Song Hye Kyo វ៉ាដាច់អតីតស្វាមី Song Joong Ki ជាប់លេខមួយ ជាតារាស៊ីថ្លៃខ្ពស់លើប្រេនធំៗ

យោងតាមវិទ្យាស្ថាន Korea Institute of Corporate Reputation កាលពីថ្ងៃទី ១៩ ខែមករា ឆ្នាំ ២០២៣ បានបញ្ចាក់ថា កំពូល​តារាសម្ដែងក្នុងប្រទេសកូរ៉េខាងត្បូង៣រូប ចំណាត់ថ្នាក់ជាតារាស៊ីថ្លៃខ្ពស់លើ​យីហោ​ប្រេនសម្រាប់ខែនេះ ខណៈ Song Hye Kyo វ៉ាដាច់ Song Joong Ki ជាប់លេខមួយ។

នៅក្នុងតារាងនោះបញ្ចាក់ច្បាស់ៗថា តារាសម្ដែង Song Hye Kyo ជាប់ចំណាត់​លេខ​១ ចំណែក Song Joong Ki នៅ​លេខ​២ ហើយ Go Yoon Jung ជាប់ចំណាត់ថ្នាកលេខ៣។ នៅក្នុងចំណាត់ថ្នាក់លេខ ១ Song Hye Kyo ដែលជាតួឯកស្រីនៃរឿង ‘The Glory’ ទទួលបានការបោះឆ្នោត​រុបចំនួន ១០,០០៤១,៩១៣ ក្នុងខែ​នេះ។ ចំណាត់ថ្នាក់លេខ២ Song Joong Ki ដែលជាតួឯកនៃរឿង JTBC Reborn Rich ទទួលបានពិន្ទុសរុប ៨,០០៥,៥០៩ ពិន្ទុ។ ចំណែក​ចំណាត់ថ្នាក់លេខ ៣ Go Yoon Jung ដែលជាវីរនារីនៃ​រឿង Alchemy of Souls: Light and Shadow របស់ទូរទស្សន៍ tvN ជាមួយ​នឹងការបោះឆ្នោតចំនួន ៧,៦០៥,៧៩៩ ។

សូម​ជម្រាប​ថា តារា៣ដួងនេះសុទ្ធតែ​ទទួល​បាន​ការ​កោតសរសើរ​ពី​ទស្សនិកជន​ទូទាំង​ពិភពលោក ​ទាំង​សមត្ថភាព​សម្ដែង ​ស្រប​ពេល​ដែល​អ្នក​ទាំង​៣រូបពេលនេះ​កំពុង​ត្រូវប៉ាន់​ការ​ផ្សាយពាណិជ្ជកម្ម​ឲ្យ​យីហោ​ធំ​ៗនៅឯ​បរទេស។ ជាងនេះទៅទៀតភាពយន្តដែល Song Hye Kyo និង Song Joong Ki ដើរតួ ហាក់ទទួលបានការគាំទ្រយ៉ាងច្រើនលើសលប់ដូចគ្នា៕

ប្រែសម្រួល៖ សាង ស្រីល័ក្ខ

ចុចអាន៖Song Hye Kyo ឆ្លើយតបភ្លាមៗថា បើកើតជាថ្មី នាងមិនចង់ក្លាយជាខ្លួនឯងនៅពេលនេះទេ