Jiyeon សមាជិកក្រុម T-ara នឹងចូលរោងការ ក្នុងពេលឆាប់ៗនេះ

នៅថ្ងៃទី ២ ខែវិច្ឆិកា មានសេចក្តីរាយការណ៍ថា Ji Yeon សមាជិក​ក្រុម​ចម្រៀង​ស្រី​ T-ARA និង​កីឡាករ​បេស្បល​អាជីព Hwang Jaegyun នឹង​រៀប​ការ​នៅខែធ្នូនាពេលខាងមុខនេះ។

នៅក្នុងរបាយការណ៍នោះ ភ្នាក់ងារគ្រប់គ្រងរបស់ Ji Yeon ខាងផលិតកម្ម AnB Group បានបញ្ជាក់ថា “Ji Yeon និង Hwang Jaegyun នឹងរៀបចំពិធីមង្គលការរបស់ពួកគេនៅថ្ងៃទី ១០ ខែធ្នូ នៅឯសណ្ឋារគារ The Shilla ក្នុងទីក្រុងសេអ៊ូល”។ បន្ទាប់ពីគូស្នេហ៍មួយគូនេះបានបង្កើតទំនាក់ទំនងស្នេហាដំបូងរបស់ពួកគេនៅជិតចុងឆ្នាំ ២០២១ ដោយស្គាល់គ្នាតាមរយៈអ្នកស្គាល់គ្នា។

យ៉ាងណាមិញ ការប្រកាសធ្វើឡើងមិនយូរប៉ុន្មានក្រោយពី Jiyeon និង Hwang Jae Gyun ធ្លាប់បានប្រកាសដោយផ្ទាល់ថាពួកគេនឹងរៀបការជាមួយគ្នាតាមរយៈសំបុត្រដែលសរសេរដោយដៃ Jiyeon បានសរសេរនៅក្នុងសំបុត្ររបស់នាងថា “ខ្ញុំនឹងរស់នៅក្នុងជីវិតដ៏ស្រស់បំព្រង និងសប្បាយរីករាយជាមួយមិត្តប្រុសដែលអាចទុកចិត្តបានរបស់ខ្ញុំ ដែលគាត់អាចកាន់ខ្ញុំយ៉ាងរឹងមាំ ហើយឱ្យខ្ញុំផ្អៀងស្មារបស់គាត់ពេញមួយជីវិតផងដែរ”៕

ប្រែសម្រួល៖នាងតូច

ចុចអាន៖Park Bom ចេញបទចម្រៀងថ្មីយ៉ាងស្ងប់ស្ងាត់ ក្រោយអ្នកគាំទ្រព្រួយបារម្ភសុខភាព

ចុចអាន៖តារាសម្តែង Yoo Ah In បដិសេធពាក្យចចាមអារ៉ាមថា លោកមានវត្តមានក្នុងហេតុការណ៍នៅ Itaewon