កូវីដ-១៩

អាជ្ញាធរខេត្តឧត្តរមានជ័យ រកឃើញអ្នកជំងឺកូវីដ១៩ ចំនួន២នាក់ទៀត ជាពលករទើបមកពីថៃ

បានផុស

៥ years មុន

នៅ

ថ្ងៃអាទិត្យ ៩ ឧសភា ២០២១

ដោយ

ពលករខ្មែរ មកពីថៃចំនួន០២នាក់ទៀត ត្រូវបានរកឃើញថា មានវិជ្ជមានកូវីដ១៩។ នេះបើតាម សេចក្ដីប្រកាសព័ត៌មាន របស់រដ្ឋបាលខេត្តឧត្តរមានជ័យ ដែលចេញនៅថ្ងៃទី៨ ខែឧសភា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកមានវិជ្ជមានកូវីដ១៩ ទាំង២នាក់ប្តី ប្រពន្ធនោះឈ្មោះដូចខាងក្រោម៖ ទី១ ឈ្មោះ ខេន ចន្ធូ ភេទស្រី អាយុ២៨ឆ្នាំ ទី២ ឈ្មោះ ភាព សុគុណ អាយុ២៥ឆ្នាំ ជាប្ដី របស់លោកស្រី ខេន ចន្ធូ។ អ្នកទាំងពីរ មានទីលំនៅភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។ អាជ្ញាធរខេត្តបានឲ្យដឹងថា៖ ករណីនេះ ជាករណីនាំចូល ពីព្រោះពួកគាត់ ជាពលករដែលបានវិលត្រលប់មកពីប្រទេសថៃ ចូលមកក្នុងប្រទេសកម្ពុជាតាមច្រកទ្វារអន្តរជាតិអូរស្មាច់ និងត្រូវបានដាក់ឲ្យធ្វើចត្តាឡីស័ក នៅមណ្ឌលចត្តាឡីស័កពហុកីឡដ្ឋានខេត្តឧត្តរមានជ័យ ដោយបានស្នាក់នៅជាមួយពលករ១០នាក់ផ្សេងទៀត(មានកុមារ៤នាក់)។

បន្ទាប់ពីលទ្ធផលសំណាកបញ្ជាក់ថា ប្ដីប្រពន្ធខាងលើ មានវិជ្ជមានកូវីដ១៩ ក្រុមគ្រូពេទ្យបានបញ្ជូនពួកគាត់ទាំងពីរនាក់ទៅសម្រាកព្យាបាល នៅមន្ទីរពេទ្យបង្អែកខេត្តឧត្ដរមានជ័យ។ចំណែកអ្នកពាក់ព័ន្ធ ត្រូវបានបញ្ជូនទៅធ្វើចត្តាឡីស័កនៅមណ្ឌលចត្តាឡីស័កផ្ទះសំណាក់ឧត្តមរដ្ឋា ដើម្បីតាមដានសុខភាព និងពិនិត្យសំណាករកមេរោគកូវីដ-១៩ ព្រមទាំងបន្តស្រាវជ្រាវប្រវត្តិ និងអ្នកពាក់ព័ន្ធបន្ថែមទៀត។

អាជ្ញាធរខេត្តសូមអំពាវនាវដល់បងប្អូនប្រជាពលរដ្ឋទាំងអស់ ឲ្យបន្តអនុវត្តតាមការណែនាំរបស់រាជរដ្ឋាភិបាល វិធានការរបស់ក្រសួងសុខាភិបាល និងសេចក្ដីណែនាំរបស់ខេត្តឲ្យបានម៉ឺងម៉ាត់ និងត្រូវប្រកាន់ខ្ជាប់នូវ ការរក្សាគម្លាតរក្សាអនាម័យ លាងដៃដោយអាល់កុល ឬជែល ជាប្រចាំ។ អនុវត្ត “៣ការពារ ៣កុំ៕

អត្ថបទ៖ ចាន់ ធី

សូមចុចអាន៖ ស្ដ្រីខ្មែរវ័យ៥៤ឆ្នាំ រស់នៅខេត្តតាកែវម្នាក់ទៀត បានស្លាប់ដោយសារជំងឺកូវីដ១៩

Related Topics:កូវីដ-១៩ ខេត្តឧត្តរមានជ័យ ពលករខ្មែរ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា