Connect with us

ព័ត៌មានជាតិ

ថៃ​៖ ក្រុម​ហ៊ុន​ជាង​ ១០០ ​ចាប់​​អារម្មណ៍​លើ​គម្រោង​សាង​សង់​ស្ពាន​ដី​គោក​ភាគ​ខាង​ត្បូង​ប្រទេស​

បានផុស

នៅ

ក្រសួង​ដឹក​ជញ្ជូន​បាន​និយាយ​កាល​ពី​ថ្ងៃ​សុក្រ​សប្ដាហ៍​មុន​ថា​ ក្រុមហ៊ុន​ថៃ​ និង​បរទេស​ជាង​ ១០០​ បាន​បង្ហាញ​ពី​ចំណាប់​អារម្មណ៍​ក្នុង​ការ​វិនិយោគ​​លើ​​​គម្រោង​សាង​សង់​ស្ពាន​ដី​គោក​ដ៏​ធំ​​របស់​រដ្ឋា​ភិបាល​ ​ដែល​នឹង​បម្រើ​ជាប្រព័ន្ធ​គមនាគមន៍​ ត​ភ្ជាប់​រវាង​មហា​សមុទ្រ​ប៉ាស៊ីហ្វិក​ និង​មហា​សមុទ្រ​ឥណ្ឌា​ នៅ​ភាគ​ខាង​ត្បូង​នៃ​ប្រទេស​​។  នេះ​បើ​តាម​ការ​ចុះ​ផ្សា​យ​របស់​សារព័ត៌មាន​​ក្នុង​​ស្រុក​ The Nation។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួង​បាន​ឱ្យ​ដឹង​ការណ៍​នេះ​ ក្រោយ​​ការិយាល័យ​គោល​នយោបាយ​ និង​ផែនការ​ចរាចរណ៍​របស់​ក្រសួង​បាន​រៀប​ចំ​ព្រឹត្តិការណ៍​ផ្សព្វ​ផ្សាយ​ទីផ្សារ​​នៅ​​ក្រុង​បាងកក​កាល​ពី​ថ្ងៃ​ព្រហស្បតិ៍​ ហើយ​បាន​អញ្ជើញ​អ្នក​ដែល​មាន​ចំណាប់​អារម្មណ៍​ឱ្យ​ចូល​រួម​បញ្ចេញ​មតិ​ និង​កង្វល់​របស់​ពួក​គេ​ អំពី​​គម្រោង​ដែល​ត្រូវ​ការ​ចំណាយ​ ១ ទ្រីលាន​បាត (២៩ ប៊ីលាន​ដុល្លារ​) ​មួយ​នេះ​។  ​

គម្រោង​ស្ពាន​ដី​គោក​​ដ៏​ធំ​ដដែល​ ​នឹង​រួ​ម​មាន​​ការ​សាង​សង់​កំពង់ផែ​ទឹក​ជ្រៅ​នៅ​ខេត្ត​ Chumphon ​និង​ខេត្ត​​ Ranong ហើយ​​​តភ្ជាប់​ផ្លូវ​ដឹក​ជញ្ជូន​រវាង​ខេត្ត​ទាំង​​២​​​។ វាត្រូវបានគេ​​​​​​រំពឹង​​​ថា​​​នឹង​​ជួយ​​សម្រួល​​ការ​​កក​ស្ទះ​​​​ការ​​ដឹក​​ជញ្ជូន​​​នៅ​​ច្រក​​សមុទ្រ​​ម៉ាឡាកា​ ដែល​​បច្ចុប្បន្ន​​ជា​​ផ្លូវ​​ពាណិជ្ជកម្ម​​សំខាន់​​ក្នុង​​តំបន់​។

អនុ​រដ្ឋ​មន្ត្រី​ក្រសួង​ដឹក​ជញ្ជូនថៃ​ លោក​ស្រី​ Manaporn Charoensri ​បាន​ប្រាប់​អ្នក​ចូល​រួម​ថា​ អ្នក​វិនិយោគ​បរទេស​ បាន​បង្ហាញ​ពី​ចំណាប់​អារម្មណ៍​ដ៏​លើស​លប់​នៅ​ក្នុង​គម្រោង​នេះ​ ក្នុង​អំឡុង​​ព្រឹត្តិការណ៍ដាក់​បង្ហាញ​គម្រោង​នៅ​ក្រៅ​ប្រទេស​ផ្សេ​ងៗ​ ដែល​រៀប​ចំ​ដោយ​លោក​នាយក​រដ្ឋ​មន្ត្រី​ សេដ្ឋា​ ថាវីស៊ីន​ ​ និង​រដ្ឋ​មន្រ្តី​របស់​ក្រសួង​។ ​

​លោក​ស្រី​​បាន​បន្ថែម​ថា​ វិនិយោគិន​មក​ពី​ប្រទេស​ចិន​ ជប៉ុន​ និង​អារ៉ាប់​រួម​ បាន​ទៅ​ទស្សនា​តំបន់​​គម្រោង​​រួច​ហើយ​ ដើម្បី​ធ្វើ​ការ​ស្ទង់​មតិ​បឋម​។​ ​​ក្រៅ​ពី​អត្ថ​ប្រយោជន៍​ផ្ទាល់​ដល់​ប្រតិបត្តិករ​ដឹក​ជញ្ជូន​ វិស័យ​ឯក​ជន​ក៏​នឹង​ត្រូវ​បាន​អញ្ជើញ​ឱ្យ​ចូល​រួម​ក្នុង​ការ​អភិវឌ្ឍន៍​គម្រោង​ពាណិជ្ជកម្ម​ជុំ​វិញ​ស្ពានដី​គោក​​ ​ ហើយ​ទទួល​បាន​អត្ថ​ប្រយោជន៍​ពី​កិច្ច​សន្យា​សម្បទាន​ជាង​ ៥០​ ​ឆ្នាំ​ផង​ដែរ​។

បើ​តាម​លោក​ស្រី​អនុរដ្ឋ​មន្រ្តី​ដដែល​ ក្នុង​ចំណោម​វិនិយោគិន​ដែល​ចាប់​អារម្មណ៍​គម្រោង​ គឺ​​ប្រតិបត្តិករ​លើ​វិស័យ​​ដឹក​ជញ្ជូន ​ភស្តុភារ ​និង​ឧស្សាហកម្ម​ ក៏​ដូច​ជា​អ្នក​អភិវឌ្ឍន៍​អចលន​ទ្រព្យ​ ធនាគារ ​និង​អ្នក​ផ្តល់​សេវា​​កម្ម​ពាក់​ព័ន្ធ​។​

ការិយាល័យគោល​នយោបាយ​ និង​ផែនការ​ចរាចរណ៍​របស់​ក្រសួង​ បាន​និយាយ​ថា​ ខ្លួន​នឹង​ប្រើ​ប្រាស់​មតិ ​និង​យោបល់​ពី​អ្នក​ចូល​រួម​ ដើម្បី​រៀប​ចំ​សំណើ​ ក៏​ដូច​ជា​សេចក្តី​ព្រាង​ច្បាប់​ច្រក​របៀង​សេដ្ឋកិច្ច​ភាគ​ខាង​ត្បូង​ ដែល​​គ្រប​ដណ្តប់​លើ​តម្រូវ​ការ​ច្បាប់​ លក្ខខណ្ឌ​ និង​សិទ្ធិ​សម្រាប់​អ្នក​វិនិយោគ​ក្នុង​គម្រោង​។​

​បើ​តាម​ The Nation ដំណើរ​ការ​ដេញ​ថ្លៃ​​លើ​គម្រោង​ រំពឹង​ថា​នឹង​ចាប់​ផ្តើម​នៅ​ត្រីមាស​ចុង​ក្រោយ​នៃ​ឆ្នាំ​ក្រោយ​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៩ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៣៥ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម