កូវីដ-១៩

៣ថ្ងៃចុងក្រោយនេះអត្រាឆ្លងកូវីដ១៩ថ្មី នៅភ្នំពេញមានការថយចុះជាបន្តបន្ទាប់

បានផុស

៣ years មុន

នៅ

ថ្ងៃចន្ទ ១៧ ឧសភា ២០២១

ដោយ

ភ្នំពេញ ៖ យោងតាមរបាយការណ៍របស់សាលារាជធានីភ្នំពេញបានឲ្យដឹងថា ចាប់តាំងពីថ្ងៃទី១៥រហូតមកដល់ថ្ងៃទី១៧ឧសភាឆ្នាំ២០២១នេះអត្រាឆ្លងជំងឺកូវីដ ១៩ថ្មីនៅរាជធានីភ្នំពេញហាក់មានការថយចុះជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ដដែលបានបន្តថា នៅថ្ងៃទី១៥ឧសភាមានអ្នកឆ្លងនៅភ្នំពេញចំនួន២០១នាក់ក្នុងចំណោមអ្នកឆ្លងសរុប៣៣៥នាក់មានបន្តធ្លាក់ចុះជាបន្តបន្ទាប់ដោយនៅថ្ងៃទី១៦ឧសភាមានអ្នកឆ្លងចំនួន១៤៤នាក់ក្នុងចំណោមអ្នកឆ្លង៣៥០នាក់និងថ្ងៃទី១៧ឧសភាមានអ្នកឆ្លងចំនួន១៣០នាក់ក្នុងចំណោមអ្នកឆ្លងសរុបចំនួន៣៦០នាក់។

ប៉ុន្តែបើគិតពីថ្ងៃទី១០ឧសភាមកចំនួនអ្នកឆ្លងប្រចាំថ្ងៃមានការប្រែប្រួលឡើងចុះទៅតាមថ្ងៃដូចជានៅថ្ងៃទី១០ឧសភាមានអ្នកឆ្លងនៅរាជធានីភ្នំពេញចំនួន២៣០នាក់ ក្នុងចំណោមអ្នកឆ្លងសរុបចំនួន៥០៦នាក់។ ថ្ងៃទី១១ឧសភាមានអ្នកឆ្លងចំនួន២៥១នាក់ក្នុងចំណោមអ្នកឆ្លងសរុបចំនួន៤៨០នាក់។ ថ្ងៃទី១២ឧសភាមានអ្នកឆ្លងចំនួន២៧៩នាក់ក្នុងចំណោមអ្នកឆ្លងសរុបចំនួន៤៧២នាក់។ ថ្ងៃទី១៣ឧសភាមានអ្នកឆ្លងចំនួន១៥៤នាក់ក្នុងចំណោមអ្នកឆ្លងសរុបចំនួន៤៤៦នាក់។ ថ្ងៃទី១៤ឧសភាមានអ្នកឆ្លងចំនួន១៧៥នាក់ក្នុងចំណោមអ្នកឆ្លងសរុបចំនួន៣៥៨នាក់។

គួរបញ្ជាក់ថាគិតត្រឹមព្រឹក ថ្ងៃទី១៧ ខែឧសភា ឆ្នាំ២០២១ មានអ្នកឆ្លងជំងឺកូវីដ ១៩សរុបចំនួន២២៥៤៤នាក់អ្នកជាសះស្បើយចំនួន១៣០០៦នាក់និងអ្នកស្លាប់ចំនួន១៥៤នាក់៕

ដោយ ៖ សំអឿន