ជីវិតកម្សាន្ដ

បញ្ញា សិទ្ធ ស្នើឲ្យបញ្ឈប់ការផ្សព្វផ្សាយរឿងដែលមិនផ្តល់ប្រយោជន៍ដល់សង្គម

បានផុស

៥ years មុន

នៅ

ថ្ងៃអង្គារ ៤ ឧសភា ២០២១

ដោយ

តារាសម្តែងប្រុសលោក បញ្ញា សិទ្ធ បានធ្វើការអំពាវនាវដល់មហាជននិងបណ្តាញផ្សព្វផ្សាយសង្គមមួយចំនួនមេត្តាបញ្ឈប់ការចែករំលែក ឬផ្សព្វផ្សាយព័ត៌មានដែលមិនផ្ដល់ប្រយោជន៍ដល់សង្គមជាតិ។

លោក បញ្ញា សិទ្ធ បានលើកឡើងថា ដោយមួយរយ:ចុងក្រោយនេះ ឃើញមានបណ្តាញផ្សព្វផ្សាយអនឡាញមួយចំនួនតែងតែធ្វើការផ្សព្វផ្សាយព័ត៌មានដែលមិនផ្តល់ប្រយោជន៍ដល់សង្គមដូចជារឿងបុគ្គលដែលឈ្លោះហែកហួរ ឬជេរបញ្ចោរគ្នានោះលោកសូមស្នើរសុំមេត្តាឈប់ផ្សព្វផ្សាយចែករំលែករឿងបែបនេះទៀតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងលោក បញ្ញា សិទ្ធ បានរៀបរាប់ថា ”សូមអង្វរបងៗសារព័ត៌មានស្រុកខ្មែរទាំងអស់មេត្តាកុំយករឿងរបស់បុគ្គលដែលជេរហែកហួរគ្នាមកផ្សព្វផ្សាយឲ្យបងប្អូនប្រជាជនខ្មែរបានដឹង ព្រោះអ្នកទាំងនោះមិនមែនជាបុគ្គលដែលមានប្រយោជន៍ដល់សង្គមជាតិទេ”។

លោកបន្តថា ខ្លះបានជេរគ្នា ហែកហួរគ្នា បង្កើតរឿង ឃ្លោះគ្នា ធ្វើឲ្យផេកមានគេឡាយច្រើនមានកម្មវិធីទូរទស្សន៍ខ្លះ ហៅឡើងផ្តល់បទសម្ភាសន៍ ហៅស្ទើរគ្រប់កម្មវិធី រីឯតារាអាជីពទម្រាំតែម្នាក់ៗល្បីមិនប្រើពេលតិចឆ្នាំទេ មិនមែនដូចសម័យនេះមនុស្សឆ្កួតក៏តារាដែរ។ ឥឡូវពួកគាត់សឹងតែដេកផ្ទះគ្រប់គ្នា មួយទៀតបើម្ចាស់ប្រេនមួយចំនួនវិញយកបុគ្គលនោះធ្វើតំណាងផលិតផលខ្លួនថែមទៀតឲ្យតែពូកែជេរ ពូកែធ្វើឡប់គឺថាល្បីតែម្តង៕

អត្ថបទ ៖ ចាន់រ៉ា