ហ្វេនស្រឡាំងកាំង ក្រោយ Aum Patcharapa បង្ហាញខ្លួនក្នុងឈុតរៀបការ

កាលពីពេលថ្មីៗនេះ តារាសម្ដែងជួរមុខ Aum Patcharapa លេចមុខក្នុងឈុតកូនក្រមុំដ៏ស្រស់ស្អាត​ ខណៈហ្វេន​ឃើញហើយ​ភាំង​នឹង​សម្រស់​នាង​ថា ​ពិត​ជា​រៀបការ​មែន។

ជាក់ស្ដែង​នេះមិនមែនជាពិធីរៀបការរបស់តារាជួរមុខ Aum ទេ តែជាជាកិច្ចសហការ​លើកដំបូង​របស់​តារា​ចម្រៀង Bird និង Aum Patcharapa បន្ទាប់ពីការទ​ន្ទឹង​រង់ចាំ​យ៉ាងយូរ។ នៅក្នុង​គម្រោង​ដែល​តារា​ទាំងពីរ​ដួង​នេះ​សហការ​គ្នា​គឺដើម្បីថត MV បទចម្រៀងមានចំណងជើងថា ‘សាកល្បង’ ហើយ Bird ក៏បានបង្ហាញរូបភាពរបស់ Aum ក្នុងឈុតកូនក្រមុំដ៏ស្រស់ស្អាតអម​ជាមួយនឹងខេបសិន​ថា ‘ខ្ញុំ​ពិតជា​រីករាយដែល​ទីបំផុតខ្ញុំបានព្យាយាម រៀបការជាមួយគាត់ ហាហា។ អរគុណ​កូនក្រមុំ Aum Patchrapa’។

ជាមួយគ្នានេះដែរ អ្នកគាំទ្ររបស់តារាប្រុសស្រីទាំងពីរ បានលាន់មាត់សរសើរថា ក្រៅ​ពីចម្រៀង​ពីរោះរណ្ដុំ ​សូម្បីតែ​ MV ក៏​ល្អ​មើលដែរ ខណៈ​អ្នកខ្លះថា តួ​ស្រីនិងតួប្រុស ពិតជា​​សមគ្នា​ឥតខ្ចោះ ហើយពួកគេកម្រឃើញគូនេះថតជាមួយគ្នាជាលក្ខណៈស្លៀកឈុតមង្គលការណាស់៕

ប្រែសម្រួល៖ សាង ស្រីល័ក្ខ

ចុចអាន៖អ្នកគាំទ្រព្រួយបារម្ភសុខភាព Baifern ក្រោយឃើញជើងនាងលេចឆ្អឹងស្គមខ្លាំង

ចុចអាន៖សង្គ្រាមរាជិនីសម្រស់កំពុងផ្ទុះ ក្រោយ MGI បង្ហោះវីដេអូឌឺដង បវរកញ្ញាចក្រវាល MU