Connect with us

ជីវិតកម្សាន្ដ

ថ្ងៃផ្ទេរមកុដ បវរកញ្ញាចក្រវាល ២០២១ រងពាក្យរិះគន់លើរូបរាង ទោះដឹងថានាងមានជំងឺធ្វើឱ្យលើសទម្ងន់

បានផុស

នៅ

នៅក្នុងថ្ងៃប្រកួតចុងក្រោយនៃកម្មវិធីបវរកញ្ញាចក្រវាល ឆ្នាំ២០២២ ដែលធ្វើឡើងនៅព្រឹកថ្ងៃទី១៥ ខែមករា ឆ្នាំ២០២៣ (ម៉ោងនៅកម្ពុជា) បវរកញ្ញា Harnaaz Sandhu ម្ចាស់មកុដ Miss Universe 2021 នៅតែទទួលបានមតិរិះគន់លើរូបរាងធាត់ជាងមុនរបស់នាង ទោះដឹងថាបវរកញ្ញារូបនេះមានជំងឺធ្វើឱ្យឡើងទម្ងន់ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនដូចអ្នកកាន់តំណែងមុនៗនោះទេ ម្ចាស់ជយលាភីឯកបវរកញ្ញាចក្រវាល ឆ្នាំ២០២១ បានឆ្លងកាត់រយៈពេលដ៏តានតឹង និងសម្ពាធយ៉ាងខ្លាំងពីមហាជន ក៏ដូចជាម្ចាស់ប្រេននានា ដោយសាររូបរាងឡើងទម្ងន់របស់នាង ​ធ្វើឱ្យនាងពុំមានទីផ្សារការងារក្នុងវិស័យម៉ូដច្រើនឡើយ។

ក្រោយឡើងគ្រងមកុដមិនបាន ៣ខែស្រួលបួល បវរកញ្ញា Harnaaz Sandhu ស្រាប់រកឃើញថាមានជំងឺ Celiac ដែលធ្វើឲ្យនាងលេបថ្នាំច្រើន ហើយនាំឲ្យធាត់លើសទម្ងន់។ បើទោះបីនាងធ្លាប់ទម្លាយពីស្ថានភាពជំងឺជាសាធារណៈយ៉ាងណាក្ដី មហាជនមួយចំនួន បែរជារិះគន់នាងថាមិនចេះថែរាង មិនសក្តិសមជាបវរកញ្ញាឯក។​ រហូតមកដល់ថ្ងៃផ្ទេរមកុដ កាលពីពេលថ្មីៗនេះ បន្ទាប់ពី Harnaaz Sandhu បង្ហាញខ្លួនលើឆាក Miss Universe អ្នករិះគន់ទាំងនោះ នៅតែបន្តវាយប្រហាររូបរាងរបស់បវរកញ្ញាវ័យ ២៣ឆ្នាំរូបនេះដដែល។

ទោះយ៉ាងណា នៅក្នុងរាត្រីចុងក្រោយនៃការប្រលងបវរកញ្ញាចក្រវាលដ៏ធំបំផុត អ្នកគាំទ្របានឃើញបវរកញ្ញា Harnaaz Sandhu រក្សាអាកប្បកិរិយាវិជ្ជមាន សុទិដ្ឋិនិយម ក្លាហាន និងទំនុកចិត្តបំផុត ដើម្បីផ្ទេរមកុដឱ្យសិស្សប្អូនរបស់ខ្លួន។ ថ្វីត្បិតមានភាពរអាក់រអួលបន្តិចអំឡុងពេលដើរលើឆាក ប៉ុន្តែនាងនៅតែបង្ហាញខ្លួនយ៉ាងជឿជាក់ គួរឱ្យសរសើរ៕

ប្រែសម្រួល៖ សន្យា

ចុចអាន៖ តាមពិត ម្ចាស់មកុដ MISS UNIVERSE 2022 មានឈាមជ័រ សែស្រឡាយ អាស៊ីអាគ្នេយ៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម