ជីវិតកម្សាន្ដ
ម្ដាយ និងមិត្តជិតស្និទ្ធ រៀបរាប់រឿងហេតុមុនពេល Beam ស្លាប់
ក្រោយពីសំបុត្រមរណភាពបឋមដែលចេញពីខាងកោសល្យវិច្ច័យ បញ្ជាក់ថា តារាសម្ដែង Beam ស្លាប់ដោយសារជំងឺដាច់សរសៃឈាមខួរក្បាល និងបញ្ហាផ្លូវដង្ហើម ខាងមិត្តភក្តិ និងម្ដាយរបស់តារាប្រុសរូបនេះ ក៏បានចេញមុខមកនិយាយពីរឿងរ៉ាវ មុនពេលគេរកឃើញសពកាលពីថ្ងៃទី២៣ ខែមីនា។
អ្នកស្រី Davika Rerkchalermphot ត្រូវជាម្ដាយរបស់ Beam និយាយថា គាត់មិនទាន់ត្រៀមខ្លួនសម្រាប់ការសម្ភាសន៍ណាមួយឡើយ គាត់អាចប្រាប់ត្រឹមថា គាត់មានកូនតែមួយប៉ុណ្ណោះ ហើយគាត់មិនទាន់ទទួលយកបានទេនូវការបាត់បង់មួយនេះ។ យ៉ាងណាមិញ អ្នកស្រីក៏បានបង្ហើបខ្លះដែរទាក់ទងនឹងហេតុការណ៍មុនថ្ងៃកើតហេតុ ដោយគាត់បានឃើញកូនទៅលេងបាល់ទាត់ជាមួយមិត្តភក្តិ និងញ៉ាំអាហារពេលល្ងាច រួចក៏ត្រឡប់មកគេងផ្ទះវិញ ដូចធម្មតា។ លុះស្អែកឡើង បែរជាប្រទះឃើញកូនប្រុសដេកស្ដូកស្ដឹក ដាស់មិនភ្ញាក់ទៅវិញ។
រីឯលោក Akkarawat Chokpiyaset អាយុ ២៥ឆ្នាំ ដែលជាមិត្តសម្លាញ់របស់ Beam Papangkorn និងជាម្នាក់ដែលបានទៅលេងបាល់ទាត់ជាមួយគ្នា បាននិយាយថា កាលពីថ្ងៃអង្គារ ទី២២ ខែមីនា ខ្លួននិងមិត្តភក្តិចំនួន ៦នាក់បានណាត់គ្នាទាត់បាល់នៅទីលានបាល់ទាត់ ក្នុងសង្កាត់ Sukhontha Sawat ។ ប៉ុន្តែមុនទៅទាត់បាល់ ខ្លួនគេ មិត្តស្រី និង Beam បានទៅញ៉ាំសាច់ជ្រូកអាំង ទាល់តែម៉ោងប្រហែល ៦ ទើបទៅដល់ទីលានបាល់ទាត់។
Akkarawat បន្តថា ពេលនោះ Beam ក្ដៅខ្លួនខុសធម្មតាបន្តិចដែរ ប៉ុន្តែពួកគេមិនចាប់អារម្មណ៍ ហើយការទាត់បាល់ នៅតែបន្តលេង។ នៅយប់នោះ ពួកគេបានបញ្ចប់ការលេងបាល់ទាត់នៅម៉ោងប្រហែល ១០យប់ រួចក៏ទៅញ៉ាំបាយចំហុយ នៅភោជនីយដ្ឋានមួយ ហើយជជែកគ្នាលេងបន្តិច ទើប Beam សុំទៅផ្ទះមុន។ លុះមកដល់ថ្ងៃទី២៣ ខែមីនា ទើបគេទទួលដំណឹងថា មិត្តសម្លាញ់បានលាចាកលោកទៅហើយ។
ទោះយ៉ាងណា ពេលនេះមូលហេតុស្លាប់របស់ Beam បានប្រកាសជាផ្លូវការហើយ គ្រាន់តែត្រូវរង់ចាំបញ្ជាក់លម្អិតប៉ុណ្ណោះ ខណៈពិធីបុណ្យសពក៏កំពុងចាប់ផ្ដើមប្រារព្ធដែរ៕
ប្រែសម្រួល៖ សន្យា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ