស្ថិតិបានបង្ហាញថាទិន្នផលអគ្គិសនីពាណិជ្ជកម្មរបស់ Vietnam Electricity (EVN) ឈានដល់ ៦២,៦៦ ពាន់លាន kWh នៅក្នុងត្រីមាសនេះ កើនឡើង១១,៤២  ភាគរយធៀបនឹងរយៈពេលដូចគ្នាកាលពីឆ្នាំមុន។

ក្រោមផែនការថ្មី ក្រសួងបានស្នើឱ្យការផ្គត់ផ្គង់អគ្គិសនីកើនឡើង ៤,៤ ពាន់លាន kWH បើធៀបនឹងផែនការមុន ដល់ ៣១០,៦ ពាន់លាន kWh ។

សម្រាប់រដូវប្រាំងចាប់ពីខែមេសា ដល់ខែកក្កដា វៀតណាមត្រូវរៀបចំសរុបចំនួន១១១,៤៦៨  ពាន់លាន kWh កើនឡើង២,៣ ពាន់លាន kWh បើធៀបនឹងផែនការមុន។

ខេត្ត និងទីក្រុងដែលមានតម្រូវការអគ្គិសនីខ្ពស់សម្រាប់ផលិតកម្មឧស្សាហកម្មរួមមាន ខេត្ត Quang Ninh (កើនឡើង៤៤,៦៥ ភាគរយ) Tây Ninh (កើនឡើង ២៧,០៩ 27.09 ភាគរយ) និង Bình Định (កើនឡើង ២៤,២៨ ភាគរយ)។

ខេត្តនិងទីក្រុងមួយចំនួនទៀតមានតម្រូវការអគ្គិសនីខ្ពស់សម្រាប់សេវាកម្មដូចជា Khánh Hoà (កើនឡើង៣៨,៨៧ ភាគរយ) Quang Nam (កើនឡើង៣៣,១១ ភាគរយ) Đà Nẵng (កើនឡើង​២៨,៥ ភាគរយ) និង Kiên Giang (កើនឡើង២៣,៨៩ភាគរយ) ។

អគ្គិសនីសម្រាប់សកម្មភាពប្រចាំថ្ងៃក៏ត្រូវបានព្យាករណ៍ថានឹងកើនឡើង១៣,៧១ ភាគរយដោយសារការកើនឡើងនៃកំដៅជាប់រហូតមក៕