ជីវិតកម្សាន្ដ

ដួង សុខគា សម្តែងការខកចិត្ត ចំពោះទង្វើជនអគតិ ដែលបំភ្លៃព័ត៌មានខុសពីការពិត ពីតារាអាយ៉ៃ លោក ព្រហ្ម ម៉ាញ

បានផុស

៤ years មុន

នៅ

ថ្ងៃសុក្រ ២៥ មីនា ២០២២

ដោយ

តារាប្រុសពហុជំនាញរបស់ខ្មែរលោក ដួង សុខគា បានបង្ហាញអារម្មណ៍ខកចិត្ត និងសោកស្តាយយ៉ាងខ្លាំងចំពោះទង្វើរបស់ជនឆ្លៀតឱកាសមួយក្តាប់តូច ដែលដើម្បីចង់បានតែប្រយោជន៍ផ្ទាល់ខ្លួន ខំបំភ្លៃព័ត៌មានផ្ទុយការពិតឲ្យសាធារណជនមានការយល់ច្រឡំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងដោយបង្ហាញអារម្មណ៍មិនសប្បាយចិត្តរបស់លោក ដួង សុខគា នាពេលនេះ គឺបន្ទាប់ពីមានការបង្ហោះចែករំលែកដំណឹងដ៏ភ្ញាក់ផ្អើល កាលពីព្រលប់ថ្ងៃទី ២៤ ខែមីនាម្សិលមិញថា តារាចម្រៀងអាយ៉ៃលោកតា ព្រហ្ម ម៉ាញ បានទទួលមរណភាពបន្ទាប់ពីមានជំងឺលើសឈាម។ប៉ុន្តែដំណឹងនោះ ត្រូវបានភរិយាលោកតា ព្រហ្ម ម៉ាញ បានចេញមុខទាត់ចោលភ្លាមៗថាពុំមែនជាការពិតឡើយ។

លោក ដួង សុខគា បានលើកឡើងថា លោកគ្រូ ព្រហ្ម ម៉ាញ អាយុវែងគាត់មិនអីទេ ទេវតាឱ្យព្រលឹង! ខ្ញុំពិតជាចង់ឱ្យអ្នកបង្ហោះបំភ្លៃប្រមាថគាត់សូមទោសគាត់ជាបន្ទាន់ ហើយជូនពរគាត់ផង។ ខ្ញុំមិនចង់និយាយវែងឆ្ងាយទេ ល្មមហើយអស់លោកបែបៗនេះក៏ចេះតែទៅរួចដែរ។

ទន្ទឹមគ្នានោះក៏មានការបញ្ចេញទស្សនៈដែរថា បើមិនច្បាស់ទេកុំចេះតែប្រមាថអាយុជីវិតគាត់វាបាបចុះនរក ជូនពរឲ្យលោកពូឆាប់ជាសះស្បើយពីជំងឺ សូមទេវតាឆ្នាំថ្មីតាមថែរក្សាបីបាច់លោកពូឲ្យជួបតែសំណាងល្អជានិច្ច។ ខ្លះថាលោកតាគាត់អាយុ វែងណាស់ស្អប់អ្នកផុសមិនពិតណាស់ ព្រោះតែប្រយោជន៍ចង់ឲ្យផេកខ្លួនល្បី។

សូមបញ្ជាក់ថា បន្ទាប់ពីជួបហេតុការណ៍ដួលសន្លប់វីរៈសិល្បករផ្នែកចម្រៀងអាយ៉ៃនាយ ព្រហ្ម ម៉ាញពេលនេះ កំពុងសម្រាកនៅមន្ទីរពេទ្យប៉ាស៊ីហ្វិកក្បែរស្ពានអាកាស ៧ មករា ដើម្បីតាមដានស្ថានភាពជំងឺ លើសឈាមរបស់គាត់ ខណៈដែលពេលនេះអាការៈលោកតាបានធូរស្រាលច្រើនមួយកម្រិតហើយ៕

អត្ថបទ៖ ចាន់រ៉ា