វីរុសបំប្លែងខ្លួនឥណ្ឌា ចូលដល់ប្រទេសអាស៊ីអាគ្នេយ៍មួយទៀតហើយ!

ប្រទេសម៉ាឡេស៊ី បានរកឃើញករណីឆ្លងវីរុសកូវីដ-១៩បំប្លែងខ្លួនឥណ្ឌាជាលើកដំបូង ប៉ុន្មានថ្ងៃបន្ទាប់ពីការដាក់បម្រាមលើជើងហោះហើរមកពីប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីក្រសួងសុខាភិបាលម៉ាឡេស៊ីលោក Adham Baba បាននិយាយកាលពីថ្ងៃអាទិត្យទី២ខែឧសភាថា  វីរុសបំប្លែងខ្លួន B.1.617 ត្រូវបានរកឃើញក្នុងខ្លួនជនជាតិឥណ្ឌាម្នាក់ នៅឯព្រលានយន្តហោះអន្តរជាតិគូឡាឡាំពួរ។

លោក Adham លើកឡើងថា “យើងសូមណែនាំឲ្យសាធារណជនរក្សាភាពស្ងប់ស្ងាត់។ រាល់កិច្ចខិតខំប្រឹងប្រែងសុខភាពសាធារណៈ នឹងធ្វើឡើងដើម្បីបំបែកខ្សែសង្វាក់នៃការចម្លង និងធានាសុវត្ថិភាពសាធារណៈ”។

ទោះបីជាយ៉ាងណាក៏ដោយ លោកមិនបានបញ្ជាក់ទេថា តើវីរុសនេះត្រូវបានរកឃើញនៅថ្ងៃណា។

ប្រទេសម៉ាឡេស៊ី កាលពីថ្ងៃពុធ បានហាមឃាត់ជើងហោះហើរទៅនិងមកពី ឥណ្ឌា មិនឲ្យចូលប្រទេសដើម្បីការពារការរីករាលដាលនៃវីរុសបំប្លែងខ្លួនដ៏សាហាវថ្មីនេះ។

ប្រទេសនៅតំបន់អាស៊ីអាគ្នេយ៍មួយនេះ បានរាយការណ៍ថាមានករណីឆ្លងវីរុសកូវីដ-១៩ចំនួន ៣,៤១៨ករណីកាលពីថ្ងៃអាទិត្យ ដោយនាំឲ្យចំនួនអ្នកឆ្លងសរុបកើនដល់ ៤១៥,០១២ករណីហើយក្នុងនោះ មានអ្នកស្លាប់ជាង ១,៥០០នាក់៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ មកកៀកហើយ! ទីបំផុត វីរុសកូវីដបំប្លែងខ្លួនឥណ្ឌា ចូលដល់ វៀតណាម