ឌីជេ ស្តី ក្តាប់បានឱកាសសម្តែងភាពយន្តលើកដំបូង

តារាចម្រៀងល្បីឈ្មោះឌីជេ ស្ដី ដែលអ្នកគាំទ្រធ្លាប់ស្គាល់តាមឆាកតន្រ្ដី និងMVតាមរយៈការ៉េបដ៏ប៉ិនប្រសព្វនោះពេលនេះស្រាប់តែលោកបានហក់ចូលសម្ដែងភាពយន្តជាលើកដំបូងក្នុងរឿង ” KTV (Killing Time Violently)”​។

ឌីជេ ស្ដី បាន​ឲ្យដឹង​ថា មូលហេតុដែលលោកត្រូវឈានមកថតកុននាពេលនេះ ព្រោះជាសិល្បករម្នាក់ត្រូវតែធ្វើអ្វីៗគ្រប់យ៉ាងដើម្បីបម្រើរ​អារម្មណ៍​ម​ហាជន ហេតុនេះហើយលោកមិនរារែកចិត្តនោះទេនៅពេលដែលមានផលិតករទាក់ទងឲ្យថតរឿងនោះ។

ឌីជេ ស្ដី អះអាងថា រូបលោកមិនមែនចេះតែរ៉េបទេ តែលោកជាអ្នកសិល្បៈក៏អាចសម្ដែងបានដែរដើម្បីឲ្យប្រជាជនមើលត្រូវតែបញ្ចេញឲ្យអស់ឲ្យគេសប្បាយរីករាយឲ្យ​ទាក់​ទាញ ហើយបើទោះជាមិនបានពិន្ទុ១០​ពេញក៏ដោយក៏យ៉ាងហោចណាស់ឲ្យគេចូលចិត្តយើងពី៧ទៅ៨ពិន្ធុ គឺបានន័យថា យើងឈ្នះ។

ចំណែកកូនប្រុសDJ ស្ដី ដែលឈក្បែរឪពុកនោះបង្ហើបថា ក្នុងរឿងKTVនេះ ប៉ាលោកដើរតួជាមេប៉ូលីស ហើយលើកនេះពិតជាប្លែក ​ព្រោះពីមុនអ្នក​ណា​ក៏ស្គាល់ថា គាត់ជាតារារ៉េបតែលើកនេះគាត់ជាមេប៉ូលីសដ៏អង់អាចម្នាក់។​ ដោយឡែកលោក Jim my Henderson អ្នកនិពន្ធនិងដឹកនាំរឿងKTV បានឲ្យដឹងថា ភាពយន្ដ​នេះ​ត្រៀម​ចំណាយ​ទុនផលិតសរុប១៥ម៉ឺនដុល្លារ ហើយក្រៅពីមានឈុតវាយតប់គ្នាយ៉ាងសាហាវនោះ រឿង​នេះ​ក៏មានឈុតសំណើចពីតារាកំប្លែងល្បីៗ,ឌីជេ ស្ដី រួមទាំងមានការចូលរួមពីInfluencer ដ៏ល្បីមកពីជប៉ុនផងដែរតែលោកមិនអាចនិយាយជាមុនបានថា តើពួកគាត់នឹងត្រូវ​លេង​ឈុតអ្វីខ្លះនោះទេ។

លោក Henderson បន្ថែមទៀតថា រឿងនេះគ្រោង​នឹងដាក់​បញ្ចាំ​ង​​នៅ​ខ្មែរនៅឆ្នាំ២០២៣ ខាងមុខនេះហើយក្រោយដាក់តាមរោងកុនអស់៦ខែ​ហើយក៏នឹងនាំទៅបញ្ចាំងនៅបរទេសផងដែររួមទាំងនៅ Film Festival ជាដើម។

គួរបញ្ជាក់ថា DJ ស្ដី ធ្លាប់លេចមុខរ៉េបបទចម្រៀងជាច្រើនពិសេសនៅហង្សមាសក្នុង​នោះ​មាន​បទលោកព្រាប សុវ​ត្ថិ ”ចាំទឹកភ្នែកបងស្ងួតសិន”…បទពេជ្រ សោភា ”Oh!No!”,”NoB etter Day”,”You Better Not Come Hom e” និងបទ ”Don’t Walk Away” ជាដើម៕

អត្ថបទ៖ ចាន់រ៉ា