កូវីដ-១៩
អាជ្ញាធរខេត្តកំពង់ឆ្នាំង ត្រៀមរៀបចំធ្វើឡបូជាសព៣ សម្រាប់អ្នកស្លាប់ដោយជំងឺកូវីដ១៩
ក្រុមការងារចម្រុះរបស់អាជ្ញាធរខេត្តកំពង់ឆ្នាំង កាលពីថ្ងៃទី០៤ ខែឧសភា ឆ្នាំ២០២១នេះ បានចុះទៅសិក្សាកន្លែងធ្វើឡ សម្រាប់បូជាសពអ្នកកើតជំងឺកូវី១៩ នៅក្នុងស្រុករលាប្អៀរ។ នេះបើយោងតាមមន្ត្រីសាលាខេត្តកំពង់ឆ្នាំង បានឲ្យដឹងនៅព្រឹកថ្ងៃទី០៥ ខែឧសភានេះ។
លោក សេង វិចិត្រ អភិបាលរងស្រុករលាប្អៀរ នៅព្រឹកថ្ងៃទី០៥ ខែឧសភានេះ បានឲ្យដឹងថា តាមគម្រោងរបស់រដ្ឋបាលខេត្ត គឺនឹងត្រូវរៀបចំធ្វើឡបូជាសពអ្នកស្លាប់ ដោយសារជំងឺកូវីដ នៅតំបន់ដីសហគមន៍នៅក្នុងភូមិសាស្ត្រ ភូមិដំណាក់កី ឃុំជើងគ្រាវ ស្រុករលាប្អៀរ។ បើគ្មានការប្រែប្រួលនោះទេនៅព្រឹកថ្ងៃទី០៦ ខែឧសភា ស្អែកនេះ អាជ្ញាធរខេត្តនឹងរៀបចំធ្វើពិធីក្រុង ពាលី ទៅតាមទំនៀមទម្លាប់ប្រពៃណី ដើម្បីកសាងឡបូជាសពតាមគម្រោងខាងលើនេះហើយ។
តាមមន្ត្រីសាលាខេត្តឲ្យដឹងនោះ គឺធ្វើឡសម្រាប់បូជាសពអ្នកស្លាប់ ដោយជំងឺកូវីដចំនួន៣ ប៉ុន្តែបានធ្វើប៉ុន្មាននោះមិនទាន់ច្បាស់នោះទេ គឺធ្វើទៅតាមថវិកាដែលមានជាក់ស្ដែង។
គួរបញ្ជាក់ផងដែរថា កាលពីពេលថ្មីៗនេះ មានស្ត្រីអ្នកជំងឺម្នាក់បានស្លាប់ដោយសារជំងឺកូវីដ នៅក្នុងមន្ទីរពេទ្យបង្អែកខេត្តកំពង់ឆ្នាំង។ បន្ទាប់មកអាជ្ញាធរយកសពអ្នកជំងឺនេះ ត្រូវបូជានៅទីមច្ឆាវត្តជ្រៃបាក់ ក្នុងឃុំជ្រៃបាក់ ស្រុករលាប្អៀរ ប៉ុន្តែត្រូវបានប្រជាពលរដ្ឋតវ៉ារារាំងមិនឲ្យបូជាសពនៅក្នុងទីមច្ឆាវត្តឡើយ ដោយសារពួកគាត់ខ្លាចឆ្លងរាលដាលជំងឺកូវីដ ចូលក្នុងមូលដ្ឋានរបស់គាត់។ បន្ទាប់មកអាជ្ញាធរខេត្ត ក៏បានយកសពអ្នកជំងឺកូវីដខាងលើនេះ មកបូជានៅទីមច្ឆាវត្តខ្សាម ក្នុងសង្កាត់ខ្សាម ក្រុងកំពង់ឆ្នាំងវិញ ទៅតាមបច្ចេកទេសយ៉ាងច្បាស់លាស់និងហ្មត់ចត់ផងដែរ៕
អត្ថបទ៖ ឈៀងថារិទ្ធ
សូមចុចអាន៖ ទារិកាម្នាក់ ក៏រងគ្រោះក្នុងចំណោមអ្នកឆ្លងថ្មី ១១៨ នាក់នៅខេត្តព្រះសីហនុ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ