កូវីដ-១៩
រដ្ឋបាលខេត្ត បិទខ្ទប់ផ្សារចំនួន២ភូមិ ក្រោយរកឃើញអ្នកវិជ្ជមានកូវីដ១៩ ជាច្រើននាក់
ស្ទឹងត្រែង ៖ រដ្ឋបាលខេត្តស្ទឹងត្រែងបានសម្រេចបិទខ្ទប់ផ្អាកការលក់ដូរផ្សារចំនួន ២ និងភូមិចំនួនមួយជាបណ្ដោះអាសន្ន ចាប់ពីម៉ោង ២៣និង៥៩នាទីយប់ថ្ងៃទី១៣ ខែសីហាឆ្នាំ ២០២១នេះតទៅ ខណៈរកឃើញអាជីវករលក់ដូរក្នុងផ្សារសាមគ្គី និងភូមិមួយនៃស្រុកថាឡាបរិវ៉ាត់ រកឃើញអ្នកវិជ្ជមានកូវីដ១៩ជាច្រើននាក់។
ក្នុងសេចក្តីសម្រេចរបស់រដ្ឋបាលខេត្តបានបញ្ជាក់ថា ផ្សារដែលត្រូវបានបិទជាបណ្ដោះអាសន្ននោះ ទី១-ផ្សារសាមគ្គីស្ទឹងត្រែងស្ថិតនៅក្នុងភូមិត្រពាំងព្រីង សង្កាត់ ក្រុងស្ទឹងត្រែង ទី២-ផ្សារគីឡូ ២ ស្ថិតក្នុងភូមិរាជានុកូល សង្កាត់ ក្រុង ស្ទឹងត្រែង និងទី ៣ ភូមិអូរត្រែល ឃុំថាឡា ស្រុកថាឡាបរិវ៉ាត់ ខេត្តស្ទឹងត្រែង។
ជាមួយការបិទខ្ទប់ទីតាំងទាំង៣ខាងលើ រដ្ឋបាលខេត្តស្ទឹងត្រែងក៏បានប្រកាសនៅថ្ងៃទី ១៣ ខែសីហាឆ្នាំ ២០២១នេះថា បានរកឃើញអ្នកឆ្លងកូវីត១៩ចំនួន៥៧នាក់ថ្មីបន្ថែមទៀត នឹងមានអ្នកជាសះស្បើយចំនួន ០៦ នាក់ផងដែរ។
រដ្ឋបាលខេត្តបានបញ្ជាក់បន្ថែមថា ការបិទខ្ទប់មូលដ្ឋានភូមិសាស្ត្រទាំងបីកន្លែងខាងលើ ជាបណ្ដោះអាសន្ននោះ បន្ទាប់ពីរកឃើញអាជីវករលក់ដូរនិងប្រជាពលរដ្ឋជាច្រើននាក់បានឆ្លងជំងឺកូវីដ១៩ ហើយការបិទនេះក្នុងគោលបំណងដើម្បីប្រយុទ្ធនិងទប់ស្កាត់នូវការឆ្លងរីករាលដាលនៃជំងឺកូវីដ១៩ ធានាការការពារ បាននូវអាយុជីវិតប្រជាជន ឲ្យបានគង់វង្ស សុខភាពសាធារណៈ និងសន្តិសុខសុវត្ថិភាពសង្គម។
រដ្ឋបាលខេត្តស្ទឹងត្រែងសូមអំពាវនាវដល់បងប្អូនប្រជាពលរដ្ឋ អាជីវករលក់ដូរក្នុងផ្សារ និងអ្នកភូមិ ដែលពាក់ព័ន្ធនិងបុគ្គលវិជ្ជមានកូវីដ១៩ ផ្ទាល់ ឬប្រយោល និងធ្លាប់ចេញចូលផ្ទះនិងទីតាំងដែលមានវិជ្ជមានកូវីត១៩ ត្រូវនាំគ្នាធ្វើចត្តាឡីស័កតាមផ្ទះក្នុងគ្រួសាររៀងៗខ្លួន ដោយមិនមានការពាក់ព័ន្ធជាមួយអ្នកដទៃដាច់ខាត។
ខេត្តស្ទឹងត្រែងគិតត្រឹមថ្ងៃទី១៣ខែសីហាឆ្នាំ២០២១នេះ មានអ្នកឆ្លងកូវីត១៩សរុបចំនួន៦១៨នាក់ ស្រី ២៩០នាក់ ប្រភេទ(Drlta)២នាក់ ជាសះស្បើយ ៤៧៥នាក់ ស្រី ២១៣នាក់កំពុងសម្រាកព្យាបាល ១៣៥ នាក់ស្រី ៧៥ នាក់ ស្លាប់៥នាក់៕
ដោយ ៖ ងិនលីម
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ