ជីវិតកម្សាន្ដ

តារាចម្រៀងអាយ៉ៃ ព្រហ្ម ម៉ាញ ប្រកាសបំណងចុងក្រោយសម្រាប់ក្មេងៗជំនាន់ក្រោយ

បានផុស

៤ years មុន

នៅ

ថ្ងៃសុក្រ ២៥ មីនា ២០២២

ដោយ

គិតមកទល់ពេលនេះ តារាកំប្លែងនិងចម្រៀងអាយ៉ៃដ៏មានប្រជាប្រិយភាពនាយ ព្រហ្ម ម៉ាញ បានចូលព្យាបាលនៅមន្ទីរពេទ្យមានរយៈពេល ៦ ថ្ងៃហើយបន្ទាប់ពីដួលសន្លប់នៅក្នុងកម្មវិធីមួយនាសណ្ឋាគារ GardenCity។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីជួបហេតុការណ៍ដួលសន្លប់វីរៈសិល្បករផ្នែកចម្រៀងអាយ៉ៃនាយ ព្រហ្ម ម៉ាញ បច្ចុប្បន្នកំពុងសម្រាកនៅមន្ទីរពេទ្យប៉ាស៊ីហ្វិកក្បែរស្ពានអាកាស ៧ មករា ដើម្បីតាមដានស្ថានភាពជំងឺលើសឈាមរបស់គាត់បន្ថែមទៀត។ ខណៈភរិយាគាត់ក៏បានបញ្ជាក់ដែរថា អាការៈលោកតាបានធូរស្រាលច្រើនមួយកម្រិតហើយ។

ស្របពេលស្ថានភាពជំងឺរបស់តារាចម្រៀងអាយ៉ៃលោកតា ព្រហ្ម ម៉ាញ បានធូរស្រាលខ្លះហើយនោះលោកតាក៏បង្ហាញនូវឆន្ទៈសំខាន់មួយ គឺការជួយបណ្តុះបណ្តាលដល់ក្មេងៗជំនាន់ក្រោយនូវសិល្បៈចម្រៀងអាយ៉ៃ ដើម្បីបន្តវេនពីលោកតានៅថ្ងៃអនាគតខាងមុខ។

លោកតា ព្រហ្ម ម៉ាញ បានប្រាប់ឲ្យដឹងថា គាត់នៅតែមានគំនិតដើម្បីបម្រើការងារបង្ហាត់បង្រៀនក្មេ ងៗជំនាន់ក្រោយឲ្យចេះក្នុងវិស័យសិល្បៈចម្រៀងអាយ៉ៃ ព្រោះសព្វថ្ងៃនេះ មានតិចណាស់អ្នកដែលចេះជំនាញនេះ អញ្ចឹងមានតែជួយអភិរក្ស។ ម្យ៉ាងទៀតនៅខាងផ្នែកតំបន់អាស៊ីនេះ គឺមានតែកម្ពុជាយើងមួយទេដែលមានអាយ៉ៃ។

តារាចម្រៀងនាយ ព្រហ្ម ម៉ាញ បានបញ្ជាក់ថា ខ្ញុំមានបំណងថា មុនអស់ជីវិតទៅខ្ញុំនឹងបង្រៀនដល់ក្មេងៗជំនាន់ក្រោយឲ្យចេះផ្នែកចម្រៀងអាយ៉ៃនេះ។ លោកតាបន្ថែមថា កន្លងមកលោកធ្លាប់បង្រៀនបានខ្លះដែរ ហើយដល់ ១ ឆ្នាំមុនផ្ទុះកូវីដ-១៩ ក៏ផ្អាកវិញទៅដើម្បីគោរពតាមការណែនាំរបស់ក្រសួងសុខាភិបាល ៣ កុំ ៣ ការពារ៕

អត្ថបទ៖ ចាន់រ៉ា

Related Topics:លោកតា ព្រហ្ម ម៉ាញ