សេដ្ឋកិច្ច
លោក សេដ្ឋា ស្នើកញ្ចប់ថវិកាជាតិជាង ១០០ ប៊ីលានដុល្លារ ដើម្បីស្ដារសេដ្ឋកិច្ចថៃឆ្នាំ ២០២៥
នាយករដ្ឋមន្ត្រីថៃ លោក សេដ្ឋា ថាវីស៊ីន នៅថ្ងៃពុធនេះ បានស្នើកញ្ចប់ថវិកាជាតិចំនួន ៣,៧៥៣ ទ្រីលានបាត (១០២ ប៊ីលានដុល្លារ) សម្រាប់ឆ្នាំសារពើពន្ធ ២០២៥ ដើម្បីស្ដារសេដ្ឋកិច្ចដែលកំពុងតែធ្លាក់ចុះរបស់ប្រទេសឡើងវិញ ខណៈសមាជិកសភាថៃចាប់ផ្តើមការជជែកដេញដោលគ្នាស្ដីពីថវិកាជាតិរយៈពេល៣ថ្ងៃ។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
លោក សេដ្ឋា បានថ្លែងប្រាប់សភាថៃថា ថវិកានេះមានគោលបំណងជួយសេដ្ឋកិច្ចឲ្យមានការរីកចម្រើនពេញលេញ។ លោកបន្តថា សេដ្ឋកិច្ចថៃរំពឹងថានឹងកើនឡើងចន្លោះពី ២,៥ ភាគរយ ទៅ ៣,៥ ភាគរយ នៅឆ្នាំ ២០២៥ ជាមួយនឹងអត្រាអតិផរណា ដែលត្រូវបានព្យាករពីចន្លោះ ០,៧ ភាគរយ ទៅ ១,៧ ភាគរយ។
រដ្ឋាភិបាលរបស់លោក សេដ្ឋា បច្ចុប្បន្នកំពុងកំណត់គោលដៅកំណើនសេដ្ឋកិច្ចឱ្យបានយ៉ាងហោចណាស់ ៣ ភាគរយនៅឆ្នាំនេះ បន្ទាប់ពីកំណើន ១,៩ ភាគរយ កាលពីឆ្នាំមុន ដែលបង្ហាញពីល្បឿនសេដ្ឋកិច្ចយឺតយ៉ាវជាងប្រទេសក្នុងតំបន់ផ្សេងៗទៀតភាគច្រើន។
លោក សេដ្ឋា បានថ្លែងថា៖ «ឱនភាពថវិកា មានសារៈសំខាន់ និងចាំបាច់ ដើម្បីជំរុញសេដ្ឋកិច្ចយឺតឲ្យកើនឡើងយ៉ាងខ្លាំង»។
យោងតាមឯកសារកញ្ចប់ថវិកាឆ្នាំ ២០២៥ ការចំណាយរំពឹងថានឹងកើនឡើង ៧,៨ ភាគរយ ហើយឱនភាពថវិកានឹងកើនដល់ ៨៦៥,៧ ប៊ីលានបាត ឬស្មើនឹង ២៤,៩ ភាគរយ ធៀបនឹងឆ្នាំសារពើពន្ធ ២០២៤។
មុននោះ រដ្ឋាភិបាលថៃបាននិយាយថា ថវិកាចំនួន ១៥២,៧ ប៊ីលានបាតនៃកញ្ចប់ថវិកាជាតិឆ្នាំ ២០២៥ នឹងត្រូវប្រើប្រាស់ដើម្បីជួយផ្តល់ហិរញ្ញប្បទានដល់គម្រោងផ្តល់ហិរញ្ញប្បទាន «កាបូបឌីជីថល» ដែលត្រូវចំណាយប្រាក់រហូតដល់ ៥០០ ប៊ីលានបាត។ គម្រោង «កាបូបឌីជីថល» ដែលផ្ដោតលើការផ្ដល់ប្រាក់ ១០ ០០០ បាតសម្រាប់មនុស្សម្នាក់ ទៅដល់ប្រជាជនថៃចំនួន ៥០ លាននាក់ ត្រូវបានពន្យារពេលអនុវត្តរហូតដល់ត្រីមាសទី ៤ នៃឆ្នាំនេះ ដោយសារតែបញ្ហាថវិកា។
គួរគូសបញ្ជាក់ថា ការជជែកវែកញែកគ្នាស្ដីពីថវិកាជាតិ កើតឡើងចំពេលដែលលោក សេដ្ឋា ប្រឈមមុខនឹងរឿងក្ដីនៅតុលាការធម្មនុញ្ញ ដែលអាចធ្វើឱ្យលោករបូតដំណែងជានាយករដ្ឋមន្រ្តីថៃបាន៕
-
ព័ត៌មានអន្ដរជាតិ១ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៣ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា១ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ២ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ៣ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា២ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ៥ ថ្ងៃ agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក
-
ព័ត៌មានអន្ដរជាតិ៥ ថ្ងៃ agoអាមេរិកបើកការវាយប្រហារលើអ៊ីរ៉ង់ ២ថ្ងៃជាប់គ្នា ដោយចោទទីក្រុងតេហេរ៉ង់ថា រំលោភលើកិច្ចព្រមព្រៀង