ជីវិតកម្សាន្ដ

ត្បិតវ័យជ្រេបន្តិចតែ សុខ ស្រីម៉ុច នៅរក្សាសម្រស់ស្អាតដូចដើម

បានផុស

៤ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

ស្របពេលអាជីពសិល្ប:ហាក់មានសង្ឃឹមឡើងវិញបន្ទាប់ពីស្ងប់ស្ងាត់មួយរយ:ដោយសារបញ្ហាជំងឺកូវីដ-១៩នោះ តារាសម្តែងស្រីកញ្ញា សុខ ស្រីម៉ុច ពេលនេះឃើញថា នាងក៏កាន់តែប្រែរួបសម្ផស្សខ្លាំងស្ទើរមិនគួរឲ្យជឿផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រកត់សម្គាល់ឃើញដែរថា តារាស្រីកញ្ញា សុខ ស្រីម៉ុច បច្ចុប្បន្នគឺមានការប្រែប្រួលខ្លាំងទាំងជីវភាពរស់នៅប្រចាំថ្ងៃនិងភាពហ៊ឺហាប្រើប្រាស់របស់មានតម្លៃថ្លៃៗ មិនចាញ់តារាស្រីឯទៀតនោះ ទេ។ មិនតែប៉ុណ្ណោះ ស្រីម៉ុច ក៏កាន់តែមានភាពសិចស៊ីស្រស់ស្អាតខ្លាំងជាងមុនទៀតផង។ការរក្សាបានទីផ្សារសិល្បៈនាពេលនេះ ក៏ត្រូវទស្សនិកជនមួយចំនួនយល់ថា នាងនូវតែអាចក្តាប់បានឱកាសចេញកើបលុយដើម្បីតម្រូវជីវភាពនិងភាពហ៊ឺហាប្រចាំថ្ងៃ។

តារាសម្តែងកញ្ញា សុខ ស្រីម៉ុច ថ្លែងបញ្ជាក់ឲ្យដឹងថា ចំពោះអាជីពសិល្បៈបច្ចុប្បន្នបានចាប់ផ្តើមដំ ណើរការល្អឡើងវិញហើយ គ្រាន់តែពេលខ្លះនាងហាក់រៀងរយាលបន្តិច ដោយសារជាប់រវល់ការងារផ្ទាល់ខ្លួនខាងក្រៅដូចជា,ការរក់ស៊ីរបរផ្សេងៗ ពិសេសគឺការលក់ផលិតផលថែរក្សាសម្រស់ដែលនាំចូលមកពីប្រទេសថៃជាដើម។

នៅពេលដែលសួរថា តើរាល់ថ្ងៃ ស្រីម៉ុច មានវិធីសាស្ត្របែបអាចថែរក្សាសម្ផស្សនៅស្រស់ស្អាតដូចដើមបែបនេះ?។ ចម្លើយត្រូវបាន សុខ ស្រីម៉ុច និយាយថា នាងមិនចង់និយាយអ្វីច្រើនទេគ្រាន់តែចង់ប្រាប់អ្នកគាំទ្រថា ដោយសារខ្លួនប្រើផលិតផលត្រូវ គឺផលិតផលដែលខ្លួននាំយកពីថៃមកលក់សព្វថ្ងៃដោយខ្លួនឯង។

ដោយឡែកងាកមករឿងសិស្ប:ត្រូវបាន សុខ ស្រីម៉ុច និយាយដែរថា ទោះបីជាពេលខ្លះនាងរវល់ការងារខាងក្រៅក៏នៅតែមិនបោះបង់អាជីពដែលនាងបានខិតខំពង្រឹងសមត្ថភាពនិងទេពកោសល្យដើម្បីសាងកេរ្តិ៍ជាច្រើនឆ្នាំរហូតមកទល់ពេលបច្ចុប្បន្ននោះដែរ ពិសេសជាងនេះនាងក៏អរគុណដល់ទស្សនិកជនដែលតែងតែគាំទ្រ និងឲ្យតម្លៃលើការសម្តែងរបស់នាងរហូតមក៕

អត្ថបទ៖ ចាន់រ៉ា