រូប ១សន្លឹករបស់ Yaya និង Nadech ត្រូវហ្វេន និងមិត្តភក្តិនាំគ្នាបង្អាប់លាន់

ចូលឆ្នាំថ្មី ឆ្នាំនេះ តារាស្រី Yaya Urassaya មិនបាននៅក្នុងប្រទេស ថៃ ស្រាប់តែសង្សារបណ្ដូលចិត្តនៅមិនសុខ​ កក់សំបុត្រយន្តហោះឆ្លងទ្វីប ដើម្បីស្កាត់ទៅជួបនាងដល់ប្រទេសន័រវេស ខណៈមហាជននាំគ្នាបង្អាប់លាន់ សង្ស័យគូស្នេហ៍នេះ មានដំណឹងល្អឆាប់ៗ។

កាលពីម្សិលមិញនេះ តារាប្រុស Nadech Kugimiya បានទម្លាយ​រូបគូស្នេហ៍១សន្លឹក ​ជាមួយមិត្តស្រីរបស់ខ្លួន នៅឯប្រទេសន័រវេស ធ្វើ​ឱ្យ​អ្នកគាំទ្រ និងមិត្តភក្តិ​នាំគ្នាបង្អាប់ផង សរសើរផង ថាពួកគេពិតជាស្វីតខ្លាំង សូម្បីតែខានឃើញមុខ Yaya ប៉ុន្មានថ្ងៃ មិត្តប្រុសនាងនៅមិនសុខបាត់ទៅហើយ។ ជាពិសេស មិត្ត​ជិត​ស្និទ្ធរបស់ Yaya ​នាង Margie Rasri បានចូលទៅខមមិនថាខ្លួនត្រៀមកាត់សម្លៀកបំពាក់ចូលរួមមង្គលការរួចហើយ រង់ចាំតែកូនកំលោះ-ក្រមុំ កុម្មង់ពណ៌ប៉ុណ្ណោះ។

បន្ថែមពីលើនេះទៀត រូបមួយសន្លឹកនេះទទួលបានការ​ Like ភ្លូក​ទឹក​ភ្លូក​ដី ព្រោះ​រូបនេះពិតជា​ផ្អែមល្ហែមចាក់ទឹកមិនលិច ជាពិសេសហ្វេនបន់ឱ្យតែពួកគេមាន​ដំណឹង​ល្អ​ឆាប់ៗខ្លាំងណាស់៕

ប្រែសម្រួល៖ សន្យា

ចុចអាន៖ សកម្មភាពកូនភ្លោះរបស់ Chompoo ក្នុងថ្ងៃសង្រ្កាន កំពុងល្បីលើបណ្ដាញសង្គម ថៃ