ជីវិតកម្សាន្ដ

តារាស្រី អឿន ម៉ូលីកា បង្ហើបគន្លះជោគជ័យប្រើពេលត្រឹម២ឆ្នាំសម្រេចក្តីស្រម៉ៃត្រឹមដើមទុន៣០០ដុល្លារ

បានផុស

៦ years មុន

នៅ

ថ្ងៃពុធ ២ ធ្នូ ២០២០

ដោយ

ភ្នំពេញ ៖ ពិតជារឿងដ៏គួរឲ្យស្ងើចសរសើរនិងធ្វើឲ្យកក្រើកយ៉ាងខ្លាំងសម្រាប់ទីផ្សារOnlineដែលអតីតតារាចម្រៀងផលិតកម្មRock អឿន ម៉ូលីកា បានបង្ហាញនូវសមិទ្ធផលដែលនាងទទួលបានជាការសម្រេចក្ដីស្រម៉ៃក្នុងជីវិតក្នុងនោះមានផ្ទះវីឡាតម្លៃជាង៣០ម៉ឺនដុល្លានិងរថយន្ដទំនើបៗដល់ទៅ៤គ្រឿងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការសល់ទ្រព្យទាំងនេះក្នុងដៃបញ្ជាក់កាន់តែច្បាស់ថា អឿន ម៉ូលីកា ជោគជ័យក្នុងអាជីពOnlineកាន់តែខ្លាំងហើយទ្រព្យទាំងនេះផ្ដើមចេញពីទុនត្រឹមតែ៣០០ដុល្លាប៉ុណ្ណោះពីការចាប់ផ្ដើមរកស៊ីលក់ជ្រក់ជើងមាន់ និងឈានមកបើកហាងNk Molika Trending Co.Ltd កាលពីថ្ងៃទី២៧ ខែធ្នូឆ្នាំ២០១៨ ពោលគឺរយៈពេលដែលវាយលុយទីផ្សារOnline ត្រឹមជិត២ឆ្នាំនេះ ម៉ូលីកា មានទ្រព្យរាប់សែនដុល្លាក្នុងដៃ។

អ្នកនាង ម៉ូលីកា បានបញ្ចេញសារថា”លើលោកនេះក្រៅពីភ្លៀង គ្មានអីធ្លាក់ពីលើមេឃទេ អ្នកណាប្រឹងអ្នកនឹងបាន”។ ក្រៅពីដាក់គោលដៅធំក្នុងវិស័យOnline នោះម៉ូលីកា ក៏មិនភ្លេចការធ្វើទានដែរដោយថ្មីៗនេះនាងបានទៅចែកអំណោយដល់ពេលរដ្ឋនៅខេត្តកំពង់ចាម និងផ្ដល់សម្ភារៈនិងថវិកាមួយចំនួនដល់បុរសម្នាក់ឈឺស្លាប់មួយចំហៀងខ្លួនផងដែរ។

បន្ទាប់ពីនាងបានបរិច្ចាគថវិកាស្ទួនៗដល់កុមារកំព្រានៅអង្គការសប្បុរសធម៌កម្ពុជបុត្រ ខេត្តសៀមរាប។ដោយឡែកក្រៅពីជោគជ័យក្នុងមុខជំនួញនោះម៉ូលីកា ដែលដឹកដៃលោកឆានុន រៀបការកាលពីថ្ងៃទី១៨ខែមករាឆ្នាំ២០២០ នោះពេលនេះកំពុងរស់នៅយ៉ាងមានសុភមង្គលក្រោយទទួលបានចំណងដៃកូនស្រីម្នាក់ឈ្មោះនុន ច័ន្ទម៉ូនីតា អាយុជាង៤ខែ៕
ដោយ ៖ ចាន់រ៉ា