កូវីដ-១៩

អ្នកចូលចិត្តទិញទំនិញអនឡាញសូមប្រយ័ត្ន ករណីអ្នកលក់ឬអ្នកដឹកមានកូវីដ ១៩

បានផុស

៥ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

កាលៈទេសៈដែលរាជធានីភ្នំពេញត្រូវបានបិទខ្ទប់ មានពលរដ្ឋមួយចំនួនបានងាកទៅប្រើប្រាស់សេវាអនឡាញ ដើម្បីបញ្ជាទិញទំនិញជាពិសេសលើគ្រឿងឧបភោគបរិភោគ។

លោក កើត ឆែ អភិបាលរងរាជធានីភ្នំពេញបានថ្លែងឲ្យដឹងថា រហូតមកដល់ពេលនេះមានអ្នកលក់ទំនិញ ឬអ្នកដឹកជញ្ជូនទំនិញតាមអនឡាញ បានឆ្លងជំងឺកូវីដ១៩កើតមានជាហូហែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថ្លែងដោយក្រើនរំលឹកថា ប្រជាពលរដ្ឋដែលប្រើប្រាស់សេវាអនឡាញត្រូវថ្លឹងថ្លែងលើប្រភេទទំនិញណាដែលមានហានិភ័យ នាំការឆ្លងរាលដាលជំងឺកូវីដ១៩។ លោកបានលើកឡើងករណីទំនិញដូចជាគ្រឿងឧបភោគបរិភោគជាពិសេស ព្រោះក្នុងករណីអ្នកលក់ ឬអ្នកដឹកមានផ្ទុកជំងឺកូវីដ ហានិភ័យនៃការឆ្លងមានកម្រិតខ្ពស់។

“ដូចប្រភេទបន្លែឆៅ ដែលពលរដ្ឋនិយមទទួលទានជាអន្លក់ បើអ្នកលក់មានកូវីដ ហើយយើងទិញមកទទួលទានលាងសម្អាតមិនបានល្អ វាងាយបង្កការឆ្លងមេរោគ។ តើបើប្រភេទអាហារដែលអាចកម្ដៅបាន ឬលាងសម្អាតបានល្អអាចបង្ការហានិភ័យនៃការឆ្លងទាប”។

ទាក់ទងការបើកផ្សារឡើងវិញ លោកអភិបាលរងរាជធានីភ្នំពេញបានបញ្ជាក់ថាថា ស្ថានភាពពេលនេះអាជ្ញាធរមិនទាន់អនុញ្ញាតិឲ្យបើកដំណើរការឡើងវិញបានទេ ដោយសាររាជធានីភ្នំពេញនៅតែជាតំបន់ផុយស្រួយនៃការឆ្លងរាលដាល ហើយផ្សារជាកន្លែងងាយប្រឈមនិងពិបាកគ្រប់គ្រង៕