ឈុតតំណាងជាតិ ​បវរកញ្ញាចក្រវាល​កម្ពុជា ទាំង ១៩រូប បង្កប់អត្ថន័យមុតជ្រៅនៃវប្បធម៌ខ្មែរ

កម្មវិធីប្រកួតជ្រើសរើសរាជនីកំពូលសម្រស់ សមត្ថភាព និងចំណេះដឹង ដែលល្បីបំផុតលើពិភពលោក បវរកញ្ញាចក្រវាល​កម្ពុជា ​២០២១ ឬ Miss Universe Cambodia 2021 បានចាប់ផ្ដើមឡើងបណ្ដើរៗហើយ ដោយមានការផ្សាយផ្ទាល់តាមរយៈស្ថាននីយទូរទស្សន៍ ​បាយ័ន។

កាលពីយប់ថ្ងៃទី ២១ ខែតុលា កម្មវិធី បវរកញ្ញាចក្រវាល​កម្ពុជា ​២០២១ បានឈានដល់វគ្គបង្ហាញឈុតតំណាងជាតិ ឬ National Costume ពីបេក្ខនារីចំនួន ១៩រូប សុទ្ធសឹងមានសម្រស់ស្រស់ស្អាត ភាពជឿជាក់ ពោរពេញដោយចំណេះដឹង និងសមត្ថភាពពូកែៗ។

អ្វីដែលធ្វើឱ្យទស្សនិកជនកាន់តែចាប់អារម្មណ៍គឺ​ ឈុតតំណាងជាតិរបស់បេក្ខនារីម្នាក់ៗ កាលពីយប់មិញនេះ សុទ្ធតែលេចធ្លោ មានច្នៃប្រឌិតខ្ពស់ ព្រមទាំងបង្កប់អត្ថន័យមុតជ្រៅចូលនៅក្នុងវប្បធម៌ខ្មែរ។ ជាពិសេស ឈុតសម្លៀកបំពាក់ទាំងនោះ គឺជាការរចនាដោយដៃរបស់អ្នករចនាម៉ូតវ័យក្មេងនៅកម្ពុជា​។

តាមរយៈ ការច្នៃប្រឌិតដ៏ប៉ិនប្រសប់ដោយរួមបញ្ជូលគ្នារវាងបុរាណ និងសម័យទំនើប កាន់តែធ្វើឱ្យសម្លៀកបំពាក់ខ្មែរ និងវប្បធម៌ខ្មែរ ក្លាយជាបេតិកភណ្ឌដ៏មានតម្លៃ និងល្បីល្បាញទៅកាន់សកលលោក។

ចង់ដឹងថា ឈុតទាំងនោះស្រស់ស្អាតយ៉ាងណា សូមទស្សនារូបភាពខាងក្រោម!

អត្ថបទ៖ សន្យា

ចុចអាន៖ ឈុតតំណាងជាតិ​បវរកញ្ញាចក្រវាល និមិត្តរូបវប្បធម៌ដ៏សំបូរបែបនៃព្រះរាជាណាចក្រកម្ពុជា

ចុចអាន៖ ចាំអត់! រាជនីកំពូលសម្រស់ណាខ្លះ ជាម្ចាស់មកុដបវរកញ្ញាចក្រវាឡក្នុងមួយទសវត្សរ៍ចុងក្រោយនេះ