ព័ត៌មានអន្ដរជាតិ
ត្រាំ ផ្អាកពន្ធគយបដិការ ៩០ ថ្ងៃ ប៉ុន្តែដំឡើងលើចិនដល់ ១២៥ ភាគរយ
ប្រធានាធិបតីអាមេរិក លោក ដូណាល់ ត្រាំ នៅព្រឹកថ្ងៃពុធ (រំលងអធ្រាត្រចូលថ្ងៃព្រហស្បតិ៍នៅកម្ពុជា) បានប្រកាសផ្អាកការអនុវត្តពន្ធគយបដិការដែលមានអត្រាខ្ពស់ជាង ១០ ភាគរយ ទាំងស្រុងសិនក្នុងរយៈពេល ៩០ ថ្ងៃ ពោលគឺត្រឹមតែប៉ុន្មានម៉ោងប៉ុណ្ណោះ ក្រោយពន្ធនេះចូលជាធរមាន។ នេះបើតាមការចុះផ្សាយរបស់បណ្ដាញព័ត៌មាន CNN។
យ៉ាងណាមិញ ពន្ធលើប្រទេសចិន នឹងត្រូវបានដំឡើងដល់ ១២៥ ភាគរយ ពោលគឺកើនឡើងពី ១០៤ ភាគរយ។
លោក ត្រាំ បានសរសេរបង្ហោះនៅលើបណ្ដាញសង្គម Truth Social ថា៖ «ខ្ញុំបានអនុញ្ញាតឱ្យផ្អាក(ការអនុវត្តពន្ធ)រយៈពេល ៩០ ថ្ងៃ និងបន្ធូរបន្ថយពន្ធគយបដិការឱ្យទាបខ្លាំងមកត្រឹម ១០ ភាគរយ ក្នុងអំឡុងពេលនេះ ដោយនឹងចូលជាធរមានភ្លាមៗ»។ ការសម្រេចចិត្តរបស់លោក ត្រាំ គឺ «ផ្អែកលើការពិតដែលថាជាង ៧៥ ប្រទេស បានទាក់ទងទៅតំណាងរបស់សហរដ្ឋអាមេរិក…ដើម្បីចរចារកដំណោះស្រាយចំពោះបញ្ហាដែលកំពុងពិភាក្សា ទាក់ទងនឹងពាណិជ្ជកម្ម ឧបសគ្គពាណិជ្ជកម្ម ពន្ធគយ ការក្រឡុករូបិយប័ណ្ណ និងពន្ធមិនមែនរូបិយវត្ថុ និងការពិតដែលថាប្រទេសទាំងនោះ មិនបានសងសឹកប្រឆាំងសហរដ្ឋអាមេរិកក្នុងទម្រង់ណាមួយនោះទេ»។
នេះមានន័យថា សម្រាប់គ្រប់ប្រទេសទាំងអស់(លើកលែងតែចិន)ដែលជាប់ពន្ធគយបដិការលើសពី ១០ ភាគរយ នោះសហរដ្ឋអាមេរិកនឹងទម្លាក់មកត្រឹម ១០ ភាគរយ រយៈពេល ៩០ ថ្ងៃ។ ១០ ភាគរយ គឺជាអត្រាពន្ធមូលដ្ឋាន ដែលលោក ត្រាំ ដាក់លើគ្រប់ប្រទេសទាំងអស់ និងចូលជាធរមានកាលពីថ្ងៃសោរ៍ចុងសប្ដាហ៍កន្លងទៅ។ ការពន្យាពេល និងទម្លាក់ពន្ធត្រឹម ១០ ភាគរយ ក៏អនុវត្តចំពោះកាណាដា និងម៉ិកស៊ិកផងដែរ។
លោក ត្រាំ បាននិយាយបន្ថែមថា លោកដំឡើងពន្ធលើការនាំចូលពីប្រទេសចិនដល់ ១២៥ ភាគរយ ដោយចូលជាធរមានភ្លាមៗ ដោយសារតែ «កង្វះការគោរព ដែលចិនបានបង្ហាញទៅដល់ទីផ្សារពិភពលោក»។
បើតាមមន្រ្តីរដ្ឋបាល ត្រាំ សហរដ្ឋអាមេរិកនឹងចរចាជាមួយប្រទេសទាំងអស់ ដែលបានទាក់ទងទៅខ្លួន ក្នុងអំឡុងរយៈពេល ៩០ ថ្ងៃ នៃការផ្អាកពន្ធគយបដិការខ្ពស់។
គួរគូសបញ្ជាក់ថា ការវិវត្តយ៉ាងរហ័សចុងក្រោយនេះ កើតឡើងក្រោយរដ្ឋាភិបាលចិន បានប្រកាសដំឡើងពន្ធលើទំនិញចិនដល់ ៨៤ ភាគរយ ដើម្បីជាការឆ្លើយតបទៅនឹងការដំឡើងពន្ធដល់ ១០៤ ភាគរយ របស់លោក ត្រាំ ដែលចូលជាធរមានកាលពីថ្ងៃពុធ។ ចិនប្ដេជ្ញាថា ខ្លួននឹងប្រយុទ្ធប្រឆាំងដល់ទីបញ្ចប់ ទោះបីជានិយាយថា គ្មាននរណាឈ្នះក្នុងសង្រ្គាមពាណិជ្ជកម្មក៏ដោយ។
TAFAC សាទរចំពោះការសម្រេចរបស់តុលាការអាមេរិកចំពោះការលុបចោលពន្ធបដិការ និងពន្ធមូលដ្ឋាន១០%របស់ត្រាំ
តួកគី ចេញច្បាប់ផាកពិន័យអ្នកដំណើរដែលដោះខ្សែក្រវ៉ាត់សុវត្ថិភាពមុនពេលយន្តហោះឈប់
ជួយត្រាំត្រឹម៤ខែ Elon Musk លាលែងពីតំណែង ក្រោយការស្នើច្បាប់ថវិកាថ្មី ខុសពីអ្វីដែលលោកប្រឹងកាត់ចំណាយ
លោក Amorim សារភាពពីការខកចិត្តចំពោះ Man United ចាញ់ ASEAN All Stars
ស្នងការខេត្តតាកែវសន្យាថានឹងចុះចេញពីតំណែង បើទប់ស្កាត់រថយន្ដដឹកទំនិញសំពីងសំពោងមិនបានតាមការណែនាំរបស់អភិបាលខេត្ត
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ ព្រមានថា កម្ពុជាបានរៀបចំសំណាញ់មេឃរួចរាល់ សម្រាប់បាញ់យន្តហោះចម្បាំងដែលឈ្លានពាន
សម្ដេចតេជោ៖ ខ្ញុំមិនអស់ចិត្តថាហេតុអីទាហានយើងស្លាប់នៅកន្លែងហ្នឹង
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ១៨ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច