Connect with us

កូវីដ-១៩

ក្រោយរកឃើញជំងឺកូវីដ ១៩ បំប្លែងខ្លួនថ្មីរបស់ឥណ្ឌា វៀតណាម បន្ថែមរយៈពេលធ្វើចត្តាឡីស័កសម្រាប់អ្នកចូលមកប្រទេសខ្លួន

បានផុស

នៅ

អាជ្ញាធរ វៀតណាម បាននិយាយកាលពីថ្ងៃពុធថា ប្រទេសវៀតណាម បានពង្រីកពេលកំណត់ការធ្វើចត្តាឡីស័ក សម្រាប់អ្នកដែលចូលមកប្រទេសនេះ ដល់ទៅ ៣ សប្តាហ៍ បន្ទាប់ពីការផ្ទុះឆ្លង ជំងឺកូវីដ ១៩ ក្នុងសហគមន៍កាលពីថ្មីៗនេះ រួមជាមួយការរកឃើញ ករណីឆ្លងជំងឺកូវីដ ១៩ បំប្លែងខ្លួនថ្មី របស់ឥណ្ឌាផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតមកដល់ពេលនេះ ប្រទេសវៀតណាម បានរក្សាចំនួនករណីឆ្លងទាបបំផុត ដោយមានត្រឹមតែជាង ៣,០០០ ករណី និងមានមនុស្សស្លាប់ចំនួន ៣៥ នាក់ប៉ុណ្ណោះ ដោយសារវិធានការតឹងរ៉ឹង និងការតាមដានទំនាក់ទំនងទ្រង់ទ្រាយធំ ។

ប៉ុន្តែប្រទេសវៀតណាម បានរាយការណ៍ពីការផ្ទុះឡើង នូវករណីឆ្លងក្នុងសហគមន៍លើកដំបូងរបស់ខ្លួន កាលពីថ្ងៃព្រហស្បតិ៍សប្តាហ៍មុន រួមជាមួយការឆ្លងជាចង្កោម បានលេចឡើងសាជាថ្មី ។

ទន្ទឹមនោះ រដ្ឋមន្រ្តីក្រសួងសុខាភិបាល លោក Nguyen Thanh Long បាននិយាយថា “ក្រសួងសុខាភិបាល បានសម្រេចបន្ថែមរយៈពេល ធ្វើចត្តាឡីស័កសម្រាប់មនុស្ស ដែលបានធ្វើទំនាក់ទំនងជិតស្និទ្ធ ជាមួយអ្នកជំងឺកូវីដ ១៩ និងប្រជាជនដែលបានចូលប្រទេសវៀតណាម រហូតដល់ ២១ ថ្ងៃ” ។

ការប្រកាសនេះ ធ្វើឡើង បន្ទាប់ពីមន្ទីរពេទ្យមួយ ក្នុងចំណោមមន្ទីរពេទ្យល្បីៗរបស់ប្រទេស សម្រាប់ការព្យាបាលអ្នកជំងឺកូវីដ ១៩ ជាច្រើនត្រូវបានបិទទ្វារកាលពីថ្ងៃពុធ បន្ទាប់ពីគ្រូពេទ្យម្នាក់ បានធ្វើតេស្តវិជ្ជមានសម្រាប់វីរុសនេះ ។

ក្រោយមក មនុស្ស ១៤ នាក់ទៀត នៅមន្ទីរពេទ្យជាតិសម្រាប់ជំងឺឆ្លង ក្នុងទីក្រុងហាណូយ ក៏ត្រូវបានរកឃើញឆ្លងផងដែរ ខណៈអ្នកជាប់ពាក់ព័ន្ធប្រមាណ ៨០០ នាក់រួមមាន បុគ្គលិកពេទ្យ អ្នកជំងឺ និងអ្នកដែលបានទៅសួរសុខទុក្ខ ត្រូវបានដាក់ឲ្យធ្វើចត្តាឡីស័ក ក្នុងមន្ទីរពេទ្យនោះ រយៈពេល ២ សប្ដាហ៍ផងដែរ ។

គួរបញ្ជាក់ថា ការផ្ទុះក្នុងសហគមន៍ចុងក្រោយបង្អស់ ដែលស្ថិតនៅភាគខាងជើង នៃទីក្រុង Hai Duong ត្រូវបានគ្រប់គ្រងដោយជោគជ័យ កាលពីខែមុន ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ មកកៀកហើយ! ទីបំផុត វីរុសកូវីដបំប្លែងខ្លួនឥណ្ឌា ចូលដល់ វៀតណាម

ចុចអាន ៖ វិធានការកូវីដថ្មី! វៀតណាម គ្រោងឲ្យជនបរទេសពាក់ “ខ្សែជើងអេឡិចត្រូនិច” ដើម្បីតាមដាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៧ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៤ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ២០ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១២ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៣ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម