គ្រូពេទ្យវះកាត់កែសម្ផស្សជាច្រើនរូបបានទម្លាយថា ក្នុងរយៈពេលប៉ុន្មានឆ្នាំចុងក្រោយនេះ Jennie សមាជិកក្រុម BLACKPINK គឺជាតារាស្រីដ៏ពេញនិយមបំផុតដែលអ្នកទទួលការវះកាត់ នាំគ្នាយកគម្រូតាមច្រើនជាងគេ។

ទិន្នន័យពីគ្លីនិកកែសម្ផស្ស បញ្ជាក់ថា នៅពេលណាត់ជួបជាមួយគ្រូពេទ្យ អ្នកវះកាត់កែសម្ផស្សជាច្រើននាក់បានយករូបថតរបស់ Jennie ទៅបង្ហាញ ដោយស្នើសុំគ្រូពេទ្យកែកុនពួកគេឱ្យទទួលបានទម្រង់មុខដូច Jennie សូម្បីអ្នកចាក់ Botox ក៏សុំទម្រង់មុខរបស់ Jennie យ៉ាងច្រើនលើសលុបដែរ។

ចំពោះមូលហេតុនេះ នាយិកានៃគ្លីនិកកែសម្ផស្ស Moon Clinic ដែលជាគ្លីនិកល្បីលំដាប់កំពូលមួយនៅកូរ៉េខាងត្បូង បាន​ពន្យល់​ថា ដោយសារតែ Jennie មានចង្កាខ្លី និងថ្គាមតូច ហើយលក្ខណៈពិសេសទាំងនេះធ្វើឱ្យនាងមើលទៅក្មេងជាងអាយុពិត ទើបអ្នកទទួលការវះកាត់ពេញនិយមខ្លាំងបំផុត។

លើសពីនេះ Jennie មានភ្នែក​មុត និង​បបូរមាត់ក្រាស់​ ដែលធ្វើ​ឱ្យ​សមាជិក BLACKPINK រូបនេះមើលទៅពិតជាគួរឱ្យស្រឡាញ់ និង​សិចស៊ី ខណៈមនុស្ស​ជា​ច្រើន​ចង់ឱ្យខ្លួនឯងមានភាព​សិច​ស៊ីទ្វេដង បានជាពួកគេ​ស្នើសុំទម្រង់មុខ Jennie សឹងតែគ្រប់គ្នា៕

ប្រែសម្រួល៖ សន្យា

ចុចអាន៖ ការពិតលាតត្រដាង ដែលថាទម្រង់មុខ Mai Davika ពិតជាឆ្លងកាត់មុខកាំបិត?

ចុចអាន៖ ថ្ងៃផ្ទេរមកុដ បវរកញ្ញាចក្រវាល ២០២១ រងពាក្យរិះគន់លើរូបរាង ទោះដឹងថានាងមានជំងឺធ្វើឱ្យលើសទម្ងន់