ព័ត៌មានអន្ដរជាតិ
ការនាំចេញអង្កររបស់ថៃ បង្ហាញសញ្ញាថយចុះក្នុងត្រីមាសទី៣ ខណៈតម្លៃកើនឡើង
ប្រទេសថៃបាននាំចេញអង្ករចំនួន ៥ លានតោនក្នុងរយៈពេល ៦ ខែដំបូងនៃឆ្នាំ ២០២៤ នេះ ប៉ុន្តែការនាំចេញនៅត្រីមាសទី ៣ បង្ហាញពីសញ្ញានៃការថយចុះ ដោយសារតែតម្លៃអង្ករថៃខ្ពស់ជាងអង្កររបស់ប្រទេសនាំចេញជាគូប្រជែងផ្សេងៗទៀត ខណៈអ្នកទិញពន្យារពេលការទិញ ហើយអង្ករពីប្រទេសវៀតណាម ឥណ្ឌា និងប៉ាគីស្ថានបានវាយលុកទីផ្សារ។ នេះបើតាមការចុះផ្សាយរបស់កាសែតក្នុងស្រុក The Nation។
ការនាំចេញអង្កររបស់ថៃ មានសន្ទុះខ្លាំងក្នុងរយៈពេល៥ខែដើមឆ្នាំ។ យោងតាមទិន្នន័យពីក្រសួងពាណិជ្ជកម្ម អង្ករចំនួន ៤,០៥ លានតោនត្រូវបាននាំចេញក្នុងតម្លៃ ៩៤ ៦៤០,៩១ លានបាត ចន្លោះពីខែមករា ដល់ខែឧសភា ដោយកើនឡើងពី ៣,៤៨ លានតោនក្នុងរយៈពេលដូចគ្នាកាលពីឆ្នាំ ២០២៣។
ជាមួយគ្នានេះ នាយកដ្ឋានពាណិជ្ជកម្មបរទេស និងសមាគមអ្នកនាំចេញអង្ករថៃ រំពឹងថា ការនាំចេញអង្កររបស់ថៃនឹងអាចកើនដល់ ៨ លានតោន ដោយលើសគោលដៅប្រចាំឆ្នាំ ៧,៥ លានតោន ខណៈការនាំចេញក្នុងឆ្នាំ ២០២៣ មានរហូតដល់ ៨,៧ លានតោន។
ប្រធានកិត្តិយសនៃសមាគមអ្នកនាំចេញអង្ករថៃ លោក Chookiat Ophaswongse បាននិយាយថា ថៃរំពឹងថានឹងនាំចេញអង្ករបានប្រហែល ៥ លានតោនក្នុងឆមាសទី១ឆ្នាំនេះ ដោយសារតម្រូវការអង្ករពិភពលោកខ្ពស់ ដោយសារតែការព្រួយបារម្ភពីសន្តិសុខស្បៀងរបស់ប្រទេសជាច្រើន។
លោកបន្តថា៖ «ការធ្លាក់ចុះនៃប្រាក់បាតថៃមកនៅប្រហែល ៣៦-៣៧ បាត/ដុល្លារ ក៏បានជួយធ្វើឱ្យការប្រកួតប្រជែងតម្លៃប្រសើរឡើងផងដែរ រួមជាមួយនឹងការបន្តរឹតត្បឹតការនាំចេញអង្ករសរបស់ឥណ្ឌា»។
យ៉ាងណាមិញ មន្រ្តីដដែលបានគូសបញ្ជាក់ថា ការបញ្ជាទិញថ្មីបានក្លាយថយចុះ ដោយសារតម្លៃអង្កររបស់ថៃខ្ពស់ជាងអង្ករនាំចេញពីប្រទេសប្រកួតប្រជែង ដែលបណ្តាលឱ្យទីផ្សារនាំចូលអង្ករថៃក្នុងត្រីមាសទី៣ ចុះខ្សោយ។
កន្លងមក មានការបញ្ជាទិញអង្ករថៃយ៉ាងសំខាន់ ដែលជំរុញឱ្យតម្លៃអង្ករក្នុងស្រុក និងនាំចេញឡើងថ្លៃ។ តម្លៃអង្ករស ដែលជាប្រភេទអង្ករនាំចេញច្រើនជាងគេរបស់ប្រទេសថៃ ជាមធ្យមលក់នៅ ៦៤៩ ដុល្លារ/តោនក្នុងខែឧសភា និង ៦៣០ ដុល្លារ/តោនក្នុងខែមិថុនា។
ក្រៅពីនេះ លោកបន្ថែមថា៖ «ការផលិតអង្ករក្នុងបណ្តាប្រទេសប្រកួតប្រជែងដូចជា វៀតណាម ឥណ្ឌា ប៉ាគីស្ថាន និងមីយ៉ាន់ម៉ាមានភាពប្រសើរឡើង ដែលនាំឱ្យអង្ករកាន់តែច្រើននៅក្នុងទីផ្សារពិភពលោក»។ លោកបន្តថា៖ «ឥណ្ឌាក៏នឹងត្រឡប់ទៅនាំចេញអង្ករសឡើងវិញក្នុងត្រីមាសទី ៤ នៃឆ្នាំនេះ ដែលនឹងប្រកួតប្រជែងដណ្តើមចំណែកទីផ្សារ ហើយទំនងជាជំរុញឱ្យតម្លៃអង្ករពិភពលោកធ្លាក់ចុះ ដែលអាចធ្វើឱ្យតម្លៃអង្ករក្នុងស្រុក(ថៃ)ធ្លាក់ចុះផងដែរ»៕
អ៊ីរ៉ង់គំរាមថា មូលដ្ឋានទ័ពអាមេរិកអាចត្រូវបានកំណត់គោលដៅ
ប្រធានសហភាពសហជីព៖ បណ្តារោងចក្រសហគ្រាសក្នុងស្រុកមានការងារជាច្រើនសម្រាប់ពលរដ្ឋខ្មែរ វិលពីប្រទេសថៃវិញ
សម្ដេចតេជោ ហៅពលករខ្មែរធ្វើការនៅថៃរូតរះវិលចូលប្រទេស ព្រោះយោធា និងអ្នកជ្រុលនិយមខ្លះនឹងធ្វើបាបខ្មែរ
លោក នេត្រ ភក្រ្តា៖ សូមប្រយ័ត្នប្រយែងក្នុងការដកស្រង់ប្រភពព័ត៌មាន គ្រាជម្លោះព្រំដែនកម្ពុជា-ថៃ
សាស្ត្រាចារ្យ និងនិស្សិត “NUM” ៨០នាក់ ចុះទស្សនកិច្ចសិក្សាគោលដៅទេសចរណ៍មួយចំនួន ក្នុងខេត្តបាត់ដំបង
មេបញ្ជាការទ័ពរុស្ស៊ី៖ សង្គ្រាមលោកលើកទី៣កំពុងចាប់ផ្ដើម ទាមទារការកែនទ័ពថ្មី១លាននាក់
ច្រកទ្វារអន្តរជាតិដូង បន្តបិទទាំងស្រុងនៅព្រឹកថ្ងៃទី១៤មិថុនានេះ
អ៊ីរ៉ង់ បន្តសងសឹក ដោយបាញ់មីស៊ីលរាប់រយគ្រាប់ ចូលអ៊ីស្រាអែល
ធ្លាក់យន្តហោះ Air India៖ ប្រអប់ខ្មៅត្រូវបានរកឃើញ ខណៈក្រុមគ្រួសារសពរង់ចាំចម្លើយ
មកស្គាល់មេទ័ពនិងមន្ត្រីកំពូលៗរបស់អ៊ីរ៉ង់ ដែលស្លាប់ក្រោមដៃ អ៊ីស្រាអែល ត្រឹមមួយប៉ប្រិចភ្នែក
-
នយោបាយ១ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៣ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
ព័ត៌មានជាតិ៦ ថ្ងៃ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
សន្តិសុខសង្គម១ សប្តាហ៍ agoច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានអន្ដរជាតិ១ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានអន្ដរជាតិ៤ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ៣ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ១ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន