ព័ត៌មានអន្ដរជាតិ
ក្រុមហ៊ុនផលិតរថយន្តឆែក បោះទុន ៥០០ លានដុល្លារ សង់រោងចក្រនៅវៀតណាម
ក្រុមហ៊ុនផលិតរថយន្តអឺរ៉ុបរបស់ប្រទេសឆែក Skoda គ្រោងនឹងបញ្ចប់ការសាងសង់រោងចក្ររបស់ខ្លួនតម្លៃ ៥០០ លានដុល្លារ នៅខេត្ត ក្វាងនិញ នៃប្រទេសវៀតណាម ក្នុងត្រីមាសនេះ។ នេះបើតាមការចុះផ្សាយរបស់កាសែត Viet Nam News។
រោងចក្រ Skoda ដែលមានសមត្ថភាពផលិតរថយន្ត ១២០ ០០០ គ្រឿង/ឆ្នាំ នឹងចាប់ផ្តើមផលិតរថយន្តម៉ាស៊ីនចំហេះខាងក្នុង សំដៅលើរថយន្តប្រើឥន្ធនៈ មុនពេលផ្លាស់ប្តូរទៅផលិតរថយន្តអគ្គិសនី ដោយក្រុមហ៊ុនមានផែនការនាំចេញផលិតផលរបស់ខ្លួន ទៅកាន់ទីផ្សារនៅអាស៊ីអាគ្នេយ៍។
ក្រុមហ៊ុន Skoda បានចាប់ដៃគូជាមួយក្រុមហ៊ុន Thành Công ដែលជាបណ្ដាញចែកចាយរថយន្ត Hyundai ដែលជាម៉ាករថយន្តដ៏ពេញនិយមបំផុតមួយនៅក្នុងប្រទេសវៀតណាម។
ក្រុមហ៊ុន Skoda ដែលបានចាប់ផ្តើមនាំចេញរថយន្តទៅប្រទេសវៀតណាមក្នុងឆ្នាំ ២០២៣ មើលឃើញសក្តានុពលដ៏សំខាន់នៅក្នុងទីផ្សារ។ នាយកផ្នែកទីផ្សារនៃក្រុមហ៊ុន Skoda ប្រចាំប្រទេសវៀតណាម ឡោក Vũ Mạnh Cường បាននិយាយថា៖ «យើងទទួលស្គាល់ថា Skoda មានឱកាសរីកចម្រើននៅក្នុងវៀតណាម និងអាស៊ី»។ ទោះជាយ៉ាងណាក៏ដោយ លោកបានបន្ថែមថា វានឹងត្រូវការពេលវេលាដើម្បីណែនាំផលិតផលខ្លួនដល់អតិថិជន ដើម្បីឱ្យពួកគេទទួលបានបទពិសោធន៍ និងស្គាល់ម៉ាកយីហោ។
រោងចក្រ Skoda នៅវៀតណាម ដែលជារោងចក្ររបស់ក្រុមហ៊ុនដំបូងគេនៅអាស៊ីអាគ្នេយ៍ នឹងដំឡើងរថយន្តទាំងមូលក្នុងដំណាក់កាលដំបូងរបស់ខ្លួន ជាមួយនឹងសមាសធាតុនាំចូលសម្រាប់ការដំឡើងក្នុងស្រុក។ ជាមួយនឹងការវិនិយោគនេះ រដ្ឋាភិបាលវៀតណាមបានផ្តល់ការលើកទឹកចិត្តផ្សេងៗ រួមទាំងការគាំទ្រការជួលដី និងការសាងសង់លំនៅឋានរបស់កម្មករ ដោយយោងទៅលើការផ្តោតរបស់ក្រុមហ៊ុន Skoda លើបច្ចេកវិទ្យាខ្ពស់ និងវិទ្យាសាស្ត្រនវានុវត្តន៍។
ការណ៍គួរឱ្យកត់សម្គាល់នោះគឺថា Skoda នឹងប្រឈមមុខនឹងការប្រកួតប្រជែងពីម៉ាករថយន្តពីក្រុមហ៊ុននៃប្រទេសផ្សេងៗទៀត រួមមានជប៉ុន កូរ៉េខាងត្បូង និងចិន ព្រមទាំងក្រុមហ៊ុនផលិតរថយន្តវៀតណាមផ្ទាល់ VinFast ដែលក្រុមហ៊ុនទាំងនេះបានសង់ចំណែកទីផ្សាររបស់ខ្លួនរឹងមាំរួចហើយ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ