Angelababy តែងខ្លួនដូចទេពអប្សរ ក្រោយលែងលះស្វាមី

ថ្មីៗនេះ រូបថតខួបកំណើតគម្រប់ ៣៣ឆ្នាំរបស់ Angela Baby បានធ្វើឲ្យអ្នកនិយមលេងអ៊ីនធឺណិត មើលឡើងភ្លឹក និងសរសើរមិនដាច់ពីមាត់ពីសម្រស់​ស្រស់​ស្អាត​ដូច​ក្រមុំវ័យ ​២០​ឆ្នាំ។

ថ្វីត្បិតវិស័យសម្ដែងរបស់ Angela Baby មានភាពចម្រូងចម្រាសអស់ពេលប៉ុន្មានឆ្នាំមកនេះ ប៉ុន្តែប្រជាប្រិយភាព និងសម្រស់របស់នាង នៅតែទាក់ទាញបេះដូងអ្នកគាំទ្រ មិនថមថយសោះ។

ជាក់ស្ដែង កាលពីថ្ងៃទី០២ ខែមីនា ឆ្នាំ២០២២ រូបថតច្រើនសន្លឹកនៃពិធីខួបកំណើតគម្រប់ ៣៣ឆ្នាំ របស់តារាស្រីរូបនេះ ទទួលបានការចាប់អារម្មណ៍យ៉ាងខ្លាំង ខណៈ Angela Baby បង្អួតសម្រស់ដូចទេពធីតា Tinker Bell រាងវិញឡើងស្លីមស្អាត សិចស៊ីទាក់ភ្នែកឥតទាស់។

បន្ទាប់ពីលែងលះជាមួយ Huynh Xiaoming តារាស្រី Angela Baby ហាក់ស្ងប់ស្ងាត់ពីអាជីពសិល្បៈមួយរយៈ ដែលនាំឱ្យអ្នកគាំទ្រមិនសូវបានឃើញរូបថតរបស់នាងនោះទេ ប៉ុន្តែក្រោយបង្ហាញខ្លួនលើកនេះ នាងនៅតែលេចធ្លោ​ដដែល៕

ប្រែសម្រួល៖ សន្យា

ចុចអាន៖ ប្ដឹងផ្ដល់គ្នា១ឆ្នាំ ពេលនេះ Kim Kardashian ឈ្នះក្ដីជាមួយ Kanye ហើយ

ចុចអាន៖ គ្រងមកុដ ៣ខែ Thuy Tien រកចំណូលបានជាង ៣លានដុល្លារ ចូលហោប៉ៅផ្ទាល់ខ្លួន