បា្រសាទ ដាវីន បង្ហាញឈុតតំណាងជាតិ “អាទិទេពនៃសម័យកណ្តាល” ត្រៀមប្រកួតលើឆាកអន្តរជាតិ

ក្រោយគ្រងមកុដ Miss Universe Cambodia 2024 អ្នកនាង ប្រាសាទ ដាវីន កំពុងដុះខាត់សមត្ថភាពបន្ថែម ដើម្បីតំណាងឱ្យកម្ពុជា ក្នុងការប្រកួតសម្រស់នៅលើឆាកអន្តរជាតិឆាប់ៗខាងមុខនេះ ដែលរៀបចំធ្វើឡើងនៅលើទឹកដីនៃ Mexico ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមការប្រឹងប្រែងពង្រឹងសមត្ថភាព បវរកញ្ញាតំណាងកម្ពុជា ប្រាសាទ ដាវីន ធ្លាប់បានបញ្ជាក់ថា អ្នកនាងបានត្រៀមខ្លួនរួចរាល់ហើយ ក្នុងការចេញទៅដណ្តើមយកមកុដពីការប្រកួតនៅលើឆាកអន្តរជាតិមួយនេះ ជាមួយនឹងសារដោយរៀបរាប់ថា “ជម្រាបសួរប្រជាជនកម្ពុជា នាងខ្ញុំបានត្រៀមខ្លួនរួចរាល់ហើយ ចុះអ្នកទាំងអស់គ្នា? ជួបគ្នាថ្ងៃទី ២៧ ខែតុលា ឆ្នាំ២០២៤ វេលាម៉ោង ៤រសៀល នៅព្រលានយន្តហោះអន្តរជាតិភ្នំពេញ”។

ជាមួយនឹងការតាំងចិត្តចូលរួមប្រកួតនេះដែរ ប្រាសាទ ដាវីន ធ្លាប់អះអាងថា ខ្លួននឹងប្រើឱកាសមួយនេះឲ្យអស់ពីកម្លាំងកាយចិត្ត និងបេះដូង ដើម្បីនាំយកកម្ពុជាចូលទៅក្នុងចក្រវាឡ ឱ្យពិភពលោកកាន់តែស្គាល់បន្ថែមទៀត ជាមួយនឹងឈុតតំណាងជាតិ ដែលស្អាតប្រណិត និងពោរពេញដោយអត្ថន័យ ឈ្មោះថា “អាទិទេពនៃសម័យកណ្តាល” God of the Middle Period ។

គួររម្លឹកដែរថា កន្លងមកបវរកញ្ញារូបនេះ ក៏ធ្លាប់ទទួលបានតំណែងជាស្ត្រីឯកចក្រវាលកម្ពុជា Universal Woman Cambodia 2023 ផ្តល់ឱកាសសម្រាប់ស្ត្រីកម្ពុជាដែលរៀបការរួច ដើម្បីចូលរួមប្រកួតនៅទីក្រុងឌូបៃប្រទេសអារ៉ាប់រួម ដែលកាលណោះ អ្នកនាងទទួលបានជ័យលាភីលំដាប់រងទី៤ ៕