ប្ដឹងផ្ដល់គ្នា១ឆ្នាំ ពេលនេះ Kim Kardashian ឈ្នះក្ដីជាមួយ Kanye ហើយ

ក្រោយរៀបការបាន ៧ឆ្នាំ តារាម៉ូឌែល Kim Kardashian បានដាក់ពាក្យលែងលះពីតារារ៉េបអាមេរិក Kanye West ដែលជាអតីស្វាមី កាលខែកុម្ភៈ ឆ្នាំ២០២១។ ​បន្ទាប់ពីបណ្ដឹងលែងលះបានទៅដល់ដៃតុលាការរយៈពេលមួយឆ្នាំ ពេលនេះ​ Kim និង Kanye បានប្រកាសភាពនៅលីវដោយស្របច្បាប់ហើយ។

ករណីលែងលះដ៏ចម្រូងចម្រាស និងល្បីល្បាញរបស់ Kim Kardashian និង Kanye West បានសម្រេចជាផ្លូវការ កាលពីថ្ងៃពុធ ទី០២ ខែមីនា ដោយតុលាការ Los Angeles បានអនុញ្ញាតឱ្យបញ្ចប់ចំណងអាពាហ៍ពិពាហ៍រវាងអតីតប្ដីប្រពន្ធមួយគូនេះជាស្ថាពរ។ ចំណែកកូនៗទាំង ៤ របស់ពួកគេ មិនទាន់មានដំណឹងថាខាងណាជាអ្នកបីបាច់ឡើយ។

តាមពិតទៅ រឿងក្ដីលែងលះរបស់ ​Kim និង Kanye បន្តអូសបន្លាយពេល រហូតដល់ ១ឆ្នាំ ​មូលហេតុដោយសារតែ Kanye បានជំទាស់នឹងការលែងលះ ហើយលោកថែមទាំងបានលើកសំណើរជាសាធារណៈ សុំឱ្យភរិយាត្រឡប់ទៅរៀបការវិញទៀតផង ប៉ុន្តែ Kim មិនយល់ព្រម។ មិនតែប៉ុណ្ណោះ ដោយសារបណ្ដឹងមួយនេះ តារារ៉េបវ័យ ៤៤ឆ្នាំរូបនេះ បានប្ដូរមេធាវីដល់ទៅ ៣នាក់ ដើម្បីឈ្នះក្ដី នៅតែចុងបញ្ចប់ តុលាការសម្រេចឱ្យ Kim Kardashian ជាអ្នកឈ្នះបណ្ដឹងដដែល៕

​ប្រែសម្រួល៖ សន្យា

ចុចអាន៖ គ្រងមកុដ ៣ខែ Thuy Tien រកចំណូលបានជាង ៣លានដុល្លារ ចូលហោប៉ៅផ្ទាល់ខ្លួន