ជីវិតកម្សាន្ដ
តារាហ្វេសប៊ុក ប៉េត្រូ ទម្លាយកុងត្រាក្រដាសទទេ ជាមួយឧកញ៉ាមួយរូប ខាតប្រាក់ខ្ទង់ម៉ឺនដុល្លារ
ភ្នំពេញ៖ បន្ទាប់ពីផ្ទុះដំណឹងដ៏រសើបអំពីរឿងរ៉ាវនាយ ប្រុញ ចាកចេញពីក្រុមកំប្លែងដែលបង្កើតឡើងក្រោមការផ្តួចផ្តើមរបស់លោកឧកញ៉ា សម្បត្តិ បង្កការភ្ញាក់ផ្អើលដល់មហាជននោះ ស្រាប់តែមុននេះមានតារាកំប្លែងល្បីលើបណ្តាញសង្គមហ្វេសប៊ុក និងតិកតុកម្នាក់ទៀតគឺ នាយ ប៉េត្រូ បានទម្លាយការឈឺចាប់របស់ខ្លួនផងដែរ។
ទន្ទឹមគ្នានឹងដំណឹងរបស់នាយ ប្រុញ នោះ នាយ ប៉េត្រូ ក៏បានបង្ហោះរូបភាពនៃការចុះកុងត្រាជាមួយឧកញ៉ា សម្បត្តិ ភ្ជាប់ជាមួយព័ត៌មានផ្សាយពីនាយប្រុញ និងការរៀបរាប់សារយ៉ាងវែងអន្លាយ ព្រមជាមួយស្ទីកឃ័រទឹកភ្នែក។
នាយ ប៉េត្រូ លើកឡើងថា៖ “ប្អូនប្រុញអើយប្អូន បងមិនដឹងថាប្អូនមានរឿងអី ឬពិបាកបែបម៉េចទេ តែសម្រាប់បង បងលើសប្អូន ១០០ ដង ខ្ញុំធ្លាប់តែឮសែកក្លែងក្លាយ តែនេះ ជួបហើយ កុងត្រាក្រដាសទទេ។ គាត់ថាឱ្យកាន់ថតក្រដាសទទេសិនទៅ។ ពុទ្ធោអើយ ហើយគាត់ថា ផ្តល់កុងត្រារយៈពេល១ឆ្នាំ នោះអ្វីៗមិនពិតទេ ទទួលបានលុយថ្លៃថតពីររឿង និងឡាយពីរដងតែប៉ុណ្ណោះ ពោលគឺថា ឡាយបានតែពីរដង ថតបានពីររឿងទេ ចុងក្រោយក៏ស្ងាត់ឈឹង ហើយក៏ដាច់ចិត្តឆាត telegram ទៅគាត់ដើម្បីសុំលុយកុងត្រាខ្លះ ឬក៏ឱ្យគាត់ជួយទិញឡានតូចមួយ ដើម្បីធ្វើដំណើរហើយធ្វើការកាត់ជូនគាត់វិញ ព្រោះពេលនោះគ្មានអីជិះទេ និយាយនេះមិនខ្មាស់គេទេ”។
តារាហ្វេសប៊ុករូបនេះនិយាយទៀតថា លោកគ្រាន់តែចង់និយាយរឿងដែលជួបកន្លងមក ហើយចំពេលខាងក្រុមហ៊ុនអាហារបំប៉នធំជាងគេនៅក្នុងស្រុកបានផ្តល់កុងត្រារយៈពេល ១ ឆ្នាំ តែខាងក្រុមការងារថា នាយប៉េត្រូ ជាប់គេហើយ។
នាយប៉េត្រូ លើកឡើងបន្តថា៖ “អារម្មណ៍ពេលហ្នឹង ធ្លាក់ថ្លើមដល់ដី។ បងប្អូនសាកគិតមើលខាតប៉ុន្មានម៉ឺនដុល្លារ។ បញ្ជាក់ផុសនេះ គឺគ្រាន់តែចង់បញ្ជាក់ភាពស្អាតស្អំរបស់ខ្ញុំទេ មិនចង់បានអ្វីពីគាត់ឡើយ សុំតែកុំឱ្យជួបរឿងបែបនេះទៀត។ រឿងនេះខុសមកពីខ្ញុំទេ ដែលហ៊ានកាន់ក្រដាសទទេដោយគ្មានអក្សរ និងការផ្តិតមេដៃ បង្ហោះជាសារធារណៈ ខ្ញុំមិនហ៊ានតបតអ្វីទេ បានត្រឹមតែទុកក្នុងចិត្ត ព្រោះគ្មានឋានៈ គ្មានខ្នង គ្មានខ្សែរយៈអ្វីទាំងអស់ សុំតែមួយរស់ និងសុំឱ្យតែ ម្ចាស់ក្រុមហ៊ុន អាហារបំប៉នធំជាងគេ គឺបងស្រី ទ្រី ដាណា Dana Try ជួយផ្តល់ការងារឱ្យប្អូនវិញផងបានទេ ព្រោះថាព្រោះខ្ញុំមិនមានពាក់ព័ន្ធជាមួយក្រុមហ៊ុនមួយនេះ ឬក្រុមហ៊ុនផ្សេងឡើយ”។
ជុំវិញរឿងរ៉ាវនេះ កម្ពុជាថ្មី នៅរសៀលថ្ងៃទី២៥ ខែមេសា ឆ្នាំ២០២២នេះ មិនទាន់អាចទាក់ទងសូមការបកស្រាយពីលោកឧកញ៉ា សម្បត្តិ បាននៅឡើយទេ។ យើងស្វាគមន៍ និងរង់ចាំជានិច្ចចំពោះការបកស្រាយពីលោកឧកញ៉ានៅពេលក្រោយ។
គួរបញ្ជាក់ថា កាលពីថ្ងៃទី០៩ ខែសីហា ឆ្នាំ២០២១ កន្លងទៅ ឧកញ៉ា សម្បត្តិ បានបង្ហោះវីដេអូមួយ ស្ដីពី ការចុះកុងត្រាជាមួយ នាយ ប៉េត្រូ អមដោយ Caption បញ្ជាក់ថា លោក និងភរិយា បានផ្តល់កុងត្រាការសហការការងារពេញ១ឆ្នាំជាមួយ ក្រុមនាយធុងប៉េត្រូ ដើម្បីបង្កើតវីដេអូកំប្លែងសប្បាយៗប្រចាំក្រុមហ៊ុនគ្រួសារកក់ក្តៅ៕
អត្ថបទ៖ ចាន់រ៉ា
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ