ថ្មីៗនេះគម្រោងភាពយន្តឯកសាររបស់ J-Hope ដែលជាសមាជិកក្រុម BTS ត្រូវបានបង្ហាញនឹងចែករំលែកនៅលើ Twitter អ្នករាយការណ៍ហូលីវូដបានប្រកាសថាខ្សែភាពយន្ត “j-hope in the box” នឹងចេញនៅថ្ងៃទី ១៧ ខែកុម្ភៈ ។

ខ្សែភាពយន្ត “J-Hope in the Box” ” មិនត្រឹមតែមានវីដេអូដែលមិនធ្លាប់ឃើញ ពីមុនមកពីដំណើររបស់ J-Hope ក្នុងការផលិតអាល់ប៊ុមទោលផ្លូវការដំបូងរបស់គាត់ “Jack In The Box” ប៉ុណ្ណោះទេ ប៉ុន្តែវានឹងផ្តល់នូវការមើលឃើញផ្តាច់មុខនៅសកម្មភាពរបស់ J-Hope ក៏ដូចពិធីជប់លៀងសម្រាប់អាល់ប៊ុមនេះផងដែរ។

ជាមួយគ្នានេះ ភាពយន្តឯកសារនេះក៏នឹងនាំអ្នកទស្សនានៅពីក្រោយឆាកនៃការសម្តែងរបស់ J-Hope នៅការប្រគំតន្ត្រី Lollapalooza ជាកន្លែងដែលលោកបានក្លាយជាសិល្បករកូរ៉េដំបូងគេនៃមហោស្រពតន្ត្រីដ៏ធំនៅសហរដ្ឋអាមេរិកកាល ពីឆ្នាំមុន។

យ៉ាងណាមិញ ខ្សែភាពយន្ត “J-Hope in the Box” នឹងដាក់ផ្សាយក្នុងពេលដំណាលគ្នានៅលើ Weverse ដែលជាវេទិកាសហគមន៍អ្នកគាំទ្រ K-pop តាមអ៊ីនធឺណិត និង Disney+ ដែលជាសេវាកម្មផ្សាយជាសកល៕

ប្រែសម្រួល៖នាងតូច

ចុចអាន៖រឿង ៣ យ៉ាងពី IU ជាសេដ្ឋីលាក់មុខនៅ កូរ៉េខាងត្បូង