ក​ម្មវិធីប្រកួតបវរកញ្ញាចក្រវាល ២០២២ នឹងផ្លាស់ប្ដូរលក្ខខណ្ឌមួយចំនួន ក្រោយម្ចាស់ថ្មីឡើងកាន់តំណែង

ការប្រកួតសម្រស់លំដាប់ពិភពលោក បវរកញ្ញាចក្រវាល ឆ្នាំ២០២២ ដែលគ្រោងនឹងរៀបចំនៅខែមករា ឆ្នាំ២០២៣ ខាងមុខ នឹងធ្វើការផ្លាស់ប្ដូរកម្មវិធីមួយចំនួន រួមមានទីតាំងប្រារព្ធពិធី និងលទ្ធផលកំពូលចុងក្រោយ។

យោងតាមបទសម្ភាសន៍ពីសេដ្ឋីនីថៃ គឺនាង Anne Jakkaphong ដែលជាម្ចាស់កម្មវិធី ​Miss Universe ទើបឡើងកាន់កាប់ស្ថាប័នថ្មីៗ បានឱ្យដឹងថា កម្មវិធីប្រកួតបវរកញ្ញាចក្រវាល ឆ្នាំ២០២២ នឹងប្រារព្ធឡើងនៅទីក្រុង New Orleans សហរដ្ឋអាមេរិក ហើយរដូវកាលនេះលទ្ធផលកំពូលចុងក្រោយនៅវគ្គផ្ដាច់ព្រ័ត្រ នឹងមានការផ្លាស់ប្តូរពី Top 5 ទៅ Top 7 វិញ និងគ្មានជយលាភីលំដាប់រងទី១ ទី២ ទី៣ និងទី៤ឡើយ។

ព័ត៌មាន​នេះ​បាន​ទាក់ទាញ​ចំណាប់​អារម្មណ៍​អ្នក​គាំទ្រវិស័យ​សម្រស់​យ៉ាងខ្លាំង ខណៈអ្នកខ្លះបានយល់ស្របចំពោះកំណែទម្រង់ថ្មី ចំណែកខ្លះទៀតមិនយល់ស្រប ព្រោះចង់ឱ្យស្ថាប័នរក្សាតំណែងលំដាប់រងឱ្យនៅដដែល។

ទន្ទឹមគ្នាដែរ អ្នកគាំទ្រមួយចំនួននៅខាងលោកខាងលិច បានសម្ដែងការព្រួយបារម្ភចំពោះការកែប្រែលក្ខខណ្ឌ ដោយពួកគេនិយាយថា ម្ចាស់មកុដថ្មីរបស់កម្មវិធីបវរកញ្ញាចក្រវាល មុខតែជាប់តែបេក្ខនារីមកពីប៉ែកអាស៊ីប៉ុណ្ណោះ។ យ៉ាងណាមិញ អ្នកគាំទ្រមួយចំនួនទៀត បានលើកឡើងផ្ទុយថា អ្នកឈ្នះគឺជាអ្នកដែលមានសម្រស់ស្រស់ស្អាត និងមានសមត្ថភាពពិតប្រាកប៉ុណ្ណោះ វាមិនអាស្រ័យលើប្រធានកម្មវិធីឡើយ៕

ប្រែសម្រួល៖ សន្យា

ចុចអាន៖ លេចមុខបវរកញ្ញាចក្រវាលថៃ Anna ជិះទូកប្រមូលសំរាម ក្រោយចប់ពិធីបុណ្យលយកន្ទោង

ចុចអាន៖ ខ្សែជីវិតសេដ្ឋី ថៃ ទើបទិញកម្មវិធី បវរកញ្ញាចក្រវាល ទម្រាំមានប្រាក់វាល់លាន ជីវិតរងការប្រមាថ