Connect with us

កូវីដ-១៩

អាជ្ញាធរខណ្ឌដង្កោនាំយក​អំណោយ​សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ចែកជូនពលរដ្ឋ៧០​គ្រួសារ

បានផុស

នៅ

លោកស្រី គឹម ញឹ​ប អភិបាល​ខណ្ឌដង្កោ និង​ជា​ប្រធានកិត្តិយស​អនុសាខា​កាកបាទក្រហម​ខណ្ឌ​ដង្កោ កាលពី​ព្រឹក​ថ្ងៃទី​១៧ ខែឧសភា ឆ្នាំ​២០២១ បាន​ដឹកនាំ​មន្ត្រី​សាលាខណ្ឌ និងសង្កាត់ ចុះ​សួរ​សុខទុក្ខ និង​នាំយក​អំណោយ​មនុស្សធម៌របស់សម្ដេចតេជោ ហ៊ុន សែន និងសម្ដេចកិត្តិព្រឹត្តបណ្ឌិត ប៊ុន រ៉ានី ហ៊ុន សែន ទៅ​ចែកជូន​ដល់​ប្រជាពលរដ្ឋ​ដែលមាន​ជីវភាព​ខ្វះខាត ក្នុងអំឡុងពេល​រង​ផល​ប៉ះពាល់​ដោយសារ​ជំងឺកូ​វីដ១៩ ចំនួន៧០​គ្រួសារ រស់នៅក្នុង​សង្កាត់​ដង្កោ ខណ្ឌដង្កោ រាជធានី​ភ្នំពេញ ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាស​នោះ លោកស្រី គឹម ញឹ​ប អភិបាល​ខណ្ឌដង្កោ និង​ជា​ប្រធានកិត្តិយស​អនុសាខា​កាកបាទ​ក្រហម​ខណ្ឌដង្កោ បាន​ពាំ​នាំនូវ​ការ​ផ្តាំផ្ញើ​សាកសួរ​សុខទុក្ខ​ពី​សំណាក់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ជូន​ដល់​គ្រួសារ​ទាំងអស់ ព្រមទាំង​សូមឱ្យ​យកចិត្ត​ទុក​ដាក់​ថែរក្សា​សុខភាព​ឱ្យបាន​ល្អ និង​ជាពិសេស​អនុវត្ត​វិធានការ ៣​ការពារ និង ៣​កុំ ដើម្បី​ចៀស​ឆ្ងាយ​ពី​ការឆ្លង​ជំងឺកូ​វីដ១៩ ។

វិធានការ ៣​ការពារ (​ពាក់​ម៉ាស លាង​សម្អាត​ដៃ​ឱ្យបាន​ញឹកញាប់ គម្លាត​សុវត្ថិភាព​សង្គម និង​គម្លាត​សុវត្ថិភាព​បុគ្គល ចាប់ពី​១​ម៉ែត្រ​កន្លះ​ឡើងទៅ និង​៣​កុំ (​កុំទៅ​កន្លែង​បិទ​ជិត​គ្មាន​ខ្យល់​ចេញចូល ។ កុំ​ប្រើ​ម៉ាស៊ីនត្រជាក់​ច្រើនពេក​, កុំទៅ​កន្លែង​មាន​មនុស្ស​ច្រើន​កុះករ​, កុំ​ប៉ះពាល់​គ្នា កុំ​ចាប់ដៃគ្នា កុំ​កៀក​ស្មា​គ្នា កុំ​ឱប​គ្នា​ជាដើម​) ។ ទន្ទឹម​និង​នោះ ត្រូវ​ចូលរួម ចាក់​វ៉ាក់សាំង​ការពារ​ជំងឺ​កូ​វីដ​_១៩, អោយបាន​គ្រប់ៗ​គ្នា ។​

សូម​ជម្រាបជូន​ថា អំណោយ​សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ចែកជូន​ប្រជាពលរដ្ឋ៧០​គ្រួសារ រស់នៅ​សង្កាត់​ដង្កោ ដោយ​ក្នុង១​គ្រួសារៗ ទទួលបាន អង្ករ ទម្ងន់ ២៥​គីឡូក្រាម មី ១​កេស ឃី​ត ១​ញ្ច​ប់ និង ថវិកា ចំនួន ៣០,០០០​រៀល ៕

​អត្ថបទ ៖ រ៉ា​វុ​ទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម