កូវីដ-១៩
កូវីដពិតជាសាហាវ! ទារកអាយុត្រឹម២ខែ គឺជាអ្នកស្លាប់ក្មេងបំផុតនៅប្រទេស ថៃ
កាលពីថ្ងៃអង្គារទី១៨ខែឧសភា ប្រទេសថៃបានរាយការណ៍ថា មានអ្នកស្លាប់ថ្មីចំនួន៣៥នាក់ដោយសារជំងឺកូវីដ-១៩ ដែលនោះជាចំនួនកំណត់ត្រាប្រចាំថ្ងៃ រាប់បញ្ចូលទាំងជនរងគ្រោះក្មេងជាងគេបំផុត គឺទារកអាយុ២ខែម្នាក់ផងដែរ។
ការរាតត្បាតចុងក្រោយបំផុតក្នុងប្រទេសអាយស៊ីអាគ្នេយ៍មួយនេះ ត្រូវបានគេមើលឃើញថា ការឆ្លងបានកើនឡើងខ្ពស់ជាងមុនដល់ទៅបីដង ចំណែកការស្លាប់កើនឡើងដល់ទៅ៦ដង ចាប់តាំងពីវាបានចាប់ផ្តើមនៅក្នុងខែមេសា បន្ទាប់ពីមួយឆ្នាំនៃភាពជោគជ័យក្នុងការទប់ស្កាត់។
ការស្លាប់ថ្មីនេះ រួមមានទាំងទារកអាយុ២ខែម្នាក់ ដែលមានជំងឺបេះដូងផងដែរ។
ទីក្រុងបាងកក ដែលជាចំណុចកណ្តាលនៃការផ្ទុះឡើងនាពេលបច្ចុប្បន្ននេះ បានកត់ត្រាអ្នកឆ្លងថ្មីចំនួន៨៧៦នាក់កាលពីថ្ងៃចន្ទ ដែលនេះនៅតែជាអត្រាខ្ពស់បំផុតក្នុងចំណោមតំបន់នានារបស់ប្រទេសថៃ។
ឥឡូវនេះ ទីក្រុងបាងកក បានកត់ត្រាការឆ្លងថ្មីសរុប២៨,៦៥៨ករណី ចាប់តាំងពីការផ្ទុះឡើងនៅក្នុងខែមេសា។
លោកនាយករដ្ឋមន្រ្តី ប្រាយុទ្ធ ចាន់អូចា បាននិយាយថា រដ្ឋាភិបាលគ្រោងនឹងចាក់វ៉ាក់សាំងដល់ប្រជាជនយ៉ាងតិច៥លាននាក់នៅទីក្រុងបាងកក ឬ៧០ភាគរយនៃចំនួនប្រជាជនរបស់ខ្លួននៅក្នុងរយៈពេលចាប់ពីខែមិថុនា ដល់ខែកក្កដា។
គួរបញ្ជាក់ថា កាលពីថ្ងៃអង្គារ ប្រទេសថៃបានប្រកាសមានអ្នកឆ្លងថ្មីចំនួន២,៤៧៣ករណី ដោយនាំឲ្យចំនួនករណីសរុបកើនដល់១១៣,៥៥៥ករណី ចាប់តាំងពីរោគរាតត្បាតផ្ទុះឡើងកាលពីឆ្នាំមុន៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ កូវីដ១៩៖ ថៃ ប្រកាសមានអ្នកស្លាប់ខ្ពស់បំផុតបំបែកកំណត់ត្រាថ្មី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល