ជីវិតកម្សាន្ដ

តារាចម្រៀងម្នាក់ទៀត ប្រកាសឆ្លងកូវីដ-១៩បំផ្លែងប្រភេទOmicron

បានផុស

២ years មុន

នៅ

ថ្ងៃចន្ទ ២៨ កុម្ភៈ ២០២២

ដោយ

ភ្នំពេញ ៖ ពិតជារឿងដែលស្ទើរមិននឹកស្មានដល់ឡើយ សម្រាប់តារាចម្រៀងលោក សាន រ័ត្នបញ្ញាស័ក ដែលថ្មីៗកន្លងទៅនេះ ទើបតែជាសះស្បើយពីជំងឺកូវីដ-១៩សោះ ប៉ុន្តែឥឡូវបែរមកជួបរឿងថ្មីទៀតគឺឆ្លងជំងឺបំប្លែងប្រភេទ អូមីក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនេះបានធ្វើឲ្យមហាជននិងអ្នកគាំទ្រព្រមទាំងមិត្តភក្តិរួមការងារសិល្បៈជាច្រើនបង្ហាញការភ្ញាក់ ផ្អើលគ្រប់គ្នា។ ខណៈក្នុងនោះក៏មានការជូនពរឲ្យតារាចម្រៀងប្រុសលោក សាន រ័ត្នបញ្ញាស័ក ឆាប់ជាសះស្បើយពីជំងឺនេះផងដែរ។

លោក សាន រ័ត្នបញ្ញាស័ក បានប្រកាសដោយបើកចំហនៅលើគណនីហ្វេសប៊ុកផ្ទាល់ខ្លួនថា Post ទុកជាឯកសារ!រសជាតិជីវិត គេឲ្យស្គាល់ពីរសជាតិគ្រប់បែបយ៉ាង។ ទើបតែជាពី(Covid Delta ២ ៥/១១/២០២១ )បានបីខែឥឡូវ Omicron មកលេងឆ្លងទៀត។ រូបគេរូបយើងមានរូបមានទុក្ខកើតចាស់ឈឺស្លាប់ជាច្បាប់ធម្មជាតិគេចមិនផុតឡើយ ខុសតែពេលវេលាទទួលតែប៉ុណ្ណោះហើយក៏ខ្ញុំរីករាយទទួលជានិច្ច។

លោកបន្តថា អាណិតប្រពន្ធណាស់ត្រូវរ៉ាប់រងគ្រប់បែបយ៉ាង គ្រប់រឿងរ៉ាវទាំងអស់ក្នុងគ្រួសារតែម្នាក់ឯង ពេលប្តីឈឺអូនជានារីម្នាក់ដ៏រឹងមាំមានស្មារតីទទួលខុសត្រូវខ្ពស់លះបង់គ្រប់បែបយ៉ាងដើម្បីគ្រួសារមួយនេះ ទាំងខ្លួនឯងកំពុងមានទុក្ខលំបាកផ្ទាល់ខ្លួន។ អរគុណច្រើនប្រពន្ធសម្លាញ់យើងនឹងហែលឆ្លងឧបសគ្គជីវិតនានាជាមួយគ្នារហូត លុះមរណា។ បងស្រលាញ់អូននិងកូនៗខ្លាំងបំផុតប្រពន្ធសម្លាញ់។

បន្ថែមជាមួយគ្នានេះ លោក សាន រ័ត្នបញ្ញាស័ក ក៏បានអំពាវនាវឲ្យមហាជនត្រូវបង្កើនការប្រុងប្រយ័ត្ននិងការពារឲ្យបានខ្ពស់ពីការឆ្លងជំងឺកូវីដ-១៩ ពិសេសត្រូវចូលរួមអនុវត្តឲ្យបានគ្រប់គ្នាតាមការណែនាំរបស់ក្រសួងសុខាភិបាលគឺ៣កុំ ៣ការពារ៕

ដោយ ៖ ចាន់រ៉ា