អ្នកគាំទ្រអន្ទះសារ ចង់ស្គាល់មិត្តប្រុសរបស់ Ice Preechaya ក្រោយនាងបង្អួតរូបថតជាមួយគ្នាជាលើកដំបូង

អ្នកកាសែត និងអ្នកគាំទ្ររាប់សិបនាក់ កំពុងចង់ដឹងសមាសភាពមិត្តប្រុសរបស់តារាសម្តែងស្រី Ice Preechaya ក្រោយពេលតួឯកស្រី “I’m fine, Thank you, Love you” រូបនេះបង្ហោះរូបភាពជាមួយគាត់នៅលើ Instagram ផ្ទាល់ខ្លួនរបស់នាងជាលើកដំបូង។

មិនត្រឹមតែបង្អួតរូបថតជាមួយបុរសប្លែកមុខប៉ុណ្ណោះទេ ​តារាស្រី​វ័យ ៣២ឆ្នាំរូបនេះថែមទាំងភ្ជាប់មកជាមួយ​ Caption ផ្អែមល្ហែម ដែលបញ្ជាក់ច្បាស់ៗថាអ្នកទាំងពីរជាគូស្នេហ៍នឹងគ្នាទៀតផង។ Ice Preechaya សរសេរថា “Hi From NYC! (សួស្ដីពីទីក្រុងញូវយ៉ក!) នេះជារូបថត​គូស្នេហ៍​ដំបូង​របស់ពួក​យើង​ នៅ​សហរដ្ឋ​អាមេរិក” ។

បន្ទាប់ពី Ice បង្ហោះរូបភាពគូស្នេហ៍វ័យក្មេងក្បែរខ្លួន មិត្តភក្តិក្នុងវិស័យសិល្បៈបានចូលមក Comment និងបង្អាប់នាងព្រាត ហើយស៊កសៀតបន្ថែម​ថា ពួកគេ​នឹង​បន្ត​រង់ចាំ​មើល​រូបថត​គូស្នេហ៍​ផ្សេង​ទៀត​។

យ៉ាងណាមិញ ចំពោះអ្នកនិយមលេងអ៊ីនធឺណិត ក៏ដូចជាអ្នកសារព័ត៌មានមិនទាន់ស្គាល់មុខមាត់ ឬសមាសភាពមិត្តប្រុសរបស់ Ice នៅឡើយ ខណៈអ្ន​កគាំទ្រចេះតែនាំគ្នាទាយថាអ្នកនេះ ឬអ្នកនោះ ព្រោះតែរូបដែលបានបង្ហោះនៅលើបណ្ដាញសង្គម អ្នកទាំងពីរបានបិតបាំងមុខសឹងទាំងស្រុង។ ទោះយ៉ាងណា គេបានដឹងថា បុរសរូបនេះបានទាក់ទងគ្នាជាមួយ Ice ជាងមួយឆ្នាំហើយ ហើយគាត់ជាអ្នកនៅក្រៅរង្វង់សិល្បៈ។ Ice បានបង្ហើបដែរថា ​នាងធ្លាប់ Add Story ជាមួយមិត្តប្រុសរបស់នាង នៅលើ IG បើអ្នកចាប់អាម្មណ៍ មុខតែស្គាល់គាត់មិនខាន៕

ប្រែសម្រួល៖ សន្យា

ចុចអាន៖ សម្រាលកូនទើបមួយសប្ដាហ៍ ភរិយា Weir ធ្វើឱ្យទស្សនិកជនលាន់មាត់ព្រាត

ចុចអាន៖ CEO យីហោមួយ ប្ដឹងស្ថាបនិក Miss Grand ទាមទារសំណងជិត ៣លានដុល្លារ