កូវីដ-១៩
ជនជាតិចិន វៀតណាមរាប់រយនាក់ លួចចូលក្រុងបាវិត ចុះពីលើម៉ូតូព្រោងព្រាត សមត្ថកិច្ចឃាត់សាកសួរទើបបែកធ្លាយ
(ខេត្តស្វាយរៀង)៖ មេខ្យល់នាំជនជាតិវៀតណាម និងជនជាតិចិន ស្រី-ប្រុស ប្រមាណជាង១០០នាក់ ចេញពីប្រទេសវៀតណាមឆ្លងដែនចូលមកប្រទេសកម្ពុជាដោយខុសច្បាប់ ត្រូវអាជ្ញាធរចុះបង្រ្កាបក្រោយសង្ស័យ ពេលសាកសួរទើបបែកធ្លាយ។
សមត្ថកិច្ចបង្ហើបថា ជនជាតិចិន វៀតណាមជាង ១០០ នាក់នេះ សង្ស័យចូលតាមស្លាបច្រកទ្វារព្រំដែនអន្តរជាតិបាវិត (ក្នុងនោះគឺមានមេខ្យល់ជាជនជាតិចិន១១នាក់) ហើយសមត្ថកិច្ចកំពុងដាក់ការសង្ស័យថា ប្រហែលជាមានមេខ្យល់ជាជនជាតិខ្មែរ នៅពីក្រោយករណីខាងលើនេះ។
បើតាមប្រភពពីសមត្ថកិច្ច បានប្រាប់ភ្នាក់ងារយកព័ត៌មានឲ្យដឹងថា មេខ្យល់ជាជនជាតិចិន ចំនួន១១នាក់ បានលួចនាំជនជាតិវៀតណាម និងជនជាតិចិន ចំនួន១១២នាក់ ឆ្លងដែនដោយខុសច្បាប់ ចូលមកក្រុងបាវិត ដោយឲ្យស្នាក់នៅក្នុងសណ្ឋាគារមួយកន្លែង ដែលមានយីហោឈ្មោះ «ផ្ទះល្វែងសណ្ឋាគារបួនរដូវ» ដែលគេស្គាល់ថា ម្ចាស់សណ្ឋាគារគឺជនជាតិចិន ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
ប្រភពដដែលបន្តទៀតថា ករណីខាងលើនេះកើតឡើង កាលពីយប់រំលងអាធ្រាត្រថ្ងៃទី២៧ ខែមេសា២០២១ ខណៈសមត្ថកិច្ចកងរាជអាវុធហត្ថខេត្តស្វាយរៀង និងកងរាជអាវុធហត្ថក្រុងបាវិត បានដើរល្បាតក៏ប្រទះឃើញ ជនជាតិវៀតណាម និងជនជាតិចិន ស្រី-ប្រុស ប្រមាណជាង១០០នាក់ បានកំពុងចុះពីលើម៉ូតូ ដើរចូលក្នុងសណ្ឋាគារ «ផ្ទះសំណាក់សណ្ឋាគារបួនរដូវ» មានការសង្ស័យក៏ឃាត់សាកសួរ រហូតចាប់ឃាត់ខ្លួនមេខ្យល់១១នាក់ ជាជនជាតិចិន មកធ្វើការសាកសួរនិងឆែកឆេរ សណ្ឋាគារខាងលើរកឃើញ ជនជាតិវៀតណាម និងជនជាតិចិន ស្រី-ប្រុស ១១២នាក់ ផ្សេងទៀត ដែលពួកគេទើបតែចេញពីរប្រទេសវៀតណាម ឆ្លងដែនដោយខុសច្បាប់ ចូលមកក្រុងបាវិត ខេត្តស្វាយរៀង។
នៅថ្ងៃទី២៨ ខែមេសា ឆ្នាំ២០២១ សមត្ថកិច្ចបានហៅជនជាតិវៀតណាម និងជនជាតិចិន ចំនួន១១២នាក់ យកសំណាកពេញមួយថ្ងៃ រហូតដល់យប់ជ្រៅ ក៏នៅកំពុងបន្តការងារយកសំណាក និងដាក់ជនជាតិវៀតណាម និងជនជាតិចិន ទាំងអស់ខាងលើឲ្យនៅធ្វើចត្តាឡីសក័ ១៤ថ្ងៃ នៅក្នុងសណ្ឋាគារ«ផ្ទះសំណាក់សណ្ឋាគារបួនរដូវ»តែម្តង។
សមត្ថកិច្ចបន្តទៀតថា ខណៈពេលដែលកងរាជអាវុធហត្ថ ឃាត់សួរនាំអ្នកទាំងនោះ ហើយម្ចាស់សណ្ឋាគារ ជាជនជាតិចិន១១នាក់ បានចេញមករារាំង ទើបមានការចាប់ខ្លួនបញ្ជូូនទៅទីបញ្ជាការដ្ឋានកងរាជអាវុធហត្ថខេត្តស្វាយរៀង ដើម្បីសួរនាំតាមនីតិវិធី និងយកសំណាក រួចបានបញ្ជូនខ្លួនទៅធ្វើចត្តាឡីសក័នៅផ្ទះសំណាក់គ្រូបង្រៀន រយៈ១៤ថ្ងៃ ដើម្បីតាមដានទប់ស្កាត់ការឆ្លងជម្ងឺកូវីដ១៩។ ក៏ប៉ុន្តែការចោទប្រកាន់ ឬយ៉ាងណានោះ មិនអាចសុំការបំភ្លឺបានពីសមត្ថកិច្ចបានទេ ដោយសមត្ថកិច្ចឆ្លើយតបអ្នកសារព័ត៌មានថា សមត្ថកិច្ចកំពុងបន្តនីតិវិធី ដោយមិនទាន់អាចផ្តល់ព័ត៌មានបានទេទាន៕
អត្ថបទ៖ ភក្ដី
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ