Connect with us

ជីវិតកម្សាន្ដ

វី ឌីណែត កើតជំងឺម្យ៉ាងក្រោយជាសះស្បើយ​ពីកូវីដ ដែលពេទ្យតម្រូវឲ្យលេបថ្នាំពេញមួយជីវិត

បានផុស

នៅ

តារាចម្រៀងតូចច្រឡឹងកញ្ញ  វី ឌីណែត បានទម្លាយយ៉ាងភ្ញាក់ផ្អើលថា បច្ចុប្បន្នខ្លួនកំពុងមានជំងឺម្យ៉ាងដែលពេទ្យតម្រូវឲ្យលេបថ្នាំពេញមួយជីវិត ខណ:ជំងឺនេះទើបកើតឡើងលើខ្លួននាងថ្មីៗកន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីកញ្ញា វី ឌីណែត បាននិយាយទៀតថា ចំពោះជំងឺដែលនាងកំពុងជួបប្រទះនោះ គឺជាជំងឺពកបំពង់ ក ហើយជំងឺនេះបានចាប់ផ្តើមពិនិត្យឃើញបន្ទាប់ពីនាងព្យាបាលជាសះស្បើយជំងឺកូវីដ-១៩។ នាងបន្តថា ក្រោយពិនិត្យដឹងថា ខ្លួនបានកើតជំងឺនេះភ្លាមៗនោះ នាងហាក់មានអារម្មណ៍តក់ស្លុតនិងបាកទឹកចិត្តជាថ្មី។

វី ឌីណែត រៀបរាប់បន្តទៀតថា ក្រោយពេលពិនិត្យឃើញជំងឺខាងលើ គឺក្រុមគ្រូពេទ្យប្រាប់ឲ្យនាងត្រូវប្រើ(លេប)ថ្នាំពេញមួយជីវិតតែម្តង ព្រោះបើមិនដូច្នេះ គឺវាបណ្តាលឲ្យកើតកាន់ធំ ឬអាចវិវឌ្ឍន៍ទៅជាលានភ្នែកជាដើម។ ម្យ៉ាងទៀតបើសិនជាវះកាត់ គឺបណ្តាលឲ្យខូចសម្លេង៥០ភាគរយផងដែរ។

តារាចម្រៀងកញ្ញា វី ឌីណែត បានបន្ថែមថា ចាប់តាំងពីនាងពិនិត្យឃើញមានកើតជំងឺនេះ គឺក្នុងចិត្តនាងហាក់កើតមានសម្ពាធផ្លូវចិត្តមួយទៀតព្រោះរាល់ថ្ងៃនាងរស់ដោយសារសម្លេងហើយវាបែរមកកើតជំងឺចំកន្លែងបំពង់សម្លេងតែម្តង៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម