ធ្ងន់ធ្ងរមិនធ្លាប់មាន! ២៤ម៉ោងចុងក្រោយ វៀតណាម រកឃើញអ្នកឆ្លងកូវីដខ្ពស់បំផុតបំបែកកំណត់ត្រា

ករណីឆ្លងប្រចាំថ្ងៃនៃជំងឺកូវីដ-១៩ របស់ប្រទេសវៀតណាម បានកើនលើស១០០ករណីជាលើកដំបូងខណៈក្រសួងបានប្រកាសពីការឆ្លងក្នុងសហគមន៍ចំនួន៣១ករណីទៀត នៅរសៀលថ្ងៃចន្ទនេះ។

ជាមួយនឹងការឆ្លងចំនួន៧៨ករណីដែលត្រូវបានកត់ត្រានៅពេលព្រឹក ចំនួនសរុបក្នុងថ្ងៃនេះបានកើនឡើងដល់ ១០៩ករណី ដែលជាកម្រិតខ្ពស់បំផុតចាប់តាំងពីជំងឺរាតត្បាតផ្ទុះឡើងនៅប្រទេសវៀតណាមកាលពីជាងមួយឆ្នាំមុន។

កាលពីថ្ងៃអាទិត្យ ការឆ្លងក្នុងសហគមន៍ចំនួន៩២ករណី ត្រូវបានកត់ត្រា។ កំណត់ត្រាចាស់គឺ ៨៤ករណីដែលត្រូវបានកត់ត្រាកាលពីថ្ងៃទី២៨មករា នៅពេលរលកទី៣បានផ្ទុះឡើងក្នុងខេត្ត Hai Duong ភាគខាងជើង។

ក្នុងចំណោមករណីថ្មីទាំងអស់ មាន២១ករណី ត្រូវបានកត់ត្រានៅក្នុងទីក្រុងហាណូយ, ៧ករណីនៅ Bac Giang និង១ករណីៗនៅ Hoa Binh, Da Nang និង Hai Duong។

គួរបញ្ជាក់ថា នៅទូទាំងប្រទេសវៀតណាម មានករណីឆ្លងសហគមន៍ចំនួន៤៤២ករណី នៅក្នុងទីក្រុងនិងខេត្តចំនួន២៦ ត្រូវបានកត់ត្រាចាប់តាំងពីចុងខែមុនមក៕

ប្រែសម្រួលដោយ៖ Vann Vann

ប្រភព៖ VN Express

ចុចអាន៖ Breaking News! ប្រទេសក្បែរខាងកម្ពុជាមួយទៀត រកឃើញករណីឆ្លងជំងឺកូវីដ ១៩ បំប្លែងខ្លួនឥណ្ឌា