Connect with us

ព័ត៌មានជាតិ

ពន្ធខ្ពស់៖ ត្រាំ ទាមទារឱ្យ​ប្រទេសនានារួមទាំងកម្ពុជា​ទៅវិនិយោគនៅអាមេរិក ​​និងបើកទីផ្សារ ដើម្បីចរចាបន្ថែម

បានផុស

នៅ

ក្នុងលិខិតផ្លូវការស្ដីអំពីអត្រាពន្ធខ្ពស់ ដែលត្រូវបាន​ផ្ញើទៅកាន់ប្រទេសចំនួន​ ១៤ រួមទាំងកម្ពុជា កាលពីថ្ងៃចន្ទ ប្រធានាធិបតីសហរដ្ឋអាមេរិក លោក​ ដូណាល់ ត្រាំ ​បាន​ទាមទារឱ្យ​ប្រទេស​ទាំងនោះ ​ដាក់​ការវិនិយោគនៅលើទឹកដីសហរដ្ឋអាមេរិក និងបើកទីផ្សារឱ្យទំនិញអាមេរិក ក្នុងចំណោមការទាមទារផ្សេងៗទៀត​ ដើម្បីចរចាបន្ធូរបន្ថយ ឬកាត់ផ្ដាច់ពន្ធ ដោយ​មិន​គិតពីលក្ខខណ្ឌសេដ្ឋកិច្ចរបស់ប្រទេសទាំងនោះយ៉ាងណាឡើយ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លិខិតមកកម្ពុជា ដែល​បញ្ជាក់ការដាក់ពន្ធ ៣៦ ភាគរយ គ្រប់ទំនិញ​នាំចូលទៅសហរដ្ឋអាមេរិក (​ដាច់ដោយ​ឡែងពី​ពន្ធតាមវិស័យ) បាន​និយាយយ៉ាងដូច្នេះថា៖ «សូមយល់ថា ពន្ធ ៣៦ ភាគរយ គឺនៅឆ្ងាយណាស់ ពីអ្វីដែលត្រូវការដើម្បីលុបបំបាត់ភាពខុសគ្នានៃឱនភាពពាណិជ្ជកម្មដែលយើងមាន​ ជាមួយ​នឹង​ប្រទេសរបស់អ្នក»។

លិខិតបន្តថា៖ «ដូចដែលអ្នកបាន​ដឹងហើយ វានឹង​គ្មានពន្ធនោះទេ ប្រសិនបើកម្ពុជា ឬក្រុមហ៊ុននៅក្នុងប្រទេសកម្ពុជា សម្រេចចិត្ត សាងសង់ ឬបង្កើតផលិតផល​នៅក្នុងសហរដ្ឋអាមេរិក​។ ជាក់ស្ដែងទៅ យើងនឹង​ធ្វើអ្វីដែលអាចធ្វើបាន​ ដើម្បីសម្រេចិត្តយល់ព្រមផ្សេងៗ​ឱ្យ​បាន​រហ័ស តាមវិជ្ជាជីវៈ និងជាទម្លាប់ ឬអាចនិយាយបានម្យ៉ាងទៀតថា ក្នុងរយៈពេលតែប៉ុន្មានសប្ដាហ៍ទៀតប៉ុណ្ណោះ»។

ខ្លឹមសារនៃលិខិត​បែបនេះមកកម្ពុជា ​គឺដូចគ្នាទាំងស្រុងទៅនឹង​ខ្លឹមសារដែលលោកបាន​ផ្ញើរទៀតកាន់​ប្រទេសផ្សេងៗទៀតទាំង ១៤ រួមមានទាំងថៃ ម៉ាឡេស៊ី ឡាវ ជប៉ុន និងអាហ្វ្រិកខាងត្បូងជាដើម។

អត្រាពន្ធដែលប្រទេសទាំងនោះ រួមមាន​៖

  • មីយ៉ាន់ម៉ា និងឡាវ៖ ៤០ ភាគរយ
  • កម្ពុជា និងថៃ៖ ៣៦ ភាគរយ
  • បង់ក្លាដែស ​និងស៊ែប៊ី៖ ៣៥ ភាគរយ
  • ឥណ្ឌូណេស៊ី៖ ៣២ ភាគរយ
  • អាហ្វ្រិកខាងត្បូង ​និងបូស្នៀ-ហឺហ្សេហ្គោវីណា៖ ៣០ ភាគរយ
  • ជប៉ុន កូរ៉េខាងត្បូ​ង ម៉ាឡេស៊ី កាហ្សាក់ស្ថាន និងទុយនីស៊ី៖ ២៥ ភាគរយ

​ការទាមទារ​ក្នុងបរិបទពន្ធ​របស់សហរដ្ឋអាមេរិក មិនបាន​លើកលែងចំពោះស្ថានភាពសេដ្ឋកិច្ចនៃប្រទេសណាមួយ​នោះទេ ដោយ​ក្នុងបញ្ជីចុងក្រោយដែលបាន​បង្ហាញនោះ មាន​តែ​ជប៉ុន និងកូរ៉េខាងត្បូងប៉ុណ្ណោះដែល​ជាប្រទេសអភិវឌ្ឍ ខណៈភាគច្រើនជាប្រទេសមានទីផ្សារកំពុងរីកចម្រើន និងកំពុងអភិវឌ្ឍ និងសូម្បីតែប្រទេសរាំរ៉ៃដោយសង្រ្គាម គឺមីយ៉ាន់ម៉ា។

ក្រៅពីទាមទារ​ឱ្យ​ប្រទេសទាំងនេះ ទៅវិនិយោគនៅសហរដ្ឋអាមេរិក លោក ត្រាំ បាន​និយាយក្នុងលិខិតដដែលថា៖ «​ប្រសិន​បើអ្នកបើកទីផ្សារពាណិជ្ជកម្ម​ ដែលបិទពីមុនមកនោះ សម្រាប់សហរដ្ឋអាមេរិក​ ហើយ​លុបបំបាត់គោលនយោបាយពន្ធគយ និងមិនមែនពន្ធគយ ក៏ដូចជារបាំងពាណិជ្ជកម្ម ប្រហែលយើងនឹង​ពិចារណាកែសម្រួលលិខិតមួយ​នេះ​។

លិខិត​បាន​បន្តទៀត​ថា៖ «អត្រាពន្ធទាំងនេះ អាច​នឹង​ត្រូវកែប្រែ ឡើង ឬក៏ចុះ អាស្រ័យលើទំនាក់ទំនងរបស់យើងជាមួយ​ប្រទេសរបស់អ្នក។ អ្នកនឹង​គ្មាន​ថ្ងៃខកចិត្តជាមួយសហរដ្ឋអាមេរិក​ឡើយ»។

ផ្ទុយពីការទាមទារទាំងនេះ លិខិត​បាន​ព្រមាន​កុំឱ្យ​ប្រទេសទាំងអស់ធ្វើការសងសឹកសហរដ្ឋអាមេរិក​ឱ្យ​សោះ ដោយថា «ហេតុផលណាក៏ដោយ ដែលអ្នកសម្រេចដំឡើងពន្ធ (សងសឹក)​ ​នោះអត្រា​ណាដែលអ្នកដាក់(លើអាមេរិក)» នឹង​ត្រូវបន្ថែមពីលើពន្ធខ្ពស់ដែល​​ទើប​ប្រកាស។ លិខិតថា គោលនយោបាយពន្ធគយ និងមិនមែនពន្ធគយ ក៏ដូចជារបាំងពាណិជ្ជកម្ម ទាំងអស់បាន​បណ្ដាលឱ្យ​មាន​ឱនភាព​ពាណិជ្ជកម្ម​សម្រាប់អាមេរិក ដែល​គំរាមកំហែងដ៏ធំដល់សេដ្ឋកិច្ច និងសន្តិសុខជាតិ​របស់​សហរដ្ឋ​អាមេរិក​។

អ្នកនាំពាក្យសេតវិមាន លោកស្រី Karoline Leavitt អំឡុងពេលប្រកាសពីពន្ធខ្ពស់ថ្មី កាលពីថ្ងៃចន្ទ

តាមការប្រកាស ពន្ធខ្ពស់ថ្មីរំពឹងថានឹង​ចូលជាធរមាន​នៅថ្ងៃទី ១ សីហា ដែល​នេះ​ជាឱកាសផ្សេងៗ​សម្រាប់​ប្រទេសនានា ចរចាដើម្បីបញ្ចុះពន្ធបន្ថែម​។ អ្វីគួរឱ្យ​កត់សម្គាល់នោះគឺថា ពន្ធខ្ពស់ មិនរាប់បញ្ជូលពីលើ «ពន្ធតាមវិស័យ» នោះទេ។ ឧទាហរណ៍ លោក ត្រាំ បាន​ដាក់ពន្ធ ២៥ ភាគរយ លើរថយន្តនាំចូលទៅអាមេរិ​ក​កាលពីប៉ុន្មានខែមុន ​ប៉ុន្តែពន្ធខ្ពស់ថ្មីនេះ មិន​បន្ថែម​ពីលើអត្រាដែលមាន​ស្រាប់នោះទេ។ មន្ត្រីសេតវិមានបាននិយាយថា ​លក្ខខណ្ឌបែបនេះ ក៏នឹងអនុវត្តចំពោះពន្ធតាមវិស័យជាក់លាក់ណាមួយ នាពេលអនាគតផងដែរ។

មកទល់ពេល​នេះ គេមិនឃើញមាន​ព័ត៌មាន​លម្អិតអំពី «ពន្ធតាមវិស័យ» ដែល​ប្រទេសនានា រួមទាំងកម្ពុជា សម្រេច​បាន​ជាមួយ​អាមេរិក ក្រោយ​បាន​ចរចាអស់រយៈពេលជាង ៣ ខែកន្លងមកនេះទេ។ ប៉ុន្តែពន្ធតាមវិស័យដែល​លោក ត្រាំ បាន​ប្រកាសឡើងជាទូទៅនាពេលកន្លងមក រួមមាន​ ពន្ធនាំចូល​លើដែកថែប និងអាលុយមីញ៉ូម រថយន្ត បន្ទះឈីប និងថ្នាំពេទ្យជាដើម៕

Helistar Cambodia - Helicopter Charter Services
Sokimex Investment Group
ព័ត៌មានជាតិ២ នាទីutes មុន

ស.ស.យ.ក នឹងរៀបចំការប្រកួតបាល់ទាត់នៅថ្ងៃទី១៩ ខែកក្កដា ដើម្បីកៀរគរមូលនិធិគាំទ្រវីរកងទ័ពជួរមុខ

ព័ត៌មានជាតិ៣២ នាទីutes មុន

សម្តេច ម៉ែន សំអន និងប្រតិភូអមដំណើរ សម្តែងការសោកស្ដាយចំពោះ ការទទួលព្រះអនិច្ចធម្មគោរពព្រះវិញ្ញាណក្ខន្ធ ព្រះយុត្តាភិរ័ក្ខ រឹក សាបូ

ព័ត៌មានជាតិ៤១ នាទីutes មុន

សម្តេច ម៉ែន សំអន ៖ ពុទ្ធចក្រ និងអាណាចក្រ រីកចម្រើនដូចបច្ចុប្បន្ននេះ មកពីកត្តាសន្តិភាព

ព័ត៌មានជាតិ១ ម៉ោង មុន

គម្រោងផ្លូវបេតុង​ប្រវែង​ ១៥០០ម៉ែត្រ សមិទ្ធផលប្រវត្តិសាស្ត្រ​ថ្មី​លេីដីកោះ​រងាវតាមដងទន្លេមេគង្គ​លើ​​ក្នុង​ខេត្តក្រចេះ

ព័ត៌មានជាតិ១ ម៉ោង មុន

អ្នកបម្រើតាមផ្ទះជាង ៩៤០ នាក់ បានចុះឈ្មោះចូលជាសមាជិក ប.ស.ស

ព័ត៌មានអន្ដរជាតិ២ ម៉ោង មុន

ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន

ព័ត៌មានអន្ដរជាតិ៤ ម៉ោង មុន

ក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ

សេចក្ដីជូនដំណឹង២០ ម៉ោង មុន

ត្រឡប់មកពីក្រៅប្រទេសភ្លាម លោកឧកញ៉ា ហ៊ួត ជា នាំយកសម្ភារៈសំណង់ទៅជួយកញ្ញា ពេជ្រ ចរណៃ ភ្លាម និងទទួលធ្វើជា BA ថ្នាំលាប MC PAINT ថែមទៀត

សន្តិសុខសង្គម២៣ ម៉ោង មុន

ជំនន់ទឹកភ្លៀងអូរព្រំដែនកម្ពុជា ថៃ បានលិចច្រោះក្បាលស្ពាន និងផ្លូវវាងក្នុងស្រុកសំឡូត

ព័ត៌មានអន្ដរជាតិ២១ ម៉ោង មុន

អានុទីន មាន​ប្រវត្តិសិក្សា ​មុខ​ជំនួញ និង​ នយោបាយ ​មិនធម្មតា នៅ​មុន​​កើតជម្លោះក្ដៅគគុកជាមួយ ផែថងថាន

Sokha Hotels

ព័ត៌មានពេញនិយម