ជីវិតកម្សាន្ដ

នាយគ្រឿនបើកកកាយថ្ងៃឡើងឆាកដំបូង ភ័យឡើងលេចនោម

បានផុស

៥ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

មហាជនគ្រប់គ្នាបានដឹងហើយថាតារាកំប្លែងដែលមានដើមកំណើតពីខេត្តស្វាយរៀង និងត្រូវជាប្អូនប្រុសបង្កើយនាយ ពែកមី គឺនាយ គ្រឿន មុនពេលក្លាយជាតារាកំប្លែង លោកជាកម្មករសំណង់។

ប៉ុន្តែយ៉ាងណាមិញនាយ គ្រឿន បច្ចុប្បន្នត្រូវបានគេស្គាល់ និងគាំទ្រយ៉ាងច្រើនតាមរយៈសមត្ថភាព កំប្លុកកំប្លែងស្ងួត។ ខណៈដែលការចូលកំប្លែងដំបូងមិនត្រូវបាននណាម្នាក់ដឹងទេថា នាយ គ្រឿង បានជួបនូវរឿងរ៉ាវលំបាកអ្វីខ្លះឡើយទើបតែពេលនេះនាយ គ្រឿន បានទម្លាយប្រាប់ការពិតតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយ គ្រឿន បានបើកកកាយជីវិតរបស់ខ្លួនតាមរ យ:កម្មវិធីមួយថា ខ្លួនមានថ្ងៃនេះដោយសារតែមានការជួយជ្រោមជ្រែងពីសំណាក់បងប្រុសនាយ ពែកមី ដែលបានផ្តល់ឱកាសឲ្យចូលកំប្លែង។ ប៉ុន្តែដំបូងឡើយត្រូវបាននាយបដិសេធន៍ព្រោះមិនហ៊ានឡើងឆាក។

តារាកំប្លែងនាយ គ្រឿន បន្តទៀតថា ក្រោយមកទៀតនាយ ពែកមី ក៏បានហៅម្តងទៀត គឺប្រាប់ថាគ្រាន់តែឈរឲ្យស្គាល់ឆាកសិនទៅ មិនបាច់និយាយអ្វីទាំងអស់ ពេលនោះខ្លួនក៏សម្រេចចិត្តថា ទៅដើម្បីគ្រាន់តែឲ្យអស់ចិត្តបងរបស់ខ្លួននោះទេ។

នាយថា ពេលខ្លួនបានទៅចូលរួមសម្ដែងនោះ សូម្បីតែឈរនោះ ក៏អារម្មណ៍មិនដឹងហោះទៅដល់ណាបាត់ដែរ ព្រោះភ័យពេកឲ្យតែគេសួរបន្តិចដឹងតែលេចនោមដាក់ខោមិនខាន ។

នាយ គ្រឿន និយាយថាបន្ទាប់ពីកំប្លែងលើកទីមួយហើយនោះ ខ្លួនក៏មានឱកាសម្ដងទៀតកំប្លែងក្នុងកម្មវិធីសំណើចតាមភូមិ ពោលគឺគ្រាន់តែជាតួកាន់កាបបបូបឲ្យគេប៉ុណ្ណោះដែលពេលនោះនាយបានត្រៀមប៉ារ៉ូលមួយចំនួនរួចហើយដើម្បីមានឱកាសល្អ នឹងបង្ហាញពីសមត្ថភាពរបស់ខ្លួនឲ្យគេឃើញ តែចៃដន្យពេលឡើងឆាកនោះក៏ភ្លេចអស់រលីងតែម្ដង។

ដោយសារតែហេតុនេះហើយទើបនាយបានសម្រេចទៅធ្វើសំណង់វិញរហូតបានរយ:ពេលប្រហែល ៣ខែក៏មានការសម្ដែងមួយតម្រូវឲ្យមានតួមកឈរទៀត។ ពេលនោះហើយនាយ ពែកមី ក៏សម្រេច ឲ្យមកសម្ដែងម្តងទៀត និងនិយាយឆ្លើយឆ្លងជាមួយអំឡុងពេលនោះ ខ្លួនក៏អាចនិយាយបានមួយ ម៉ាត់ ពីរម៉ាត់ ជាមួយនាយពែកមី ទើបមានថ្ងៃមួយបានភ្លាត់មាត់និយាយទៅក៏មានការផ្ទុះសំណើចពីមហាជនជាច្រើនតែម្តង។

នាយ គ្រឿន បន្ថែមដែរថា អំឡុងពេលនោះបានជំរុញទឹកចិត្តរបស់លោកឲ្យកាន់តែមានភាពក្លាហាននិងព្យាយាមបន្ថែមរហូតមានឱកាសក្លាយជាតារាកំប្លែងដែលទទួលបានការគាំទ្រនិងត្រូវមហាជនដាក់ងារជាតារាកំប្លែងស្ងួតបែបនេះ៕

អត្ថបទ ៖ ចាន់រ៉ា