កូវីដ-១៩
ក្រុមមនុស្ស និងមូលហេតុឆ្លងខ្លាំង នៃវីរុស អូមីក្រុង ក្នុងសហគមន៍កម្ពុជាបច្ចុប្បន្ន
ប៉ុន្មានថ្ងៃចុងក្រោយនេះ អត្រាឆ្លងជំងឺកូវីដ-១៩ ប្រភេទអូមីក្រុង ក្នុងសហគមន៍ប្រទេសកម្ពុជា បានឈានឡើងពីខ្ទង់ដល់ ដល់ខ្ទង់រយក្នុងមួយថ្ងៃ។ ជាក់ស្ដែងម្សិលមិញ ក្រសួងសុខាភិបាលបានប្រកាសរកឃើញ អ្នកជំងឺឆ្លងក្នុងសហគមន៍ចំនួន ២១៨ ករណី ចំណែកថ្ងៃនេះមានចំនួន ១២៦ ករណី ដែលអ្នកជំងឺភាគច្រើន គឺស្ថិតនៅក្រុមយវ័យ ឬក្រុមវ័យកណ្ដាល។
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានឱ្យដឹងថា ក្រសួងសុខាភិបាលសង្កេតឃើញថា ការចម្លងនាបច្ចុប្បន្ននេះ មានសន្ទុះកើនឡើងលើក្រុមយុវវ័យ ឬវ័យកណ្តាល ដែលក្រុមនេះបានដើរចេញក្រៅផ្ទះច្រើន ឬមានការជួបជុំមិត្តភក្តិ ឬការជួបជុំណាមួយច្រើន។
លោក ម៉ម ប៊ុនហេង បញ្ជាក់ថា អូមីក្រុង មានសមត្ថភាពខ្ពស់ក្នុងការចម្លងបន្តគ្នាលឿនជាងប្រភេទអាល់ហ្វា ឬ ដែលតា ហើយយើងក៏ដឹងដែរថា វិធានការសុខភាពសាធារណៈ និងការការពាររបស់បុគ្គល ការអនុវត្តន៍វិធានការ ៣ ការពារ និង ៣កុំ បូកនឹងការចាក់វ៉ាក់សាំងកូវីដ-១៩ គឺជា ចំណុចគន្លឹះដែលមានប្រសិទ្ធភាពខ្ពស់ ប្រឆាំង នឹងជំងឺកូវីដ-១៩ រួមទាំងអូមីក្រុង (Omicron) និងការពារជនដែលងាយរងគ្រោះ។ យើងត្រូវតែធ្វើសកម្មភាពឥឡូវនេះដោយ រួមគ្នាទទួលខុសត្រូវ ដើម្បីបញ្ឈប់ការឆ្លងជំងឺកូវីដ-១៩ ចូលទៅក្នុងសហគមន៍យើង។
លោក ម៉ម ប៊ុនហេង អំពាវនាវដល់យុវជន និងមនុស្សគ្រប់រូប សូមចូលរួមអនុវត្តនូវគោលការណ៍ណែនាំរបស់ក្រសួងសុខាភិបាលឱ្យបានម៉ត់ចត់ និងត្រឹមត្រូវ ដើម្បីការពារបុគ្គលខ្លួនឯង ដោយមិនត្រូវនាំវីរុសកូវីដ-១៩ អូមីក្រុង មកចូលផ្ទះ និងដើម្បីការពារសមាជិកគ្រួសាររបស់ខ្លួន ជាពិសេស ឪពុកម្តាយ ជីដូន ជីតា ឬអ្នកមានជំងឺប្រចាំកាយនៅក្នុងគ្រួសារ ដែលជាបុគ្គលងាយរងគ្រោះ និងប្រឈមខ្ពស់ចំពោះ ភាពធ្ងន់ធ្ងរនៃជំងឺ ឬឈានទៅដល់ការស្លាប់បើមានការឆ្លងនូវវីរុសកូវីដ-១៩។
គួរបញ្ជាក់ថា គិតមកដល់ថ្ងៃទី១០ ខែកុម្ភៈ ឆ្នាំ២០២២នេះ កម្ពុជា បានរកឃើញអ្នកជំងឺកូវីដ-១៩ ចំនួន ១២២ ៤៦៨ ករណី ក្នុងនោះ ប្រភេទអូមីក្រុង ក្នុងសហគមន៍មានចំនួនសរុប ១ ៤២២ ករណី។
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ