លោក Omar borkan al gala ត្រូវបានគេបណ្តេញចេញពីអារ៉ាប៊ីសាអូឌីត ព្រោះ​តែស្អាត​ពេក ប៉ុន្តែព្រឹត្តិការណ៍មួយនេះបានកែប្រែជីវិតលោកត្រឹមរយៈពេល ៤៨ ម៉ោងប៉ុណ្ណោះ ក្រោយរឿងរ៉ាវបានផ្ទុះពេញប្រព័ន្ធផ្សាព្វផ្សាយ ។

បន្ទាប់ពីរយៈពេល ៩ ឆ្នាំនៃការបណ្តេញចេញពីអារ៉ាប៊ីសាអូឌីត, Omar​ បាន​ផ្លាស់​ទៅ​រស់​នៅ​ទីក្រុង Vancouver របស់ប្រទេស​កាណាដារួមជាមួយគ្រួសារ ហើយពេលនេះបានក្លាយជាតារាបង្ហាញម៉ូដល្បីឈ្មោះម្នាក់ ដែលមនុស្សរាប់​លាន​នាក់​ស្គាល់ និងគាំទ្រលោក ។ Omar តែងតែបង្ហាញខ្លួននៅក្នុងកិច្ចសម្ភាសន៍ជាបន្តបន្ទាប់លើកម្មវិធីទូរទស្សន៍ គម្របទស្សនាវដ្តី ការផ្សាយពាណិជ្ជកម្ម និងគម្រោងភាពយន្តផ្សេងៗជាដើម ។

ជាពិសេសបុរសសង្ហាម្នាក់នេះក៏ទទួលបានកិត្តិយសផងដែរ ដែលត្រូវបានគេហៅថា “បុរសអារ៉ាប់ដ៏ស្រស់ស្អាតបំផុតនៅលើភពផែនដី” នៅលើប្រព័ន្ធផ្សព្វផ្សាយ ។ នៅពេលដែល Omar ឈានដល់កម្រិតជោគជ័យកំពូលនៃអាជីព លោកបានធ្វើឲ្យមនុស្សជាច្រើនភ្ញាក់ផ្អើលនៅពេលដែលលោកបាន ប្រកាសរៀបការជាមួយមិត្តស្រីរបស់លោកគឺអ្នករចនា Yasmin Oweidah ។

នៅខែកញ្ញា ឆ្នាំ ២០១៨ Omar បានប្រកាសនៅលើទំព័រផ្ទាល់ខ្លួនថា លោក និងភរិយាបានសម្រេចចិត្តបែកគ្នាហើយ និងបញ្ចប់ជីវិតអាពាហ៍ពិពាហ៍ ក្រោយពីលោកមានកូនប្រុសម្នាក់ជាដំណក់ឈាមរួមគ្នា ។ ឥឡូវនេះ Omar មានការផ្លាស់ប្តូរច្រើនមែនទែន បើប្រៀបធៀបទៅនឹងកាលពី ៩ ឆ្នាំមុន ពោលបុរស​សង្ហា​រូប​នេះ​ហាត់​ប្រាណ​ដើម្បីឲ្យ​រាង​កាយ​កាន់​តែ​មាន​សាច់​ដុំ និងមានក្បាល​ទំពែក ។

ក្រៅ​ពី​ការ​ផ្លាស់​ប្តូរ​រូប​រាងដ៏ច្រើននេះហើយ លោក​នៅ​តែ​រក្សា​ការងារ​ជា​តារា​ម៉ូដែល និង​ការ​សម្ដែង​ដដែល ។ ចំពោះប្រាក់ចំណូលរបស់ Omar អាចឲ្យលោករស់នៅក្នុងជីវិតដ៏សុខស្រួល និងសម្បូរបែប ។ លោកតែងតែចំណាយពេលភាគច្រើនរបស់គាត់ក្នុងការធ្វើដំណើរជាញឹកញាប់ពីប្រទេសកាណាដា និងឌូបៃ ដើម្បីធ្វើការ ។

យ៉ាងណាមិញ សព្វថ្ងៃនេះលោក Omar Borkan Al Gala អាយុ ៣៣ ឆ្នាំ និងជាឪពុករបស់កូនប្រុស អាយុ ៥ ឆ្នាំ ហើយលោកតែងតែចូលចិត្តចែករំលែករូបភាព និងវីដេអូជាមួយកូនប្រុសរបស់លោក នៅលើទំព័រ Instagram របស់គាត់ ដែលមានអ្នកតាមដានជាង ១.៣ លាននាក់ផងដែរ ៕

ប្រែសម្រួល ៖ នាងតូច

ចុចអាន៖រាជវង្ស កាតា គ្រងរាជសម្បត្តិដល់ទៅ ៣៣៥ ពាន់លានដុល្លារ តើទ្រង់ចំណាយលើអ្វីខ្លះ?