ព័ត៌មានអន្ដរជាតិ
ប្រធានាធិបតីថ្មីឥណ្ឌូណេស៊ី ប្ដេជ្ញាសង់ផ្ទះ ២ លាន ខ្នង ទូទាំងប្រទេសក្នុងមួយឆ្នាំៗ
ប្រធានាធិបតីជាប់ឆ្នោតថ្មីរបស់ឥណ្ឌូណេស៊ី លោក ប្រ៉ាបូវ៉ូ ស៊ូប៊ីយ៉ាតូ (Prabowo Subianto) ដែលគ្រោងនឹងឡើងកាន់អំណាចជាផ្លូវការនាពេលប៉ុន្មានសប្ដាហ៍ខាងមុខនេះ បានកំណត់គោលដៅដ៏មានមហិច្ឆិតាក្នុងការកសាងផ្ទះចំនួន ២ លានខ្នង នៅតាមបណ្ដាភូមិទូទាំងប្រទេសជារៀងរាល់ឆ្នាំ ក្នុងអំឡុងពេលដែលលោកកាន់តំណែងជាប្រធានាធិបតី។
តាមការចុះផ្សាយរបស់កាសែត Jakarta Globe ប្អូនប្រុសរបស់លោក ប្រ៉ាបូវ៉ូ ដែលជាអនុប្រធានក្រុមប្រឹក្សាគណបក្ស Gerindra Party លោក Hashim Djojohadikusumo បាននិយាយកាលពីចុងសប្ដាហ៍ ថា លោក ប្រ៉ាបូវ៉ូ ក៏ចង់សាងសង់អផាតមិនចំនួន ១ លាន យូនីត នៅតាមទីក្រុងនានាជារៀងរាល់ឆ្នាំផងដែរ។
ផែនការសាងសង់ផ្ទះដ៏មហិច្ឆិតានេះ នឹងធ្វើឡើងដើម្បីឆ្លើយតបទៅនឹងកង្វះខាតផ្ទះគ្រប់គ្រាន់សម្រាប់ប្រជាជន ឥណ្ឌូណេស៊ី នៅទូទាំងប្រទេស។ លោក Hashim បានអះអាងថា ប្រជាជនឥណ្ឌូណេស៊ីស៊ីជិត ១១ លាននាក់ គ្មានផ្ទះសមរម្យនោះទេ។ ជាមួយគ្នានោះ ឥណ្ឌូណេស៊ីក៏មានផ្ទះចំនួន ២៧ លានខ្នង ដែលត្រូវបានចាត់ទុកថាជា «ផ្ទះដែលមិនសមរម្យសម្រាប់ការរស់នៅ» ផងដែរ ដោយសារតែកង្វះទឹកស្អាត និងអគ្គិសនីប្រើប្រាស់។
លោក Hashim បានអះអាងថា លោកបានធ្វើដំណើរទៅកាន់ប្រទេសចិន និងកាតា ដើម្បីជួបជាមួយវិនិយោគិនដែលមានសក្តានុពលសម្រាប់ផែនការនេះ។ លោកបន្តថា អ្នកវិនិយោគចិនបានត្រៀមខ្លួនជាស្រេច ក្នុងការសាងសង់ផ្ទះសម្រាប់ប្រជាជនដែលខ្វះខាតក្នុងប្រទេសឥណ្ឌូណេស៊ី។
លើសពីនេះ លោក Hashim និយាយថា ផែនការសាងសង់ផ្ទះនឹងមានប្រយោជន៍ដល់សេដ្ឋកិច្ច ព្រោះវិស័យអចលនទ្រព្យអាចជាកត្តាជំរុញកំណើនសេដ្ឋកិច្ចដ៏សំខាន់។ ជាឧទាហរណ៍ជាក់ស្ដែង នៅប្រទេសចិន វិស័យសំណង់ និងអចលនទ្រព្យ រួមចំណែកប្រមាណ ២៥ ភាគរយ នៃផលិតផលក្នុងស្រុកសរុប (GDP) របស់ប្រទេសនេះ ខណៈ «វិស័យអចលនទ្រព្យ] រួមចំណែក ១៤ ភាគរយ នៃ GDP របស់ឥណ្ឌូណេស៊ី»៕
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា