ជីវិតកម្សាន្ដ

អ្នកនាង សេង សុខឃីម សម្រេចកាត់ផ្ដាច់គ្រប់យ៉ាងជាមួយរឿងអតីតកាល

បានផុស

១ year មុន

នៅ

ថ្ងៃចន្ទ ១២ ធ្នូ ២០២២

ដោយ

គេចាំបានថាអ្នកមេម៉ាយរូបស្រស់អ្នកនាង សេង សុខឃីម កាលពីថ្មីៗកន្លងទៅនេះ បានទម្លាយជុំវិញការបែកបាក់ស្នេហាជាមួយអតីតសង្សារតារាចម្រៀងវ័យក្មេងនាយ ចឺម បង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយដំណឹង នៃការបែកបាក់នេះគេឃើញអ្នកនាង សេង សុខឃីម តែងទម្លាយសារចេញពីចិត្តជាបន្តបន្ទាប់។ ដោយឡែកស្រាប់តែមុននេះ អ្នកនាង សេង សុឃីម បានប្រកាសសម្រេចកាត់ផ្តាច់គ្រប់យ៉ាងចែកជាពីរជុំវិញរឿងរ៉ាវអតីតកាលដែលអ្នកគាំទ្រយល់ថា រឿងអតីតកាលជាមួយតារាចម្រៀងនាយ ចឺម។ អ្នកនាង សេង សុខឃីម បានលើកឡើងថា លើកនេះគឺខ្ញុំសម្រេចចិត្តកាត់ផ្តាច់ ខ្ញុំ និងអ្នកគ្រប់យ៉ាងចែកជា ២ មិនបាច់ទុកមុខរាប់គ្នាទេ សក់អ្នកណាក្បាលអ្នកនឹង មួយជីវិតនេះអ្វីដែលខ្ញុំស្តាយបំផុតគឺស្គាល់អ្នកឯង មានតែរឿងអាស្រូវខូចឈ្មោះមិនចេះចប់។

អ្នកនាង សេង សុខឃីម បានបន្តថា ដាច់ខាតកុំត្រឡប់ទៅរកមនុស្សដែលធ្វើបាបចិត្តយើង ហើយសុខចិត្តបោះបង់ចោលមនុស្សដែលតែងតែកំដរ តែងតែមើលថែ តែងតែយល់ចិត្ត តែងតែស្រលាញ់យើងពេលនេះ កុំត្រឡប់ទៅរកកន្លែងដែលឈឺនោះម្ដងទៀតអី កុំឲ្យការលួងលោមមួយនោះអូសទាញសេចក្ដីសុខយើងពេលនេះ កុំបោះបង់ចោលមនុស្សបច្ចុប្បន្នដែលគេល្អបំផុតដាក់យើង កុំធ្វើបាបចិត្តគេ ចូរសាងក្ដីស្រលាញ់ សាងក្ដីស្មោះត្រង់ជាមួយមនុស្សថ្មី ដើម្បីឲ្យមនុស្សអាត្មានិយមម្នាក់នោះដឹងថា ស្ដាយយើងប៉ុណ្ណាដែលគេមិនបានមើលថែយើង ហើយគេរឹតតែឈឺចាប់ពេលដែលឃើញយើងមិនអាចត្រឡប់។

អ្នកមេម៉ាយរូបស្រស់ សេង សុខឃីម បន្ថែមទៀតថា មនុស្សប្រភេទនោះឲ្យរស់នៅជាមួយនឹងវិប្បដិសារីអស់មួយជីវិតក្រោមក្ដីសុខរបស់យើងចុះ ឲ្យគេដឹងថា កាលដែលធ្វើបាបចិត្តនរណាម្នាក់ ចុងក្រោយអ្វីដែលខ្លួនឯងទទួលបានគឺការឈឺចាប់។