សេដ្ឋកិច្ច
ចិនថាសហភាពអឺរ៉ុបដើរលើផ្លូវខុស ក្រោយប្លុកនេះប្រកាសដាក់ពន្ធលើរថយន្ត EV របស់ខ្លួន
ប្រទេសចិននៅថ្ងៃព្រហស្បតិ៍នេះ បានហៅចំណាត់ការរបស់សហភាពអឺរ៉ុបថាស្ថិតនៅលើ «ទិសដៅខុស» ហើយជំរុញឱ្យពិចារណាផ្លាស់ប្ដូរវាឡើងវិញ ក្រោយប្លុកនេះប្រកាសដាក់ពន្ធរថយន្តអគ្គិសនី (EV) នាំចូលពីចិនរហូតដល់ជិត ៤០ ភាគរយ។ នេះបើតាមការចុះផ្សាយបទវិចារណកថារបស់ទីភ្នាក់ងារសារព័ត៌មានរដ្ឋស៊ីនហួ ដែលផ្សាយបន្តដោយរ៉យទ័រ។
បទវិចារណកថារបស់ស៊ីនហួ បានបន្តលើកឡើងយ៉ាងដូច្នេះថា៖ «ដោយគិតពីរចនាសម្ព័ន្ធសេដ្ឋកិច្ច និងទំហំដ៏រឹងមាំរបស់ភាគីទាំង២ ប្រទេសចិន និងសហភាពអឺរ៉ុបមានផលប្រយោជន៍ដ៏សំខាន់បំផុត បើសហការគ្នាលើបញ្ហាសេដ្ឋកិច្ច និងពាណិជ្ជកម្មសំខាន់ៗ»។
សំណេរបន្តថា៖ «វាអាចមានតម្លៃជាង ប្រសិនបើសហភាពអឺរ៉ុបរាប់ចូលនូវអត្ថប្រយោជន៍របស់ចិន ដើម្បីអភិវឌ្ឍឧស្សាហកម្ម EV ផ្ទាល់ខ្លួន»។
ចិនបាននិយាយថា ខ្លួននឹងចាត់វិធានការដើម្បីការពារផលប្រយោជន៍របស់ខ្លួន ក្រោយគណៈកម្មការអឺរ៉ុបបានប្រកាសកាលពីថ្ងៃពុធថា ខ្លួននឹងដាក់ពន្ធបន្ថែមរហូតដល់ ៣៨,១ ភាគរយលើរថយន្តអគ្គិសនីដែលនាំចូលពីប្រទេសចិនចាប់ពីខែកក្កដាទៅ។ ការគណនារបស់រ៉យទ័រផ្អែកលើទិន្នន័យពាណិជ្ជកម្ម EU ឆ្នាំ ២០២៣ បានបង្ហាញថា អត្រានោះស្មើនឹងទឹកប្រាក់រាប់ប៊ីលានអឺរ៉ូ ដែលក្រុមហ៊ុនចិនត្រូវការចំណាយបន្ថែម។
គួរគូសបញ្ជាក់ថា ចំណាត់ការរបស់សហភាពអឺរ៉ុប កើតឡើងតិចជាងមួយខែ ក្រោយសហរដ្ឋអាមេរិកបានប្រកាសផែនការដំឡើងពន្ធរថយន្ត EV របស់ចិន រហូតដល់ ១០០ ភាគរយ ខណៈចិនប្រឈមនឹងសម្ពាធបែបនេះជុំវិញពិភពលោក រួមទាំងនៅតួកគី។ ប្លុកបាននិយាយថា ខ្លួនប្រយុទ្ធប្រឆាំងនឹងការឧបត្ថម្ភធនរបស់រដ្ឋចិន ជាមួយនឹងពន្ធបន្ថែមចាប់ពី ១៧,៤ ភាគរយលើរថយន្តរបស់ក្រុមហ៊ុន BYD ដល់ ៣៨,១ ភាគរយសម្រាប់ក្រុមហ៊ុន SAIC ។ ពន្ធនេះ គឺបន្ថែមពីលើពន្ធស្ដង់ដារ ១០ ភាគរយដែលមានស្រាប់។
ឧស្សាហកម្មរថយន្តរបស់ប្រទេសចិន ដែលរួមបញ្ចូលគ្នារវាងក្រុមហ៊ុនគ្រប់គ្រងដោយរដ្ឋ និងឯកជន បានមានប្រៀបលើការប្រកួតប្រជែងក្នុងទីផ្សារជាងដៃគូប្រកួតប្រជែងបរទេស។ អាមេរិក និងអឺរ៉ុប ចោទប្រកាន់ថា ការណ៍នោះកើតឡើងដោយសារតែការឧបត្ថម្ភធនរបស់រដ្ឋាភិបាលចិន ដែលធ្វើឱ្យក្រុមហ៊ុនចិនអាចលក់រថយន្តខ្លួនក្នុងតម្លៃថោកជាងគូរ ប្រជែង។
កន្លងមក មន្រ្តីសហភាពអឺរ៉ុបលើកអំណះអំណាងថា វិធានការតំឡើងពន្ធ ត្រូវតែធ្វើឡើងដើម្បីកុំឱ្យរថយន្តចិនហូរចូលជន់លិចទីផ្សាររបស់ប្លុក។ យ៉ាងណាមិញ បទវិចារណកថារបស់ស៊ីនហួ បានប្រកែកថា ទំនាក់ទំនងពាណិជ្ជកម្ម និងសេដ្ឋកិច្ចរវាងសហភាពអឺរ៉ុប និងចិនគឺស្ថិតនៅផ្លូវបំបែក ហើយវាពិតជាមានសារៈសំខាន់ណាស់សម្រាប់ប្លុកក្នុងការបង្ហាញពីចក្ខុវិស័យជាយុទ្ធសាស្ត្រ និងរយៈពេលវែង៕
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ